ADHD + 公主病 點搞?

pro_teacher_lau

你們的小朋友有沒有公主病的問題嗎?

henry0729

pro_teacher_lau 發表於 15-9-18 09:52
你們的小朋友有沒有公主病的問題嗎?

請具體說明之。

pro_teacher_lau

事情是這樣子的~
我有一個女學生，小三，有嚴重的公主病~已經用大量的遊戲教學，試過一堂佢都唔洗拎起枝筆上堂~ 連佢的鋼琴老師都頂唔順，經常唔彈琴， 上堂又要扭計，喊，浪費曬D時間，所以最後連PIANO LESSON 都停埋。

佢不是獨女，上面有2個高中的姊姊，一個細老，家庭相處都算和諧。 但佢真係好不聽話，試過上堂時 媽咪警告過多次，她都不以為然，上堂會不認真，直到爸爸發火，罰佢企，佢先認真少少。

又試過 1.5 的補習時間，已經用了一小時英文遊戲教學，最後先叫佢做簡單的英文EXERCISE ， 佢都可以喊，扭計 >.<   (我自己覺得佢純扭計，因為佢小一開始都有補習，其實佢習慣左個模式 ，所以真係唔知點搞，佢一扭計，老豆就發火 )

又試過好多次，佢未做完功課，所以家姐補先，我見到佢著曬公主裝 ，皇冠，權杖做功課，一到佢補習時，就會同我講 " 立即變冰，我要冰凍你 ! " (情節同 貓爸 電視劇一樣 ，不一樣的只有我的反應 。不過有時都會同佢玩，教導佢 ELSA 是個好孩子，佢都用心學習 )  

而佢英文都算不錯，可能因為屋企有姐姐 。 但佢真係不會太專心和認真看待學習，佢做我的功課的字寫得好差 T_T  但做老師的功課就會靚好多，經常 講 " 是但啦，求其啦 " 等好負面的說話。 佢到E家仲會錯D好簡單的英文 : Mary run so fast. 等句子 T_T 但我知道佢係識做嫁~ 也試過有一次考試writing，要寫4格漫畫，有提示的問題，如 When does Mary wake up? 佢直抄提示的問題 >.< 但明明學校平日的writing 功課做過好多次。

物慾控制都痳痳地。有一次佢話想要 ELSA 的鉛芯筆和鉛芯，之後我叫佢用英文講一次 (因為佢ORAL 是無問題的) ，但佢唔識 鉛芯筆的英文，我話唔緊要，你自己查一查，如果下一次用英文講到俾我，我就買俾你啦~ 之後佢立即扭計。 如果你真係想要，你儲貼紙啦，儲到就有，然後 扭計 + 大喊。

有冇家長的小朋友 都有類似情況 ? 點樣處理學業上的問題 ?