- 在線時間
- 44 小時
- 最後登錄
- 16-12-20
- 國民生產力
- 26
- 附加生產力
- 349
- 貢獻生產力
- 0
- 註冊時間
- 07-9-5
- 閱讀權限
- 10
- 帖子
- 77
- 主題
- 0
- 精華
- 0
- 積分
- 452
- UID
- 155906
|
上得BK既父母都系好重視子女既父母,但要小心提醒自己有時過份重視會對自己和小朋友做成壓力,而不同小朋友壓力下反應都好吾同,有D會醒定左而有改善,有D會在自衛機制下反而更加强反叛行為,或因trigger左"fright or flight"機制而表現更加不佳。要小心觀察才了解自己小朋友系邊種,見招拆招。
另也要小心觀察自己在教既過程中會吾會因 太認真緊張而令過程變得有壓力?成人懂得以目標為本,懂得要有責任心,而小朋友思想未成熟時這些concept未能充分理解,父母只可以揾方法增加學習過程的趣味性,同找尋令小朋友容易入腦既方法。
之前有家長有個好建議 - 如聽吾入腦,就用視覺方法去教,入到腦先有用。視覺和multi sensory既學習方法其實現今已經好廣泛研究和應用。有朋友阿仔左耳入右耳出,test左原來有auditory processing disorder, 所以聽漏和聽完吾記得吾系佢既錯!
每個人腦仔都好不一样,吸收外界訊息既方法和能力好吾同,而小朋友大多數不善於自發去尋求解決方法,父母要幫手,當父母能成功協助小朋友找到有效方法,小朋友會appreciate的,但這些方法吾系從成人角度出發,系從小朋友角度出發,所以父母用自以為有效既方法吾等於有效於子女,當發現冇效時就要變招,直至找到有效方法為止, 不要放棄!
現今在職父母時間有限,只能set priorities, 要接受放棄些less urgent既野,日子有功,可能遲來先上岸!最緊要小朋友在成長過程中無sacrifice自專同家庭温暧。
最近睇左本好有啟發性既書,系8界World Memory Championship 冠軍Dominic O'Brien寫既 How to Develop a Brilliant Memory Week by Week,佢細個時無人估到一個有學障同專注力不足既小朋友大個左有咁既成就!
另這本書也啟發左我在教小朋友方面,提醒小朋友多D用腦仔image記事既功能,我要求小 朋友將要記既野好似影相咁影入腦,影完合上眼睛,如影像不清再影多次,掌握技巧後默書什至心算計數都進步神速! 同樣技巧可應用至生活層面上,如要改善做事條理和速度,可在腦內用影像rehearse一次要做既事情和次序,然後再跟影像做出來。做得多自然越做越好,增加成功感,做到後有少少成就都要興祝,簡單如一齊食個甜筒雪糕小朋友都可以好滿足,success build on success, 希望小朋友可以有主動性繼續追求滿足感,大人就可以輕鬆D。
另父母要小心不要過份主觀和主導,小朋友好容易自細少用腦,少自發做事,自然無咁醒 。自專心强既小朋友或會變反叛,因為什麼都大人決定曬,大人大曬,會吾甘心,會揾機會get even。總之吾好一面倒要小朋友聽曬大人話,大人都要虚心聆聽小朋友說話,大家關係會好D,做事自然順利D。
有些小朋友的確系難D駕馭,但無論如何難總有方法,樓主你要有信心找到適合你小朋友既方法,慢慢試,急不來。 |
|