搬屋轉校網 打咗去教育局問

krw

回覆係1月31號之前要搬到如果唔係就冇得填表 人地揀淨先派一間俾你
之後再打多次 佢又話其實都未知…… 有可能冇得填表
有冇人有經驗？

唉 租約就嚟完所以先要搬 估唔到會搞到小朋友派位咁煩
原本打算2月搬 而家可能要為咗派位租多一個月

sbux

原帖由 krw 於 15-12-29 發表
回覆係1月31號之前要搬到如果唔係就冇得填表 人地揀淨先派一間俾你
之後再打多次 佢又話其實都未知…… 有 ...

如果唸住租多一個月現址嚟入表係唔可行嘅，因為申報住址必需入住至起碼九月開學。你個case應該係馬上搵樓，一月底前成交，用新租約上教署攪轉地址用新網

krw

就係新屋要租多一個月
即係要俾晒2邊租

tkinwong

原帖由 krw 於 15-12-29 發表
就係新屋要租多一個月
即係要俾晒2邊租

總之是一月的地址=9月的地址。

如果你要安心，就書面問教育局。政府的做法是書面問就必須書面答，而且一定是officer grade 答。聽電話的很多時只是文員級別。

krw

回覆 tkinwong 的帖子

而家問題就係1月地址=/=9月地址……而且電話答覆話 我1月簽租約 2月起租都唔可以1月搞轉網手續

但係電話答覆又話2月搞唔肯定會點 “可能”冇得填選校表

我今晚send 個e-mail問清楚先

bvbb

小女是2014讀小一，當年3月中收到房署配樓信，問教署如轉校網必須在3月底前辦手續。我是用配樓信申請轉校網的，不過當時職員有問幾時搬屋。
Btw, 最好問清楚，政策可能年年不同。

joew_525

回覆 krw 的帖子

你想用現址定新地址大抽獎?

如果用現址, 就續租至入小一。

如果用新址, 就要1月底前搬入去住, 過了1月先搬, 之後, 你可以去教育局改校網, 但唔一定可以比到新校網既學校比你排位, 但到時會安排一間仍有學位既學校比你。

bboo1

tkinwong 發表於 15-12-29 19:28
總之是一月的地址=9月的地址。

如果你要安心，就書面問教育局。政府的做法是書面問就必須書面答，而且一定 ...

岩,聽果個,個個答唔同, 因係最低級,連政策制度都未熟, 有時真係山草藥.

krw

回覆 bvbb 的帖子

咁你果陣有冇得排位呀

bvbb

krw 發表於 15-12-30 16:21
回覆 bvbb 的帖子

咁你果陣有冇得排位呀

有呀！

晴晴小B

用返小學個校網咪唔使煩，地點相距很遠嗎？

krw

回覆 晴晴小B 的帖子

講梗小一派位喎唔係中一喎

krw

回覆 bvbb 的帖子

係你搞好轉網手續 然後就即刻俾張新校網既俾你填？定係要等一排俾佢決定有冇得填呀

小曳人

以前有會員分享：edb都唔知幾時cut唔俾再填表，但佢二月搬，可以再搬表

記住，無人保證到一定可以填過，最好過年前上去辦手續啦！

bvbb

回覆 krw 的帖子

是即時填新表，所以之前要唸好排位。

krw

唔該晒大家
我而家都係盡快搵樓 希望趕得切

stephanieching

樓主，我昨天都打去問過教署呢個問題，初頭職員是求其答的，你決持轉去你校網的officer 聽，會答得確定和詳盡，不用寫電郵了，你現在時間真的很緊迫，要即刻找到屋，即刻取己轉名的電費單，和立刻親身上教局轉校網，記著問清楚幾時deadline, 趕不切千萬不要轉，因留在原校網還可抽心儀學校，過了限期新校網未派人地選剩的學校給你，我是你就一動不如一靜，留在舊校網搵屋搬好過（如沒有其他原因）

sbux

stephanieching 發表於 16-1-5 08:03
樓主，我昨天都打去問過教署呢個問題，初頭職員是求其答的，你決持轉去你校網的officer 聽，會答得確定和詳 ...

用打咗厘印嘅租約最快，因為水電煤單要有度數收費單先算數，得返一個月無可能有單出。

boyi

原帖由 krw 於 16-01-01 發表
唔該晒大家
我而家都係盡快搵樓 希望趕得切

用打厘印租約最快，即時有正本。但要起租後一個月內才可以辦理打厘印。

stephanieching

地址證明一般接受水電煤單，租約不知接不接受，其實最快是去轉電（我轉開港燈，中電不知），拿舊單親身往北角即辦轉名，立刻有要新按金單給你，可用來做證明，我試過好多次了（公司需要）