分享: My Siubo play group 既經驗

Chirley

眼見有媽媽係到分享D有問題既PG, 我都想講下自己既經驗...呢件係4月頭發生既事:
之前係網上團購觀塘既My Siubo play group, 我地根據網上個時間表book左個『幼兒專注力訓練』, 但真係好焗氣下, 俾我同老公既感覺好差:
1/ 個課室好細: 一班有小朋友8人連家長, 仲有負責個堂既miss ma, 但係課室內係放左好多波波等 (仲要見到係有塵咖!!!), 活動範圍已經唔大。Miss Ma要求小朋友圍個圈聽歌都轉, 都轉得有點難。
2/
課程時間表上寫係1-2.5歲既小朋友, 但個miss係唔會根據小朋友既情況去而調節下個要求同做到既野, 例如我小朋友16個月大, 根本只係岩岩學識講野, 但俾食物時要求小朋友要先講『多謝』; 又如一開始上堂時要求各小朋友都介紹下自己, 2.5歲或者可以, 但我囝未得囉, 仲有個更細既都講唔到, 但係介紹自已呢part已搞左差不多20mins (一堂60mins)。如果內容既要求係統一唔會因應年齡而改既
, 咁點解又要開個俾年齡個range相差咁多既班?!
3/
miss 個態度差: 有part係玩將個雞蛋玩具位併 (蛋中間有星形凹凸圖案果種),我仔將一隻蛋完整位併後交返俾miss
, miss睇完一眼就話: 你合返好先俾我。
如是者我囝連合2次個miss都同一句說話同一個態度, 但睇到阿囝合隻蛋係合到,只係合得唔夠實。之後出手想幫佢時, 發現隻蛋本身既位係有d鬆。8個小朋友但用具只得1set (10隻), 但每人係要合2隻蛋俾miss⋯⋯

4/ 去到食茶點果part, miss 要求小朋友每個人自己搬張矮凳仔坐。問題又黎了, 雖然都係張膠凳, 但唔係屋企用開細細張圓形/
方形無背果隻, 而且都有少少重量既。雖然我囝係屋企都有自己搬d膠凳仔周圍玩, 但搬理內張凳去食茶點都有d難度。
5/ 其實食茶點時Miss Ma仲要小朋友搬埋檯呀,佢當d小朋友唔係1,2歲, 係十零廿歲。食完兩塊餅後小朋友要拎返d碗仔去俾miss ma,有個2歲小朋友將隻碗疊入之前隻碗到,但隻碗唔係圓形而係有點孤既形狀, 個小朋友唔係疊得好fit果隻但真係放好左,個miss ma即話個小朋友『你咁都放唔好,再放過』, 仲要係黑臉果隻。第3者既我聽到都火呀, 個miss ma唔係建立小朋友自信心而係不停打擊,而且對小朋友係無愛心耐性。

總括經驗: 可能我囝未夠能力去做miss既要求啦~所以我地都唔會再上
呢個『幼兒專注力訓練』堂, 亦唔知道呢次既課堂阿囝d注專力點樣可以提高到。團購有4次,雖
然係課室外既姐姐好好笑容同客氣, 但我地無再去呢間返埋另外既3堂, 亦唔會再去另一間。