分享叩門成功經驗

vincher

今天比較有空，就說說究竟為子女叩門口哪一類直資好吧！
去年，我為兒子所選的直資：
~當然首選校風好！(用家口碑、老師意見、補習社老師接觸較多學生，也可一問附近的學校校風、網友意見：當然網上的言論未必能盡信！我花了一個暑假看BK帖子，也看到一些網友意見中肯可信 )(有空的，最好看放學情況/吃飯，到學校附近餐廳八一八！)
~決定選讀一所程度與子女相若的直資，還是高些？我得看子女的潛力！
(我叩門的第1間直資band 2 mainly ，我相信仔仔如果選它，成績應該在中上，會激發其自信！叩門的第2間直資band 1/2 ， 自信仔仔選它，成績必定中下，但因兒子只是學習欠動機，其實有潛力！故最後也選了後者)
~選直資目的既然是想學好英語，當然選一間英文教學比較好的！
(一些直資有收英小學生直升的，普遍學生英文比較好，我相信學校的英文教學亦不會差)
~中、英文有否分小組、按能力分組上課？

701003

多謝你＋分有用的分享

cellon

Thank you!

Kittymummy

謝謝分享叩門經驗，好有用. 我都好同意不但要成績好之餘，操行都好緊要. 另外，大家會否覺得自行時選擇直資，機會大過抽獎後？ 我覺得平常心面對好重要，吾好比太大壓力自己和小朋友. 我有時間亦都分享一下亞女直資同津校的面試過程，問既問題比大家參考下！

Yanamami

置頂la.

vincher

回復 Kittymummy 的帖子

我兒做事漫不經心，讀書也是!一份試卷俾人扣咗很多錯字和標點!深的題目反而會答!淺的因大意失分!況且佢學校試卷出得深，試過一次精英班也有人不合格,他反而ok!但也只得C!那次呈分試成績整體大跌!以此情況，報唔到直資自行!本來我打算放棄自行津中，但老公叫我點都試，而且我報的都全部面試，咪當操下面試技巧!到畢業試，我叫兒子努力溫習，果然成績又大進，當然非全A,，可叩門了!　
因此如果子女一直成績好,我也相信自行比叩門易；如我的case,反而叩門能成功!

Snakemama

非常好的分享。謝謝所付出的一切。

我兒子九月就升中學了。所選讀的中學也是直資。你如有時間的話，可否分享一吓第一年讀直資中學的心得和應留意的事。先謝謝了。

Kittymummy

我個女小六，其實小五暑假時已經想轉一條龍直資，可惜時間關係，要apply S1.
我12月尾只申請一間直資，津校自行見左兩間英中，成績叫band1尾.

直資interview:
（普通話問）：我地學校中一是用普通話教學，如果你覺得自己普通話有不足之處，你會點做？
（英文問）：另外一個鬼佬單對單問，我剛剛黎香港，好想去海洋公園，但又吾知有咩好玩,可否介紹一下海洋公園有咩好玩呀？
（粵語）：例牌問點解想讀我地學校？
（Maths): 全卷都係英文文字體.

起初收表時，校務處睇小五小六成績表好似驗屍咁驗，每一科睇晒成績先決定收吾收表.  經過以上面試，3月頭有電話到有第二次interview. 學校主要係見我.
1）點解會選擇我地學校. （主要想睇家長是否理念跟學校一樣）
2）講下你小朋友的優點同缺點
3）點解小朋友小五時Maths 較差.
4）小朋友平時有冇補習
2nd interview 完，老師就講返如果收左就要放棄大抽獎，問我有冇問題。而留位費比左出去，讀吾讀都冇得退，不過最重要果句，佢話好希望9月開學見到我。之後3日後已經有信有offer 了！到早兩日去留位，校務處仍未開門，我留守在操場，有位校工叔叔同我傾計，佢叫我放心比亞女讀，因為呢間野程度好深，佢眼見10個人申請，有8個都吾收表。小學部直升既學生個個都一口流利英語，同埋有中學生返去打籃球，亞Sir PE都係用英文教！我有d擔心亞女跟吾上，因為讀開中文小學。

至於津校，幸好兩間英中都有份interview,每間只見二百人。

第一間男女校：
（英文）：兩個學生為一組，學校比一個topic 叫festival. 叫果兩個學生自由發揮.
（粵語）：5個學生一組，topic 叫有志者事竟成.

第二間女校：
（英文）：問既問題好行，只問點解鍾意呢間學校，單對單.

