一年2測2考

ckgoody

10月尾先測完驗，12中又話考試，大家會考試前幾時開始溫書呢，考試前果1-2個星期已經有非主科（音樂，普通話）既筆試,默書考試，又有口試，冇時間溫考試既科目，計落差唔多而家開始要溫，只係休息左2個星期，又要來過，唉，好辛苦呀

little_yolky

ckgoody 發表於 14-11-12 11:50
10月尾先測完驗，12中又話考試，大家會考試前幾時開始溫書呢，考試前果1-2個星期已經有非主科（音樂，普通 ...

其實日日溫少少, 就唔會好辛苦的。好似阿女, 啱啱老師要佢背5課金句, 一星期教一課, 佢無自己主動溫, 咁就要一次溫5課了, 俾我鬧鑊金。佢就知道應該教一課背一課金句, 就唔駛臨急抱佛腳了。

crispin

咁3測3考嗰d呢？！
2測2考已經好d，我地聖誕後考，仲慘！係大把時間溫呀~但無得去玩喎！

happy_lavender

其實是否要在心理上先作調整？為何考試等同辛苦？你有這種想法，小朋友就會有相同心態，即是遲早會對學習抗拒。

我的上司經常提醒我們，若然平常準備充足，做足功夫，就是被管理層突擊問話，那只會變成你show off的時間。我將之比對自己以往考試經驗，試過一個sem有10個week，我在week 6已經溫完整個課程，確實極之期待考試的來臨，絕無辛苦之感。有這種心態的話，就變成越多測考越開心。

現在我便將此想法傳給阿仔，告訴他只要平常努力溫習，留心上課，考試便是他獲讚賞的時間。他全部收晒，落力溫習，有時更主動催迫我和他做網上練習(他未懂自行開電腦)。結果今次考試成績不錯，還未派英文和電腦卷，他已獲得74個"叻"(讚賞)，老師又獎筆，唐姐又獎糖！他開心到不得了。因我們強調用功，欣賞進步；他考試完結當天回家已即時開卷溫習，說考試做得不好要溫番！看見他如此態度，深明只要用功便不怕挑戰，作為父母已開心不矣！亦證明這種心理調整策略成功！有此心態和讀書態度，我們何愁他不會進步呢？當然，我有教他一些考試技巧，但我想心態和態度更為重要，必須先調較好。下一步我便是灌輸不怕失敗的精神，要他預備失敗/失手後如何翻身。共勉之。

little_yolky

crispin 發表於 14-11-12 11:55
咁3測3考嗰d呢？！
2測2考已經好d，我地聖誕後考，仲慘！係大把時間溫呀~但無得去玩喎！
...

same here, 4測2考, 數學今個學期仲無端端變咗3測。

Yanamami

little_yolky 發表於 14-11-12 14:18
same here, 4測2考, 數學今個學期仲無端端變咗3測。

個個月都忙緊~~~

ckgoody

原帖由 crispin 於 14-11-12 發表
咁3測3考嗰d呢？！
2測2考已經好d，我地聖誕後考，仲慘！係大把時間溫呀~但無得去玩喎！
...

3測3考？咁多？測驗計唔計落成積表？

ckgoody

原帖由 little_yolky 於 14-11-12 發表
其實日日溫少少, 就唔會好辛苦的。好似阿女, 啱啱老師要佢背5課金句, 一星期教一課, 佢無自己主動溫, 咁就 ...

我都想平日溫，但平日功課已經多，仲要應付默書，邊度有時間溫書

little_yolky

ckgoody 發表於 14-11-12 14:27
3測3考？咁多？測驗計唔計落成積表？

測驗、默書、考試全部計分, 只係工作紙唔計分

Jane1983

我地果代讀書都係2測2考的，算正常了。以前因為返半日，功課少d，父母又吾緊張，所以輕鬆。'

平日keep得ok，測驗做番正常水準就得，咁多測考、咁多年讀書，都係放鬆d好。

little_yolky

ckgoody 發表於 14-11-12 14:29
我都想平日溫，但平日功課已經多，仲要應付默書，邊度有時間溫書

因為我哋學校好好, 神咁早派默書範圍, 中文就學期初派晒一個學期。英文因為係老師自製教材, 所以約兩個禮拜前派, 功課又唔太多, 依家小二一日平均只有6-7樣, 响學校幾乎做晒了, 所以其實佢番到屋企應該好多時間溫書練琴的, 只係唔做而已, 永遠係最後一刻先溫。

仔仔錫錫你

我地3測3考，功課又多，再加上2項青苗運動，唔好話閒日，就算假日都無時間温  你2測2考實在太幸福了！

wan_sosin

去學習，無理由想學完唔識，平時認真上堂，用心完成功課，真係學識佢，咁測考就唔太辛苦。
我同我仔講，上完堂就要學識，唔係的話，晒咗返學時間，返到屋企又要花時間再睇再學，不如上堂認真D,留返時間去玩！

fc926

happy_lavender 發表於 14-11-12 14:05
其實是否要在心理上先作調整？為何考試等同辛苦？你有這種想法，小朋友就會有相同心態，即是遲早會對學習抗 ...

非常同意,這是價值觀的問題.  

crispin

我記得我細個有大考小考，中間仲有測驗架！
不過無呢代咁多活動，而且測考都係由頭睇到尾，睇一次咁多，溫完！

MrBeast

慢慢會慣，dont worry

kirstyau

我地3考，平時個d測驗唔計分，11月,26，但平時應付功課都冇哂時間，星期5放學後，星期六上下午 各1，星期日上午學野，所以都係考試前2星期先溫，但我因為平時要阿女早睡，專心上課，功課99%自己完成,唔洗教又錯好少，我當佢識左了！之前都係上游位置，今年未知！

kirstyau

11月，2月，6月考

sososu

香港人 , 就係要咁...

習慣成自然 , X 來順受.....