有學校料放「打風假」派定明天功課

小時了了

http://news.mingpao.com/ins/inst ... 00001/1476955519819
2016年10月20日 星期四

強颱風「海馬」即將殺到，天文台今早發出1號戒備信號，並表示海馬會在明日有可能相當接近香港。但有家長反映，學校預料明天有「打風假」，今天「貼心地」連帶明天的功課一併交代，結果共有17項功課，家長嘆「學生連打風也不能休息」;亦有家長鼓勵子女，若今天完成所有功課，明天下午可以休息看卡通片。

有家長在「不願小朋友成為功課奴隸」發帖，分享子女學校因預計明天有颱風吹襲，而預先派發明天的功課，「（家長）問：點解咁多功課，連聽日都寫埋？（子女）答：因為聽日可能打風，所以老師話俾（畀）定」。帖文一出即引來多位家長和應稱遇到同樣情况，「打風俾（畀）小朋友抖吓都唔得」，更有家長暗諷「老師用心良苦，讓小朋友早早知道：打風唔係放假，唔駛成日想打風」。

有家長指，手冊有列明今天與明天的功課，若明天需要上學，則只需完成今天的功課。但亦有家長表示學校沒因颱風而給更多功課，「老師當明天一切正常，提醒明天要帶的用品」。

小時了了

我女尋日話老師俾定下星期一交嘅功課，預打風喎！

CALVEN

我仔4樣功課

Barbe

我女學校都係！寫滿了手冊，total16 樣（真係包羅萬有，勞作都有）加2樣自習功課，另加通知將有中文測驗及範圍，真係超窩心！我地尋晚做功課做到十一點幾，連今天默書都唔得閒溫，好在天文台英明，今天真係打風！

babywoman

我地都係 ,兩日加埋有十樣,

brother4

朋友一樣

b3410

下周測驗，打風假用來溫習

little_yolky

IloveJJ 發表於 16-10-21 08:28
我仔都係啦！最慘係大部分寫晒响尋日嗰欄，剩返少少寫今日，咁尋晚唔肯定今日打風架嘛！做到死死下，結果1 ...

我哋都係寫咗兩日功課, 但就唔多, 兩日加埋得9樣。阿妹近排勢如破竹, 星期五晨早七點幾彈咗起身, 話要即刻做晒D功課佢, 因為下午要 "玩" ！   終於, 一陣就做完, 玩足大半日, 佢仲話好悶, 無乜玩具, 但佢玩到悶又唔會攞書出嚟溫喎！

little_yolky

IloveJJ 發表於 16-10-25 12:07
恭喜了！阿妹開竅! 我哋打風假要嚟溫書

開竅? 此言差矣, 佢目的只係為咗玩而已, 其心不正。

Rachelmummy2008

學校上星期五運動會取消左再改期，無加功課。

PY-Sing

星期五原本話要小測中文.

咁當日打風我問阿仔: "你洗唔洗温吓D 中文, 星期一一定會補測嫁喎."

阿仔答:"唔洗LA, 老師話會打風, 所以星期四已經測咗."

200904

好彩，我們學校原本周五有中評，周四手冊寫，可能打風，改在下周一。功課也沒多。好開心。

chanwendy

我兩個小朋友同一學校, 細佬冇比定, 家姐有一科有比定.  不過根據家姐的講法, 係即使唔打風, 該科老師都因為要去教育局而上唔到堂, 所以提早比定功課.  只係其中作文的題目係同打風有關的, 而呢篇文隔離班好似之前已作了, 但唔係同一題目.  應該老師臨時改了題目.

hha

我仔學校星期四測驗，所以打風前夕都冇加功課，只係4份＋改正，今個星期都冇埋默書。