有野想請教

BB200200

小女今年9月升小五, 由小一開始小女中文成績普通, 但英文成績理想, 連補習社都覺得佢中文較(約), 雖然而家惡補中文, 但成績都未如理想, 再過兩年更是小女選校, 我亦問過她選中文or英文中學, 她答 "英文中學", 但我所知她是band 2,
而家我都唔知點幫佢鋪路, 因為所有英文中學都是band 1,如果幫佢選band2中文中學又驚佢讀得辛苦(因為補習社話佢中文要教幾次明白,英文教一次明白)..唉！！都唔知點算

Sheila

BB200200,

你囡囡中文點瓣弱呀? 唔識寫, 唔認得字, 理解能力差?

Sheila

BB200200

Sheila,
佢係理解能力差, 作文唔識轉(例如佢唔記得字點寫,佢唔識轉用第二個詞語), 我都知道要佢睇多d圖書, 但係佢唔聽  

Sheila

佢唔識轉係因為佢識得的詞語太少,佢根本諗唔起有D咩詞語可以運用, 佢唔肯睇書好難架播, 因為我覺得要改善中文非一朝一夕的事,多看書自然會識多D字,無論認字,寫,運用都有進步

係呢, 你用咩方法要佢睇多D圖書而佢唔聽呀? 睇下我可唔可以幫到你

DoReMi媽媽

BB200200

小朋友有冇參加"每日一篇"閱讀計劃?    每日都睇一篇文章, 我諗點都有小小幫助啩!

BB200200

Sheila,
我同佢去圖書館我叫佢去借書, 因為我想佢搵自己喜歡睇既書, 佢都好似搵唔到,因為佢爭係鐘意睇公仔多個睇字,甘我就幫佢搵D故仔書,佢都好似無物興趣   。我亦都試過借公仔書,例如:叮噹, 佢爭係睇公仔飛字  。

DoReMi媽媽,
佢有參加, 仲日日做爭位

DoReMi媽媽

唉! 我嗰個咪又係咁, 唔喜歡睇文字書, 鈡意睇漫畫, 唯一肯睇O既文字書就係三國演義, 激C我!

BB200200

DoReMi媽媽
你個個都係睇三國演義, 我個件  

Sheila

你可以買D淺D少少的故事書，但係唔係漫畫，放在廁所、床尾、茶几，佢去廁所OC時無無聊聊點都會睇下，話唔定可以吸引到佢睇呢？

或者你試下講故事書的前半部份俾佢聽，跟住吊住佢條癮，叫佢自己睇落去

我買好多書俾我囝囝，我見到啱就會買，唔會問佢鐘唔鐘意睇，床尾做左一個書架，好似一個小小圖書閣咁，佢見到一排一排好整齊好靚嘅書佢會好開心，星期日早上我又會帶佢去圖書館流連，尋日朝早佢借左本"論語"， 你話誇唔誇，佢話老師提過，佢話入面有好多典故，例如"溫故而知新” 佢想知道故事的內容，於是就借黎睇。我覺得學校對佢都有影響，囝囝學校的第二個小息，唔准落操場，只可以睇圖書，要自己帶，冇帶當欠交，當大家一齊睇小朋友就會睇，同學仔又會互相交換心得，阿甲同學問你有冇睇過“哈里波特”，你又話冇，阿乙同學問你有冇睇過金庸小說，你又話冇，咁好瘀ka ma，可能基於唔衰得的心態，囝囝睇好多書，都係同學話好睇，佢又要去借或者叫我買。

囝囝星期六重學人自己去行書局，因為佢去灣仔打乒乓波，可能早左到，佢就走左去三聯打書釘，重打電話問我可唔可以買＜李小龍傳＞，話２２蚊好抵喎！

sheila

DoReMi媽媽

Sheila

o華! 你個仔而家睇"論語"tim呀!真係要俾個叻叻佢喎!     

Sheila

唏!人睇佢又睇遮, 但係佢鐘意睇書都好勞氣, 因為考試時候,我唔俾佢睇, 佢就成日收埋本書在廁所, 過一陣又話OC, 一日O幾次, 原來匿埋在廁所睇書, 一樣激C我...

hotdogpapa

BB200200：

中文之道，在乎多閱讀、多寫作！
如果小朋友不喜歡閱讀：大人有責！
你家有多少本書？你經常看書嘛？有圖書證嗎？上次去圖書館是幾時之事？
一) 知恥近乎勇，抽多點時間來個親子“閱讀”…起初時一起尋找有趣“故事書”睇；然後由佢選擇才慢慢放手、多鼓勵、多讚賞…小朋友慢慢就喜愛閱讀了！
二) 每星期要小朋友作一篇文…週記也好、隨筆也好，標題可以盡量要求佢“天馬行空”…等小朋友發揮無窮《創意》…小朋友有了《創意》就不會每次週記都是行街、飲茶、BBQ了…(當然你要負責改正…以便中文更進一步！)書到用時方恨少…如果小朋友喜歡了寫作，他將會大量吸收中文以補不足！
三) 買幾本小學生成語、唐詩、字典、辭典…等放在家，每次他有問題向你查證時，可以一起掀書了解，慢慢養成小朋友請教“啞老師”習慣！

p.s.：食了幾十年濕米，第一次聽到有人說：讀band 2會辛苦過讀band 1…

CHUCHU

BB200200,

我的情況跟你差不多,亦都係中文非常唔見得人(七十幾分炸),可幸她還是band 1 組別,但隨時會失足下滑(神秘學生突圍而出)
我就打定輸數,假如要跌落band 2 頭,我會以直資英中為主打,自行第一輪就選直資,而非待最後關頭才求(等到咁遲會有好多冇運叻人爭架),在第二輪還選同一直資做第一志願(因為band 2 根本就冇英中),入到機會相繼會增多.如果唔係到時中文唔得,又入唔到英中,真兩頭唔到岸呀~ !

嘻嘻,係我自己咁諗姐,唔知行唔行得通架,唉!到時見招拆招啦.  
都係睇[運氣]多d. :