請問各個banding 人數佔三分一是全港計定分區計？

mirage

如果是分區計，41網LS ，MCS，KTS 同APS 都有八成以上band one ,咁其他同網小學band one 咪其實變相少了？

ohnono

mirage 發表於 12-11-26 21:43
如果是分區計，41網LS ，MCS，KTS 同APS 都有八成以上band one ,咁其他同網小學band one 咪其實變相少了？ ...

至少還有兩間馬頭涌官小呢！你都講得啱架，除了這些小學之外，在九龍城區裡掙一口飯吃實不容易，隨時少過3成。

ohnono

回復 mirage 的帖子

全港計的用作統一派位甲部派位之用。
分區計的用作統一派位乙部派位之用。自己區鬥自己區，好多九龍城區的小學都分唔夠1/3 band 1生，接近此數的已算好。

mirage

有一個想法，唔知啱唔啱。概然九龍塘是強區，區內band 1中學在自行時是否應盡收區外學生，因為區內band one 生在乙部時也會派回本區.就算band two ,也可能同弱區的b1差不多。

ohnono

mirage 發表於 12-11-26 23:34
有一個想法，唔知啱唔啱。概然九龍塘是強區，區內band 1中學在自行時是否應盡收區外學生，因為區內band one ...

如果你話，自行階段，九龍城區的band 1中學唔會收區內的band 1生，留待乙部大抽獎時才收。咁如果人家係叻嘅，你唔收，還有別人會收，因為自行可以報兩間的。到乙部時，你想收番嗰d叻嘅都難，一個唔覺意人家隨機號碼好，你重會收晒d band 1中、尾的同學。
人同此心，那些學校唔會唔收，都係一樣睇教局的排名次序，叻嘅更係收歸其下先啦，無理由擺係度等咁蠢架！

坦白說，通常d學校都會傾向每個區、每間小學都會揀最叻嗰幾個來收，唔會收得多，比番d位第二個區。

還會有兩種極端情形。第一係跟本自己區都冇叻人來報，叻那批唔係去保羅男女、拔那些學校，要不就係走晒去皇、喇、曾、林、鄧，令到他們焗住收外區d學生頂住。第二就係直屬中學和小學的從屬關係，令學校收回大量小學的學生。

至於band 2等如弱區的band 1問題。我相信沒有一間英中學校想收到band 2學生。試想一想，如果不斷收到band 2生的話，那麼這間英中，好有可能會被教局要求減開英文班，又或者學校要做好多補底工夫，甚至減少英語授課的科目去遷就部份同學。總言之就好多學習差異的問題存在。