我個仔真係好壞

monking

佢f3 ，日日放學就會旺角蒲，晚晚一二點先返！我咩都唔聽我講，我試過唔比錢佢，佢一樣無視我，我可以點做？

khmama

揾學校社工。

kilykilyk

monking 發表於 12-10-16 22:54
佢f3 ，日日放學就會旺角蒲，晚晚一二點先返！我咩都唔聽我講，我試過唔比錢佢，佢一樣無視我，我可以點做 ...

唔好再用強硬手法對佢了,行唔通架~
搵專業社工同佢傾,或者你自己改變同佢溝通方法,
表明你不是管佢,而是關心佢,但千萬不要強硬與他衝撞,
要好似朋友咁坐低慢慢傾,同子女關係唔好很難有計傾架...

reginayu

佢Form one/two 果陣係唔係咁架? 係最近至變成咁架 ?

masterpiece

受朋輩影響 ?

142526

佢而家d呀,請樓主請吓.

花仔媽咪

快快找社工幫手，佢已成了邊青，再不救便冇得救！

Ceci333

相信他是在家缺少了關心或家人對他的欣賞．要對外尋求，又或家人常常吵架，另他這在家感到不安．

＂提醒＂（如提他要好好讀書，早點睡等等），在他來說不是關心，是批評，是不接納．多多找好的地方天天讚讚他，譬如他反應敏捷，口才了得．一句責罵也不要，要一個開開心心的家．

他能在家得到認同便會喜歡留在家中，或做家人喜歡或認同他做的事．

benny2014

快D搵學校社工幫手，你自己亦都要同社工合作，將阿仔由邊緣之中救出來。
F.2-F.3係最容易學壞既時期，唔可以忽視。

我仲記得我F.2既時候，一個本來幾乖既同學唔知點解同個壞學生做朋友，
半個學期就學壞晒，除左好事之外咩都做，後嚟仲逃學，未讀完F.3已經綴學了，
反而那個壞學生仲讀到F.5。

MimiCactus

搵一曰兩個人去食一餐好既自助餐，開始時講下咩好食，好玩，潮物。食左一輪之後才慢慢講，去夜街，無問題，男仔是應該見識多一點。但我又擔心你，每晚聽見你回家的門聲，我的心才安穩一點，怕你有交通意外，怕有仆頭黨。又怕你唔夠訓，如果你可以十一點到返到就好啦。你大個仔，我當然支持你，信任你。講完起身拍一拍呀仔膊頭，望住佢。之後起身出去拿食物。

阿仔大過左，可能受朋背影響，比D空間佢想下。一開始，唔好reject 佢，要認同，但唔代表可以做，只是將大家的guide line 啦近D。一兩點返，就要求佢12返，要佢慢慢適應。努力，千其唔好發火。

csy_ma

回復 monking 的帖子

等佢返黎，攬吓佢，話真係幾擔心佢。表達完關心之後，就叫佢快d瞓

唔好再鬧佢勒，有時人係會突然受某樣野迷惑既，要俾時間佢。最緊要同佢仲有偈傾。

我後生既時候，試過鍾意咗個黑社會，都試過唔返屋企瞓既日子（但已讀完中學，出過黎做野，辭咗工，正打算重考大學），果陣時，我屋企對我好包容，所以後來我先可以回頭。俾d時間佢啦，唔好鬧，但都唔可以放棄，加油！

fishyy

我姐姐以前都係咁，逃學遲到全校之冠……但記緊吳可以鬧，越鬧越反叛，經濟封鎖都係其中一個問題，壞d會搞到佢偷錢(認真)，慢慢續少比佢，同時又提點下佢，或者有時搵d活動可以同佢一齊去做，而且須要多d同佢交心，做到好似朋友咁，咁佢可以返到轉頭，當然社工都係必須嘅！！

yaozhil

try to talk to him and encourage him more

dizidizi

你要找出原因，了解下佢奌解要噤樣做呢？係唔係唔想讀書或是跟同學一齊去浦呢？如果是無心向學，便學一些技能，如果是同學便遠離這些同學，又或者接他放學。

pineapple0983

無論點壞，都係你個仔~ 要快 d 救.....越遲救，越難救。

首先要知道佢沉迷d咩，係咩令佢放棄正常的學生生活；機鋪？濫藥？女仔？or 其它愛好？會唔會在學校比人蝦、比人欺凌？被迫跟大佬？轉校會唔會有幫助？係咪樓主或家庭問題，出現e個結果？

你關佢水候，亦可能間接比佢的損友一個機會，教識佢用其它方法賺錢；若是，你地會越行越遠。係e 個時候，你需要專業社工。起碼利用政府的資源救阿仔，比你上網咁問有效。

最壞情況，若點都救唔到，就要佢慣一鋪。置之於死地而後生；比 2、3年時間佢，希望係入面會開竅~

long0

我唔知妳情況 分析唔到
但如果發生係我身上
我會睇情況壞成點
首先 返學校同校方商量
如果情況好差
而佢又唔想上堂 只係想返學追女仔
我會幫佢 退學
等佢試下失去的感覺
而家D小朋友 成日都以為青春
做錯事無代價
學校係困住佢的地方
妳放生佢 等佢反醒
失去后返而更珍惜
唔好等學校趕先走
佢會覺得自己好無用

跟住我都會唔返工 24小時跟佢叱出出入入
自然屋企無收入 環境會差
跟住問佢係咪要玩落去
我相信有血性的 都會回頭是岸

菅教係愛 要有效果就要睇妳可以為佢放棄幾多
Good Luck