請問有需要再寫一份個人簡介嗎?

curryson

請各位家長幫幫手: d學校的申請表上都已要求填上d成績同埋課外活動詳情,那還需要自己寫一份嗎?會不會重複咗讓學校覺得煩架?
THX!

SUNWONG9861

回復 curryson 的帖子

我想學校會抽起個人簡介，不是他們列出的文件會抽起給你。

curryson

回復 SUNWONG9861 的帖子

多謝你的回答;
但是有d人又話要寫封信俾校長以示誠意,咁又係關於d咩,應點寫呢?
係唔係會睇架,唔寫會不會影響面試機會呢?

curryson

回復 talent2000 的帖子

Thx talent,應如何寫呢?可以教教我嗎?

curryson

Thx talent,我的文采唔係好得,等我試下.

一家的太陽

回復 curryson 的帖子

学校主要都以成績來決定是否有面試機會。
唔會因為一封給校長的信來左右。
除非有特殊原因、並且要冩得非常誠懇又出自肺腑之言，
先有可能打動学校。

curryson

回復 一家的太陽 的帖子

依家頭癢的就是里樣野,由小一到小四都係全級十名內;小五開始心散,成績跌去全級十五,然後幫佢搵咗個補習老師,
聲稱有經驗,點知仲衰,小五小六兩次呈分試都考得唔好,跌去全級三十名,D中學要睇的都是小五小六的成績,搞到都不知幫佢揀邊間學校好.....

winglongyan

回復 curryson 的帖子

我交第一間時有做.去到學校,係位職員收表,佢同我對文年時(第三頁,頭兩頁是申請表)佢見到是份簡介,佢第一時間話我地唔收,取o左出來,由於我是雙面copy背面是學校需要資料????好彩我有單獨一張有關文件可取代.
交第二間時,我無做.去到是在門口文,個職員只看吓是否齊佢地要之文件就算.

SUNWONG9861

回復 curryson 的帖子

我交兩間中學，只要４至６年級成績表和有關證書，其餘文件不要。

中學連小學校長的推薦也不要，其實最重要是教局交給中學的次第。

kitbebe

有些中學寫明不收校長信

Fong23fong

有部份中學是不收簡介、及recommendation letter, 但亦有很多中學都會收。準備定無壞，唔收就取回。有簡介始終好的(指做得好的)，因容易看。

98730

回復 curryson 的帖子

妳好:
      本人有小小經驗與大家分享.不喜請諒.
     上年我有寫信給校長.(是朋友跟我說.這表示對學校的誠意).
     我先寫.在簡介會裡校長和老師所說的教學理念與方針表示讚同.學校的設施對學生在學習上的幫助.校長與老師的關愛讓學生能容易投入校園生活.(但.妳一定要真的有聽簡介會.和參觀校舍.不能胡亂寫作).若真的沒有聽簡介會.就要上學校網搜集多一點學校的資料.
     第二就是寫.小朋友在小學時.在學校是一個怎樣的小朋友.(比如說.小朋友喜歡運動.在小學時是那一項運動的校隊成員.又比如說.小朋友喜歡幫助人.在校是班長.風紀.小義工等等...
    第三就是說.小朋友參觀完這中學後的感覺.(比如說:學兄的友善.老師的親切.校長的魄力.學校的設施.都是小朋友十分讚賞的).
      最後就是妳和小朋友的期盼.(比如說;希望校長能給與機會.讓小朋友能進入這校就讀.在校長與老師的關愛下.茁壯成長.回饋社會.
      至於小學校長推薦信.現在大多中學都不會收.除非是有教區聯繫的中學會收.
       希望以上的小小心得能幫到妳.
      祝願妳的小朋友能入心儀的中學.加油喔.

curryson

謝謝大家的幫忙,無言感激!
感覺小朋友的前途被自己左右,
行錯一步就恨錯難返.

tracyma4

其實我地比自己太大壓力了!不過你可打電話到中學問收form淮則，唔使做多左野。我報的兩間中，一間只收幾張copy,另一間乜都收！

curryson

回復 tracyma4 的帖子

其實我係個比較隨意的人,希望個仔的童年過得開開心心無拘無束;
阿仔的成績我也唔係好睇重,只要佢做得晒學校的功課我就不理佢了,平時也都有乜點同佢補習什麼的 ,
佢有好多課外活動,不過都係興趣,好多玩咗好耐,但是我冇幫佢去考證書或者去參加d乜賽乜賽,所以佢的證書好少,
平時我也過得很輕鬆的,只是里次自選,突然間俾周圍d人講到心冷冷......突然間有種無形的壓力,好驚!不知你地會不會有里種感覺.
現實就是現實,再洒脫都避不過.