請教，兒子少眼神接觸

iamfine02

兒子21個月大，同家人交流好好，好多溝通，聽指令，理解力同講野無問題，會簡單句子，但有幾樣野令我好擔心:
鐘意叫齊家中所有成年人一齊同佢玩，但一直少眼神接觸，叫佢望我眼睛，佢會好認真地望，好似以為我對眼有咩得意野咁望2秒，跟住又唔望。如佢有野同我地講，例如想要玩某樣玩具，就唔會望住我地來講，而係指及望住件玩具。 出到街人地逗佢講野就好cool唔理人，更唔會望人對眼，唔主動同人傾計。如我d朋友同佢講野,會應人,但唔望眼而是望其他野。只係試過一次無端在lift內]同一個陌生人bye bye.，但叫佢同人打招呼都會照做.
影相一般會來搶手機，如有人捉着佢叫佢望鏡頭都肯望。照鏡好正常。在鏡中會望我。
佢又未至於抗拒所有外人，如有成人同我傾一輪計，佢又肯跟人行開去玩。但佢在公園或playgp都唔會撩小朋友玩，有時會望住人地玩但唔會主動。如想玩滑梯，有人行埋去玩佢就唔敢行埋去，無人玩時佢至玩。
我一直諗住佢係怕羞，因我兩夫婦小時都較內向，但早幾天去小朋友m記生日會，佢一見有幾個小朋友就好驚咁，死都攬住我不落地，抱佢去同人影集體相都喊，玩集體遊戲更唔肯，有薯條食都猛叫我走。

似亞氏保加嗎？如不，那裏可訓練社交?

iamfine02

補充，只有一個成年人坐定定對住佢同佢講野，例如睇醫生或interview n班，佢都會望對方的

KCHK

可以試下上社交班又或者試下playgroup

iamfine02

咁嘅年紀請問那裏有社交班?

iamfine02

佢有普通play gp返緊，聽指令守秩序都ok.但不熱它群體活動