亞女不肯上學扭計

叮噹小孩

昨晚亞女又再次不肯上學呀,佢講上學這麼耐未下堂,因亞女讀全日k1班又是插班生(N上班讀另一間讀半日下午),點算好呀,是否要轉校嗎?

GCG

可能全日見唔到家裡的人有D驚, 唔可以比佢讀半日無咁驚?

yk2

過度期啫，慢愎會適應

kufubaby

全日班應該有訓覺時間
一般都係半日班(當am)放學時間後去訓2hrs左右, 之後起身梳洗再食茶點, 又放學啦, 其實真正上堂時間唔係多.  你女平時有無訓晏覺習慣?

Jane1983

會吳會係K1變化太大？

如果小朋友N班係廣東話、半日班，屋企樓下小kindergarten，突然變成坐校車、大校、英普兼全日，真係會幾難適應。

bopui0607

解釋佢聽，而家大個左，叻左好多好多，老師話可以比小朋友玩更加多唔同既遊戲，好好玩架！所以比以前要耐d先放學！

叮噹小孩

都有轉女變呀 由半日轉去全日,而我又7:00才接佢,真很長時間呀 , 我都幾無奈,

sarubuta

叮噹小孩 發表於 12-9-29 23:44
都有轉女變呀 由半日轉去全日,而我又7:00才接佢,真很長時間呀 , 我都幾無奈,
...

明白要返工, 一定有難處先7:00接佢.  是否放學後再用埋延申服務所以先咁夜7:00走而不是學校本身咁夜放學? 即大部份小朋友早兩三個鐘已放學走人?

如果係, 女女未適應返咁長時間, 又要見放學後好多小朋友已有人接走或坐校車走, 自己跟小數的小朋友留到夜, 放學後的時間又冇乜o野做, 又唔知媽媽幾時來, 可能會有不安的感覺.  如果覺得 亞女不肯上學扭計是好大問題, 可想想有沒有辦法找人正常放學時間接阿女走.  等她適應好D才延申

Sebgodmum

堅持！我那個K2的，今年開學不知發了什麼神經，放完暑假個心散曬！突然扭計唔返學，係學校做破壞王，雖然我都難過，但不縱容他，堅持返學上堂。老師們都很幫忙，一起想辦法教他

叮噹小孩

我估適應問題 , 再比時間佢, 同老師溝通一下

mimi_bbcat

成7點先放學, 梗係唔開心啦, 比你返工時間更長, 會唔會有人可以幫你湊放學?

叮噹小孩

我都不想呀 , 但無奈 , 請鐘點又時間問題 做得個樣又做不到哪樣都50/50想緊中

gwlam

舊年小女都係返全日PN, 夜咗在學校都係睇下電視無無聊聊甘。眼見同學一個個陸陸續續有人接放學，走下一個走下又一個，日日包尾先走，感覺確實唔好受。

叮噹小孩

回復 gwlam 的帖子

係呀 你亞女都是 , 最後點呀 是否轉班嗎 ? 有什麼可解決

LL222

gwlam 發表於 12-10-3 18:22
眼見同學一個個陸陸續續有人接放學，走下一個走下又一個，日日包尾先走，感覺確實唔好受。 ...

呢個先係最大問題!  七點, 太夜了!

gwlam

叮噹小孩 發表於 12-10-4 09:58
回復 gwlam 的帖子

係呀 你亞女都是 , 最後點呀 是否轉班嗎 ? 有什麼可解決

其實屋企唔係無人照顧，舊年返全日只係想比多d時間佢同其他小朋友玩，同其他小朋友一齊食飯午睡，但夜咗接佢放學佢就會投訴“乜咁遲”，因為個個走晒，連學校d燈都熄得七七八八，又真係幾慘。佢今年轉咗半日班喇。

Lovely_Babybaby

最後一個走真係會好唔開心,好驚架,仲咁細個.
我囝坐校巴,又係尾站落車,
見最後個同學落車佢都會眼濕濕想喊架,
不過坐多幾次知好快就到佢先無野,
但係朝朝早都會話唔搭校巴囉

如果無老人家揍,睇下搵唔搵到住附近D EE,
接左返佢屋企,你放工先接番佢,
有D EE 自己有細路仲可以陪佢玩下.
鐘點呢D時間個個都想返屋企煮飯好難請.

cowboybaby

我都係成六點至接仔, 雖然4:30放學, 但我想比佢留耐D, 果段時間係老師講故事/和同其它小朋友玩, 佢又好開心喎, 好過係屋企成日掛住睇電視/搞搞震

叮噹小孩

有時4:30左右接佢放學, 佢回家會攪亂檔 , 不過佢回家很happy
我已盡快到學校接佢 , 唉 加個無奈
佢上堂 又不再哭, 只會在早上起床不like 穿學校及入學校, 食早餐後佢就冇事,是否佢想扭下計,但老師都有講佢不合群 , 我講要比時間比適應一下,