小一閱讀理解

siu_to

我個囡明年升小學, 近排去書局睇過d閱讀理解習作, 好深呀又多字 (對我個囡黎講)
想請教有經驗既家長, 點樣可以令小朋友比較易去接受呢個轉變呢?

siu_to

我自己已經唔記得曬以前讀小學既野啦.......

Charlotte_mom

都係果句，要學識字一定係從睇課外書開始。買d有趣既書伴讀，建立小朋友睇書興趣，點都有效過用練習做教材，悶呀

siu_to

caroline_kan 發表於 12-11-13 16:40
其實不如TRY下比D淺GE幼稚園閱讀理解先啦?因為學識做GE方法，長短都一樣GA啦..LINK:file:///C:/Users/user/ ...

唔好意思, 條link我去唔到

bro_and

首先, 要和小朋友看多一點書, 增加認識生字!
之後, 買一些簡單閱讀理解, 從淺開始做, 已經讀小一要教佢答題方法, 我果仔小一時閱讀理解測驗4條錯3條, 有d甚至4條錯4條, 因為識字少, 所以閱讀唔理解, 一有時間借定多d圖書, 每日睇幾版, 慢慢識多d字, 就會識解題 !

小齊

回復 siu_to 的帖子

你指中文定係英文閱讀理解, 我小朋友現在小一, 剛考完試, 但係中文科既閱讀理解唔得, 我係商務書局買左本渶華出版社既閱讀理解, 我覺得佢既文章內容比較短, 以理解力弱的小朋友來說, 我覺得由淺入深會好d, 希望幫佢慢慢理解, 而其他出版社文章內容比較長, 以一個能力較弱既小朋友見到文章禁長, 跟本都唔想做, 仲會怕左。

mansum92

我用暑假時間 每日同小朋友睇一本書 有中有英 我個仔小二英文唔洗溫都9字頭 中文閱讀理解都答得OK 7成答到 所以睇得書多真係好有用 我覺得最好睇同一series故事書 因為主角成日做差唔多既野 睇多幾本佢就記得果D字 知道主角想做D咩
不過佢中文listening同speaking就拎唔到一半以上既分數 我都唔知點搞

lestat

我個囡閱讀理解中英都唔得, 最大問題唔係佢唔識D字, 而係一見多字就已經講唔識, 根本唔想睇, 即使果篇好淺, 但我坐晌佢隔離, 迫佢由頭讀一次, 佢讀到8,9成, 問題都識睇, 仲可以俾到個答案, 連測驗時都係唔肯睇, 偏偏佢間學校閱讀理解佔好重分數, 都唔知點算

莎莎莉莉

我仔佢認字好OK, 小一常識做剪報, 基本上學校派的剪報佢自己已可以睇得明, 唔使我解.

佢鍾意睇書係原因, 幼稚園教中文教得好也是原因, 幼稚園佢已有做閱讀理解. 仲有一原因, 係我俾佢自由睇電視, 因為電視有字幕, 我仔係好鍾意睇字幕的, 漸漸因為看字配合旁白, 佢就能聲入心通了, 識到好多字了.

依家佢會時不時打開電視的節目介紹來看. 當書看.

所以我從不覺得電視是壞的. 我細個因為睇得多電視, 對中文同中史好有興趣, 所以呢兩科成績特好. 到個仔一樣受益於電視.