兒童發展

高蕃薯

我上年年尾可見兒童政府發展評估..等左半個鐘頭有多先見醫生.見到醫生唔係同小朋友溝通下先.已經急不及待叫佢做這做那....其間口不停問埋照顧者小朋友的情況....再見埋社工!
成個過程只是二個鐘內...(註有1小時以上花在等)
出來的結果係話我小朋友有自閉...
叫我地去排政府精神科,要2016年才可以見第一次...
我已經去了協康會做了多一次自閉評估.姑娘比了個結果我除了小手肌同語言唔好,其他OK
但係登記前協康會已經講明唔會再回答小朋友係唔係自閉...(因為佢地認為你地JOIN 這個評估就會認同小朋友係有)
姑娘再建議我地去再做感統評估...我地又會下個月去.
我想問下有沒有家長可以話我知我點先知道我小朋友係有傾向定係佢已經係自閉?
(但我地覺得唔係醫生講得咁差,佢會望你又會同你笑)
同埋係唔係政府做評估的醫生,係唔係唔會答你佢係傾向定....
(係我心目中傾向係易D改變佢地的行為)
同埋有冇人可以比D意見我該做什麼去幫下我個小朋友？

vivian010280

政府果邊有冇比S位排?
自閉症除左要看有冇眼神交流,還要看行為,好多時有d唔起眼既行為,就是症狀,
我仔仔本來今年年尾先見油蔴地政府精神科,但上年12月黎信14年1月已見,
我見係一位兒科醫生同一位言語治療師,醫生會問我所有問題及觀察,言語治療師就同小朋友玩及觀察,我覺得比政府發展評估較詳細,不要被精神科這字眼嚇親!

高蕃薯

回覆 vivian010280 的帖子

我地己經排了學位.(特殊學校),也排了精神科.(但要2016先可以見第一次)..
上次做完協康會姑娘都話我個仔的情況唔洗讀特殊學校 (聽完佢講我更加覺得上次見的醫生好差)
我仔係會望風線,同重複佢所學到的東西.如我們教佢這是門字..
去到那裡一見到門就會同你講有門字...
一個商場有二十個防煙門,就會講廿次..行埋去指比你看果種!
(註同佢去協康做自閉評估時冇重複講門同看風線的表現)
至於望風線.老師都有講叫佢唔望時佢會合作.但一陣佢又會望不過唔係眼定定果種..
所以協康會同我講唔會答我小朋友係唔係自閉,...我都好無奈
我想問下精神科會點做評估? 會否跟你講返小朋友係自閉/定有自閉傾向?
我地係兒童發展部做時.問個醫生小朋友係嚴重嗎?
對方回答我只係可以話你知佢係個自閉光譜內.唔會答你
係唔係嚴重!<---咁都得?

anan3388

孩子幾大？

高蕃薯

回覆 anan3388 的帖子

我想他是全班同學中最細的一二個2.5歲

pocoyo123

通常5歲前都會叫自傾向, 6歲入小學前再做一次智力評估, 果次就可以肯定到佢有無自閉

高蕃薯

回覆 Yuyu0330 的帖子

我未試過甘同佢玩，我試過同佢玩泥膠，話他知是琴，叫他彈下佢都有玩，至於有冇說話，今個星期識得同我講句
甘多人概，(先前冇說過，)

高蕃薯

回覆 pocoyo123 的帖子

望仔仔努力加油，同自己比心機同佢補救下評估的不足(註我發現我仔在公園只玩圓形的轉轉原因)只因
他不敢自己玩滑梯，而我們又沒有跟他上滑梯，比佢自己試佢只會企係滑梯唔行，等你上去捉住你先肯玩，每次sir完佢又心思思想上去sir

fatjaimama

我都有兩個A仔.  他們智力正常(某些範疇仲係資優).  自閉與智商無關, 只是有一些小問題跟住佢, 扔不走.  

不要怕被"標籤". 試想
1. 如小朋友無事, 被誤疹為A仔,小朋友便會被安排參加很多訓練, 無形中小朋友會叻咗.
2.  如小朋友真的有事, 能及早安排洽當的訓練, 對小朋友絕對是一件好事.

所以無需擔心, 只要勞力提昇自己"正面"的管教技巧, 增加與小朋友遊戲/訓練的時間, 對你與小朋友都是百利而無一害.

csy_0101

原帖由 fatjaimama 於 14-04-01 發表
本帖最後由 fatjaimama 於 14-4-1 23:53 編輯

我都有兩個A仔.  他們智力正常(某些範疇仲係資優).  自閉 ...

請問你點發掘小朋友的資優範疇？我也希望幫小朋友發展一技之長，但仍無從入手。

babecat1

原帖由 fatjaimama 於 14-04-01 發表
本帖最後由 fatjaimama 於 14-4-1 23:53 編輯

我都有兩個A仔.  他們智力正常(某些範疇仲係資優).  自閉 ...

讚

fatjaimama

我大仔在入小一前, CAC 幫佢做咗IQ TEST, 結果四大範疇中有一個佢係資優.  

另細仔在3歲時, 因CAC 見醫生條隊大長等大耐, 所以我帶他去做評估, 個精神科醫生亦順手幫佢使咗個IQ TEST, 所以我先知佢原來同哥哥一樣予同一範疇係資優.

其實只要他倆IQ正常, 其他根本不用理會.  簡單D 講, 你知佢有一方面好叻, 如我加強趨谷, 那其他3方面的發展咪永遠落後.  如見有3方面不夠勁, 加倍趨谷, 咁咪小咗時間去提昇佢叻個方面囉.

所以知道RESULTS 後, 我只照常培育他倆, 做好MAMA的本份.故知唔知佢地係咪資優根本無所謂.

對A仔來說, 母親最重要的是對他們多理解接納, 多耐心引導, 更多更多教他們表達感受.  不打不鬧不黑面.  

不容易做, 但要努力呀!

高蕃薯

回覆 fatjaimama 的帖子

謝謝你的提示...係的唔好理佢係唔係誤診,盡力同佢補佢的不足...
係呢我想多口一問你所講的IQ TEST.會唔會係同我地做自閉評估差唔多....係比些圖叫佢砌果類?
答下問題那些,如果佢唔肯開口答問題咪唔會CHECK到佢ＩＱ?

debc

不打不罵不黑面，真的很難做到啊！有時真的忍唔住大罵囝囝，知道唔應該但都係忍唔住閙佢，每次事後都好後悔，感到壓力爆煲，好多時忍唔住自己偷偷地因為內疚而喊，喊完先舒服d

debc

不打不罵不黑面，真的很難做到啊！有時真的忍唔住大罵囝囝，知道唔應該但都係忍唔住閙佢，每次事後都好後悔，感到壓力爆煲，好多時忍唔住自己偷偷地因為內疚而喊，喊完先舒服d

fatjaimama

根據醫生比的資料, 我兩個仔係做"偉氏"IQ TEST.  因父母不可以在場, 加上我亦無問佢地, 所以我真的不知道內容, 只知結果.

高蕃薯

回覆 fatjaimama 的帖子

哦...原來係咁...