有冇沙田平安福音堂幼稚園家長可以俾意見???

lo_fu_yan

請問有冇沙田平安福音堂幼稚園家長可以俾意見??? 因為我個小朋友會今年9月讀, 好想知道下間學校點?什麼蒙特梭利教學法同一般學校有何特點?另這間學校口俾或老師等怎樣?因我仍考慮中, 請給意見面 TKS!!!

babycoming

這間是出名的好幼稚園

小曳人

你最好自己了解一吓咩叫蒙特梭利！
簡單d講，老師會引領小朋友因應自己嘅興趣去探索
同一個班房，大家學到嘅嘢，節奏有可能好唔同
而呢間學校仲有一樣出名：非常有愛心！

babycoming

它們行mon行得是否正確就不知，但我所見的學生很主動有禮貌，口卑出名好，老師有愛心，品德好

joliana

我女讀k2老師好。不過比起其他K2佢程度唔深，到今天仍然未寫一個全字。好多幼稚園K2已寫字，例大小，但小女還只是為＂大＂字裏的一＂丿＂亦未學計數好似1+1之類。
不過我真係好喜歡學校的老師校長全是有心人

ngpun

蒙特梭利教學用不同的教具來引導孩子學習自己尋找問題，自己思考如何解決已發生的問題，老師只是作一個引導者角色，引導孩子去思考，而它的教具特色是，如果有少少錯誤都無法完成任務，目的是要訓練孩子的自發學習動機及獨立思考。但如果真要行這套方法，無論學校環境的配合、老師的培訓都很重要，因為教具很多，也不容易掌握，況且其精髓是它的理念及如何做引導者。

另外這教學法重視不同年齡的孩子一同相處，所以學校會安排高年班跟低年班上堂，讓高年班學習照顧低年班，也讓低年班同學從中跟高年班學習，明白自己的不足。

lo_fu_yan

多謝各位意見, 令我多了解一點, 其實我在北區己有好的學校OFFER, 但該校較為傳統教學模式+project approach. 因我們正想搬屋, IN 九龍塘的學校又冇OFFER, 而聽聞沙田校網好, 所以沙田幼稚園, 我也知沙平幼稚園是出名好的學校, 特別在教小朋友的品德培養. 但因我的小朋友現讀N1, 學校所教的較深, 上學期已教人, 口, 手, 早, 牙, 衣, 門.....字, A-Z, 1-10等.所以我好怕淺學返轉頭, 加上我的小朋友較被動怕羞, 所以........我都唔知點???????

Confident

原帖由 lo_fu_yan 於 12-02-11 發表
多謝各位意見, 令我多了解一點, 其實我在北區己有好的學校OFFER, 但該校較為傳統教學模式+project approach ...

重讀也不是大問題，再加深鞏固好

lo_fu_yan

回復 Confident 的帖子

點解要重讀????我阿女E+得2ages 讀緊幼兒班, 學校未到K1就己教K1以上既野, 我怕阿女讀沙平會太淺, 但老師好係好緊要, 我真唔知點選擇???

lo_fu_yan

lo_fu_yan 發表於 12-2-12 23:09
回復 Confident 的帖子

點解要重讀????我阿女E+得2ages 讀緊幼兒班, 學校未到K1就己教K1以上既野, 我怕阿 ...

更正︰幼兒班是指Pre school (Nursery N班), 阿女9月先夠3ages讀K1

anixon

如果嫌淺，我見其他家長會再自己買練習比小朋友做，
我就無啦...陪小朋友多點睇書。

rr101305

我都係本身喺北區住同讀書
黎緊九月會搬出沙田讀平安
囡囡而家n 班其實都學得唔淺
出到去好似淺咗
但我都諗住自已多啲買練習俾佢
我都係俾蒙特梭利吸引，本歌書要重讀
同埋聽聞呢間幼稚園老師有愛心
會教到小朋友好乖
所以最後都揀佢

anixon

我覺得學校與家長的關係真的好緊密,

感覺學校和我們一同養育孩子, 這點超讚~

rr101305

我諗INTERVIEW 內容間間都差唔多既
IN沙平老師都有問我點解揀佢


不過我而家都煩緊校車呢個問題

佢校車唔入我住既屋苑, 都唔知點算好... >.<

lo_fu_yan

其實為左阿女讀邊間幼稚園都已經煩左好耐, 掙扎選唔選沙平是因為聽聞該校略淺外, 校舍較舊同細, 間學校間局似診所多個間幼稚園, 死氣沉沉咁! 又看過佢地份教育局外評報告, 又話佢地唔夠體能、美勞同唱遊俾學生, 雖然老師好, 但小朋友學野都好緊要, 攪到我為選校選到心大心細, 不過E+都已成定局, 結果今年9月都會讀該校, 希望真係這三年好似各位用家家長所講是好學校, 不用讀讀下轉啦!
其實想問下用家,這校是否真如報告所講, 唔夠體能、美勞同唱遊俾學生呢?

rr101305

其實我都煩咗好耐，其實阿囡有唔少offer
但我老公始終俾蒙特梭利吸引，就算而家未必有校車搭都照揀
(原本其他收果啲都有校車到門口)
而家揀定咗，都唔諗咁多喇
希望真係岩阿囡啦
其實阿囡而家個老師都叫我揀蒙特梭利，我信心先大啲咋！

anixon

lo_fu_yan 發表於 12-6-26 23:43
其實為左阿女讀邊間幼稚園都已經煩左好耐, 掙扎選唔選沙平是因為聽聞該校略淺外, 校舍較舊同細, 間學校間局 ...

這校是否真如報告所講, 唔夠體能、美勞同唱遊俾學生呢?

我o既小朋友讀o左3年, 絕對唔係咁喎, 幼稚園有豐富體能、美勞同唱遊俾學生,
家長只是認為學術上要再加碼, 而幼稚園亦明白家長需要,
近兩年開辦了很好的興趣班補足了呢個問題~

rr101305

興趣班有咩揀呀?

anixon

興趣班大概有 phonics / 普通話 / 畫班 / 舞蹈 / 英語話劇 / 抬拳等,

不過唔知 K1 / K2 / K3 係咪會唔同呢?

lo_fu_yan

回復 anixon 的帖子

我都係睇學校概覽入面既教育局視學報告, 新手唔知又要為細路選好學校, 唯有周圍search該校的資料, 討論區等... 話哂都係視學報告, 都會信下. 又唔識讀緊既家長問, 好在有討論區問下D用家求證.有你這用家證實話唔係都好D. 心都安落D!謝謝你!