快 3 歲大, 但好驚好驚拍手聲/大聲笑聲......好奇怪???

bigbigdog17

亞仔就黎 3 歲大, 學習能力正常 (e.g.1 yr 多時可以學懂 A-Z), 但係對拍手聲好驚, 生日會唱完生日歌, 見到人地好開心咁拍手, 佢都可以驚到喊; 有時佢做野做得好, 我同爸爸一齊拍手/大聲讚佢, 佢一樣好驚, 唔開心; 試過去某學校 interview, 學校安排一大班小朋友係禮堂玩集團遊戲, 老師用"咪"講野, 佢又驚到喊, 全場幾十個小朋友, 個個開心玩, 唯獨佢一個喊, 佢小時候時我以為佢見世面少, 較為膽小, 對聲音較敏感, 所以佢先會覺得驚, 冇理會, 但依家佢快 3 歲了, 已經返左大半年學, 學校生活一早已經適應, 我已清楚解釋拍手係因為開心, 大聲笑都係因為開心, 佢明白的, 但總係覺得驚, 請問媽咪們我個仔係唔係有咩問題? 我上網搵左好耐資料, 但冇咩人好似我亞仔咁, 雖然好似好少問題, 但我又真係覺得佢既表現有少少奇怪...... 有冇媽咪有同一情況? Thank you so much.

fishcowcow

會唔會係對聲音過敏? 有無問下老師在學校有無咩特別野?

Surveyor

This is SI problem. Try to find OT la
or buy Heep Hong

聲音辦析遊戲

在家training, then he will become better to hear the sound

bigbigdog17

其實我開頭都以為亞仔只係對聲音較為敏感, 但我發現佢對街上的所有聲音 e.g. 汽車聲, 很大聲的碰碰聲, 行雷聲 etc 冇大太反應, 佢只對人制造出來的聲音有 d 唔正常反應...... 但對我的超大責駡聲卻又唔驚

請問 SI problem 全名係乜? Thanks a lot !!!  

pinkdoll

bigbigdog17 發表於 12-11-3 08:34
其實我開頭都以為亞仔只係對聲音較為敏感, 但我發現佢對街上的所有聲音 e.g. 汽車聲, 很大聲的碰碰聲, 行雷 ...

Agree 感覺統合有事 前庭出現了問題 另外, 聽覺方面都可能出現問題 (感覺統合的聽覺問題 不是指聽覺真是有問題 是指小朋友對於某些聲音過份敏感 或 過份遲鈍 所以引發情緒及行為問題.

要找職業治療師去作專業評估.

义開小小話題, 我個仔以前會大聲叫(因為我仔以前好細膽 好多嘢都怕 所以一怕就大聲叫) 有次去參加活動 遇到個小朋友對於人既聲音好敏感(其他聲冇事架) 咁我仔一大聲叫 佢就好唔舒服 好不安 個次真係好慘 好彩我哋兩個家長都互相體諒到大家苦處咋

hindip

原帖由 bigbigdog17 於 12-11-02 發表
本帖最後由 bigbigdog17 於 12-11-2 15:12 編輯

亞仔就黎 3 歲大, 學習能力正常 (e.g.1 yr 多時可以學懂 ...

呢幾條 link 有更多關於何為 感覺統合障礙 及治療的資料 !

http://www.yes-parents.com/knowledge/article/T3/T3C200801.yp   

http://www.fuhong.org/hdc/ch/download.html  

http://www.881903.com/page/zh-tw/browseschedule.aspx?itemid=2662

bigbigdog17

各位媽媽:

唔該晒你地呀, 我之前完全唔知亞仔邊方面有問題, 依家叫做有 d 眉目向"感覺統合"呢方面研究, 禽晚亞仔又係咁啦, 一家人拍手讚佢做得好, 佢又驚到喊 , 我依家同學校老師溝通緊, 睇下亞仔係學校有冇同一情況, 好大機會要做個專業評估.

shirleycnf

我仔細個都係禁, 人地生日會拍手佢又哭, 多人佢又哭, 唱生日歌又哭, 有聲的玩具佢又哭, 商場洗手間的吹風機佢又哭, 不過大大吓, 慢慢比佢expose多d,佢衣家6歲就完全無晒呢樣問題lu. 加油呀

misshoiyi

樓主，我仔3歲3個月，他的情況同你仔一模一樣，我初時都係膽小，之後發現與感覺統合問題好相似，所以早幾個月排左政府做評估，但係都未排得到，上星期，幼園老師更建議做自閉評估，因為我仔較固執，唉，剛剛正在找找私人的評估，十分頭痛!!

bigbigdog17

我排左協康會, 但係都冇聲冇氣, 都唔知要等幾耐, 可能對協康會黎講, 驚拍手聲係好小事, 大把其他嚴重個案要處理, 所以我等等下都有 d 心灰.

近幾日我個仔又驚多樣野, 就係被風吹動既窗簾布, 成日叫我閂晒 d 窗, 你話係唔係俾佢激 c ......

bigbigdog17

回復 misshoiyi 的帖子

咁你要快 d 帶仔仔 check 下係唔係自閉症, 因為治療自閉症有個黃金期, 唔好錯過黃金期, 療效差好遠.