請問有無人知道做臚底骨治療是否對adhd兒童有幫助呢

shirleycnf

聽說話有幫助, 但不知成效有幾顯注, 因要成$750-780/50分鐘, 好貴呀

yoyoslam

是的, 好貴. 但我覺得我個細路做咗有效. 咁我唔慳呢筆錢. 因時間過咗就係過咗. 我個仔係發展遲緩. 20個月才懂行路.... overall are delay.

shirleycnf

謝謝你的回應, 請問大概要做幾多次倒才見成效?

Reddish

物理治療話有幫助,祝你找到一個可靠的醫師。

Jessmuimui

我想問邊度有得做臚底骨，想帶仔仔試吓？

vivi12

你可試下找鮑姑娘,  佢 650 一個中, 系尖沙咀, 唔太多人家長識佢,  不過 我本人覺得佢幾好

yauman76

vivi12 發表於 12-11-5 03:01
你可試下找鮑姑娘,  佢 650 一個中, 系尖沙咀, 唔太多人家長識佢,  不過 我本人覺得佢幾好 ...

對不起, 我個人comment, 我之前搵過呢個人幫小朋友做臚骶骨&健腦操, 感覺像受騙, 唔識handle A仔之餘態度亦好差, 真的有點氣憤, 大家要試呢d治療時要小心選擇.

vivi12

態度好差?? 佢份人講野系好直, 不過我囡跟左佢一段時間我覺得佢又唔系無料, 最重要系我囡有進步

yauman76

我就說白一點吧, 對住一個2歲都未夠的小朋友, 小朋友一唔多合作就大聲喝斥"收聲!!", "唔準嘈!!", handle唔到就"藐咀藐舌"同埋係咁"jeep", 我覺得佢唔識處理呢類小朋友嘅情緒, 唔專業同埋態度非常討厭. 至於臚骶骨, 佢閉目詐作按住小朋友個頭15分鐘, 跟住噏埋一堆"以為人地聽唔明"嘅英文學名就以為過到骨... 其實我想同佢地呢d人講,  若然冇心幫人又或者想搵餐晏仔食嘅話, 就唔好target我地呢班人, 家長同小朋友已經夠苦了, 明白嗎?

chantaimama

我有幫襯緊鮑姑娘系尖沙咀, 唔覺佢系咁, 而且仔仔做完盧胝骨之後講野好左好多

yauman76

沒所謂吧, 我只係講出我嘅經歷, 自己認為OK就得喇.

chantaimama

其實盧胝骨治療 令我好唔明, 按住一個位唔郁成十分鐘, 幾個位就差唔多一個鍾, 除左做口仔仔會有反應之外, 我都唔明系點幫到小朋友, 我既感覺系好似無同小朋友做到野就要比錢咁, 我有問朋友, 佢地都系咁....不過總之見到仔仔有進步, 咩我都會試, 有成果就得.

wingzero

我都係幫襯鮑姑娘既，我又覺得佢幾nice架喎!可能人夾人啦!至於厄飯食呢樣野我就不能茍同。始終呢種唔算係正統療法，所以我曾經上過其實物理治療師課程睇下用咩手法去治療病人，其他人做顱底骨都係保持靜態十多分鐘!因為要專心將自己去融入對方身體，同對方身體溝通，感受顱底韻律，跟住用一些手法去令唔通既地方通番，因為用力太軽，外人真係唔會知佢做緊乜。老實講我上堂時都覺得呢樣療法好不可思議，不過呢樣野又真係有效!我覺得亞女係有進步架!

llam1210

回復 wingzero 的帖子

WINGZERO 能否講下你地做咗幾耐時間, 見到有乜進步?

wingzero

我個女其實已經8歳，所以開頭我諗住試兩個月無進步就算，始終呢種治療都幾貴!亞女本身患既係䐉癱，先天䐉裂發育不良，左半邊身唔靈活同有ADHD,而家差唔多做左四個月，左手靈活度好左，組織力同記憶力都比4個月前好。

chantaimama

見到你寫你女有進步, 好開心, 是一個祝福來既, 身同感受, 而家見到人地小朋友有進步我都會好開心, 其實做我地呢D媽咪真系唔容易, 要好有耐性, 自己情緒都要好穩定, 我初初一兩堂之後見仔仔無mud分別, 就已經好心煩...但勸自己要耐心, 同埋自己情緒唔好系會影響仔仔......一個月之後已有進步, 我覺得系祝福來架, 上天都系想考驗下我地咁啦...:).....希望你囡囡keep住繼續進步啦..

coffei1

我女唔係adhd,但佢8個月至歲幾都做過髗骶骨治療, 我係body wisxxx 幫我女做, 佢收1,000一次. 上網好而搵到. 我唔係介紹佢比大家, 不過知道呢樣野少d人知, 所以比多個資料大家選擇.
老實講,我真係唔知係髗骶骨治療幫到我女定佢大大下變番正常, 但 佢 係細心嘅治療師.

Circle媽咪

我個仔已11歲,有讀寫障,請問髗底骨治療對讀寫障有用嗎?唔該!唔該!有冇識人係讀寫障小朋友試過?