請問你地當初點發現小朋友有問題?

cody2Amama

係唔係由言語遲緩開始?
因為我唔敢肯定阿仔係唔係有問題, 佢兩歲幾, 未識講野只有小量單字, 我應該做言語治療評估定自閉症評估? 請幫忙

Torres

        孩子已16個月，但仍未能說單字。
        孩子重複別人的講話(詞語或單句)即鸚鵡式說話，或沒有原因地不斷重 複某人單字或句子。
        孩子缺乏目光接觸。
        孩子對自己的名字沒反應，家人在身後呼喚他的名字，他也沒有回頭。
        孩子已12個月，但仍不懂以手勢指向自己需要或有興趣的物件。
        孩子沒有興趣興同齡的小朋友玩耍。
        孩子興趣狹窄，只重覆玩同一類的玩具。
        孩子有重覆性的動作，如自轉。

以上我仔仔當時中了9成

sally722

回復 cody2Amama 的帖子

由健康院測試已經時常不達標,發展慢,與實際年紀不符,之后轉介兒童Ｅ院做評估

cody2Amama

回復 Torres 的帖子

我仔仔中了以下幾項:

孩子16個月時仍未能說單字。
孩子只有單字, 沒有句子。
孩子缺乏目光接觸。(不夠多)
孩子興趣狹窄，只重覆玩同一類的玩具。(只玩波波和車車)
孩子有重覆性的動作，如自轉。

cody2Amama

回復 sally722 的帖子

仔仔而家27個月, 健康院轉介了做評估, 但評估也要排9個月, 到時仔仔已經三歲,會否太遲?

Torres

我在1歲8個月發現, 去了step 做自閉証評估, 心理學家可以寫信去排政府位, 之後等了6個月才等到CAC評估! 當然去私人評估會快D, 仲重要係比適當既訓練小朋友, 要珍惜時間啊!

kaka1128

亞囝2歲冇乜語言, 唔會望人, 叫佢N次都唔會比到反應.
有次睇醫生, 醫生就話擔心佢自閉, 但我冇理會.
之後返協康PLAYGROUP, 問過導師佢係未自閉, 導師話, 佢既行為好似, 但仲細個, 好難確定.
到3歲, 本身諗住報暑期班, 但比果間中心既導師建議我帶佢做評估, 當時先醒覺, 原來呢D行為唔會大大下冇既.
跟手去健康院, 起初姑娘話佢冇乜問題, 打發我走, 結果, 佢過左Office hours call 我返去幫我個囝做檢查, 原因係, 我個囝有d中, 所以安排我見醫生, 醫生再安排我去見cac做評估, 結果係自閉徵狀, 排緊e位

YingYin

E位預算要排2年,如3歲排要5歲才有服務
所以我提議大家找私家評估,唔好等CAC,我東九龍個間等了9個月...條隊只會越來越長

momotang

        孩子已16個月，但仍未能說單字。
        孩子重複別人的講話(詞語或單句)即鸚鵡式說話，或沒有原因地不斷重  複某人單字或句子。<-- 28個月大只重覆到單字.
        孩子缺乏目光接觸。<--- 唔係無,唔夠多.
        孩子已12個月，但仍不懂以手勢指向自己需要或有興趣的物件。 <--- 到18個月先識少少
        孩子沒有興趣興同齡的小朋友玩耍。 <--- 佢鍾意大過自己的小朋友 (小學生)
        孩子興趣狹窄，只重覆玩同一類的玩具。 <---  所有有碌的車,火車,飛機
        孩子有重覆性的動作，如自轉。 <--- 鍾意執野,將啲玩具排隊

我小朋友啱啱做完政府評估,得出懷疑有自閉傾向,年半後要返去覆檢. 我好希望佢只係內向...

pyalisa

Monotong 你的意思係CCAC 乜位都無比你。乜都無轉介？
CCAC 佢有無話佢語言delay?

你會唔會至少去下協康參加下d 平平社交班，又或者見下speech therapist 唔睇自閉都睇下d語言先？

HopeLJ

點都要醫生俾你排e 位先，我咁建議係你小朋友都差唔多 3 歲，第日轉隊如 s 或 I 位係攞番同一個位置，你唔洗係隊尾，等唔到 service 就要上小學。之後唔需要，係可以 cancel 排隊。

ppmommy

回復 momotang 的帖子


我個仔同你差吾多，會講嘢，不個重覆別人講嘢多，隨非有時想要一些嘢事時會講要嘅物件名，但好少全句溝通。

喺學校吾鐘意跟instructions, 鐘意就跟，吾鐘意就行開。

會同玩得熟嘅朋友仔玩，較小主動。

喜愛玩車


佢而家2歳半，呢個禮拜會去做assessment, 希望係小事。好擔心。

momotang

pyalisa 發表於 12-5-18 07:44
Monotong 你的意思係CCAC 乜位都無比你。乜都無轉介？
CCAC 佢有無話佢語言delay?

依家排緊e位,語言方面,兒科醫生話佢一定會講野,現階段佢只係唔想講,只要攪清楚社交問題,語言就會改善到. 佢語言評得1歲頭咋,delay咗年幾呀!

但我見佢張list度,下次做評估只係click咗見兒科醫生同醫務社工.

邊度可以睇到有咩平平地的社交班上呀? 我想知呀. 我負擔唔到再上私人治療堂喇.

pyalisa

協康健樂會，心橋，東華三院。