亞女第一間都有信心自行有機會，因為其他學生小組討論比較靜，冇咩point, 好多只話同意，同意。冇咩舉例子出黎講。竟然有學生完全吾講野，唉！
另外一個女校，我都有d失望，估吾到問咁簡單，好行，咁既題目好難睇到學生實力而去收生。我個人覺得只睇全港排名去決定。

經過兩星期考慮，我最後都決定報讀直資。因為覺得部份資源係津校比吾到學生，同時feel 到直資在篩選，面試方面比較認真。既然直資係我杯茶，又可以少一個學生爭英中位，希望其他小朋友7月亦派到心目中既中學！

vincher

回復 Kittymummy 的帖子

很好的分享!祝你囡囡在新校讀得開心!稍後我分享如何準備升上中學

Kittymummy

原帖由 vincher 於 12-04-14 發表
回復 Kittymummy 的帖子

很好的分享!祝你囡囡在新校讀得開心!稍後我分享如何準備升上中學 ...

謝謝，好期待呀，哈哈

vincher

回復 Snakemama 的帖子

第一年讀直資中學的心得：

為了打底，我在暑假沒放過兒子

~叫私補老師 加強文言文的理解，從短篇故事入手(因常聽親友子女這科退步很多，說此方面最弱)，結果升上中一，他考得不錯！

~因小兒讀中文小學，暑假叫他默Maths 詞彙，買了一本小學6年級英文題目的補充練習，叫他做！

~教兒子一些IS 生字(每次12個)，我以和他進行釣魚遊戲 (把詞語寫在白紙上，並貼在樸克上)我拿中文解釋的牌，他拿英文詞語的牌，釣對了，要讀出來

~盡快買課本備課！(IS，我到買舊書的書店買一本中文版的！)

應留意的事：

~中學生，一般不希望媽媽接送了！但書包沈甸甸的，怎麼辦？

自小學已訓練兒子背書包 + 手挽一袋 (訓練他把不重要的餐具、水壺、各科筆記簿放在裏面，有時太重，也放中文、中史書)

他習慣了，自然不會丟失！(平日出街，訓練他每離開一個地方，回頭檢查有否漏東西)

~中學比小學嚴很多！我兒學校常扣操行分(校方要假期前清LOCKER ，他還有一對球鞋未拿走！他丟失鑰匙2次，因沒有好好保管財物，又扣1分……)和學習態度分(沒帶功課、做漏功課……)！因此，訓練子女自已收拾書包，把不是翌日交的功課，在繳交日期前一天再寫一次/ 貼MEMO紙在書桌上做作提示！

~若子女學校是訂餐(午餐不可出外)，盡量訂！我兒吃了一個月便投訴難吃，要我給他金錢自己在小食部買！我堅持讓他自由買一個月，下個月訂餐(循環運作)

因不知他買什麼吃，會否省吃來買心頭好玩！

vincher

回復 vincher 的帖子

IS : Integrated Science 綜合科學，簡言之  科學

Kittymummy

謝謝分享，真係好有用. 我都吾知S1 開始學文言文，是否每一間學校都要學？

ahnwu

thank you for the sharing

vincher

回復 Kittymummy 的帖子

很多學校都有!我兒上次考試100分滿分計，文言文理解佔20%,況且讀書看長線，文憑試縂有一題!一般小學生升中，大家的白話文理解操了六年，理解能力相若，要分高下，還得看文言文理解了!

Snakemama

Hi vincher, 你知唔知s1 的文言文到哪一個程度？如果從坊間買書自行預備的話，有甚麼推薦？謝謝。

vincher

文言文閱讀理解
(我倒未有買補充，尋找了一些網頁，你看有用否？)
http://sunfc.school.hk/system/to ... d=210&tool_id=17326

http://www.hkwmacsl.edu.hk/syste ... d=3761&parent_id=69

http://hk.knowledge.yahoo.com/question/question?qid=7009061001704

(我未有時間仔細看！你選一些有趣的、適合初中程度的！你有時間開啟，反過來向我介紹較好的！)


我兒學校除了教科書的文言篇章，選了這幾篇，蠻有趣的！你可上網找：
1.        哀溺文序  柳宗元
2.        日喻   蘇軾
3.        死後不佘(貝旁   我打不到此字)   馮夢龍
4.        一鳴驚人   司馬遷
5.        垣 (木旁)公入蜀  劉義慶
6.        兩小兒辯日  列子

以前，我在深圳書城看過一本文言文短篇故事書，忘了書名！

Snakemama

Vincher, 非常謝謝你詳細又用心的解答，的確幫了我很大的忙。會嘗試讓我仔做，希望能引起他的興趣。（不過他的中文程度不太好）

龍舌蘭

回復 vincher 的帖子

多謝晒!!

vincher

回復 Snakemama 的帖子

為免嚇怕他！還是讓他看短篇文言文的故事，先別做題目！