ADHD搵學校

topyy

請問你地願意講下讀緊咩小學嗎？點解會選擇呢間小學？小班教學嗎？老師對ADHD有耐性和有愛心嗎！公立直資私立都得！唔太難入果d....

因為ADHD的小朋友真係好難搵到間有愛心，願意接納佢地的學校..

可以分享下嗎？邊區都得！其他JM都可以參考丫嘛！唔該晒！

henry1997

我都面對同樣問題

LOKLOK89

最好打探自己住的小學附近.

topyy

原帖由 LOKLOK89 於 15-11-10 發表
最好打探自己住的小學附近.

其實好難打探，唔讀過真係唔知課程，老師岩唔岩ADHD小朋友

就算企係學校門口問，一般家長同有ADHD的家長想法和評價又唔一樣

其實我都只係想知你地仲唔仲意你地間學校，有咩值得欣賞，有咩要包容下，交流下搵學校有咩要注意地方

LOKLOK89

油塘基法，有 ADHD學生，有社工及心理專家跟進， 有外請語言治療師，社工會自組不同小組，四至六年級有成長的天空。

topyy

原帖由 LOKLOK89 於 15-11-17 發表
油塘基法，有 ADHD學生，有社工及心理專家跟進， 有外請語言治療師，社工會自組不同小組，四至六年級有成長 ...

Thx for sharing

metrochung

原帖由 topyy 於 15-11-06 發表
請問你地願意講下讀緊咩小學嗎？點解會選擇呢間小學？小班教學嗎？老師對ADHD有耐性和有愛心嗎！公立直資私 ...

其實ADHD好普遍，每間學校都有，睇下間學校包容成点。例如傳統+嚴的學校，學生成日比人寫手册和向家長投訴，學生自信心差和家長壓力不少。一些愉快學習的學校，可能包容D，但成績又怕唔好，升中唔知入乜學校。有D學校好有經驗收sen學生，好包容，所以多sen學生入讀，但你諗下，咁多sen學生一齊會係點。

topyy

原帖由 metrochung 於 15-11-18 發表
其實ADHD好普遍，每間學校都有，睇下間學校包容成点。例如傳統+嚴的學校，學生成日比人寫手册和向家長投訴 ...

係，呢個係好多sen家長面對的問題，但個小朋友谷唔到，所以想搵愉快學習的學校，我唔介意成績，只想大家開開心心，迫佢都無意思，何況佢地呢類小朋友迫唔到。

至於你話學校收好多呢類小朋友呢個問題，我都諗過但我又會諗，其實佢地係悶先攪攪震，如果課堂係有趣，又有得旭下既，佢地都可以好合作，佢地只係坐唔定姐。

所以，我個問題就係，香港有邊幾間學校係比較適合佢地，家長讀過又會建議其他adhd既學生揀，但又唔難入？

味兒

我仔都係SENS  我仔個班共有6個 我都算好彩  小1自己去面試小一英文班就入到啦  升上2年班比左尢德份野佢睇  之後就有語言治療  有其他調適比佢  當然調適都係要因應心理學家報告去調適比小朋友啦  我個間係鳳德道天主教聖文德小學 因天主教佢地係有自己既心理學家報告 學校社工又做得唔錯  提D仔食藥 都比到支援家長 睇得出各位老師同校長都好包容SEN既小朋友 就算我個仔依家讀英文班都算係精英班 佢地都有調適比到我個仔 我個仔今年4年班啦 學校校長成日都有上電視做訪問  我係感受到佢地好包容SEN 仔囉 學校同家長又好CLOSE 好很接受意見  好多興趣班  又有聯繫中學 聖文德書院 我當初選呢間都係林住第日升中成績唔好起碼有間原校中學入選先啦 我仔有 過活  缺乏專注力 仲有讀寫障礙 我有個朋友個女都係讀呢間 佢有典型自閉  我覺得呢間學校 都算係做得到包容SEN 仔  呢間小學成績唔係差架  我依家開始要搵可包容既中學啦

topyy

原帖由 味兒 於 15-12-01 發表
本帖最後由 味兒 於 15-12-1 01:28 編輯

我仔都係SENS  我仔個班共有6個 我都算好彩  小1自己去面試小一 ...

多謝您的分享呀！！相信你小朋友會讀得好開心
但呢間係區內係咪熱門架？有英文班，應該好多人競爭，你個仔好叻呀可以入到