小一分享

hahe

囝囝開咗學2個星期，暫時都返得好開心好ENJOY，所以我好欣慰，每日都會肯自己練習樂器15MINS TO 30MINS (雖然之前喺無學過)，覺得佢真係大個咗。不過可能佢做功課太慢，都有一大半要返嚟做，希望佢遲啲慣咗會做快啲啦。返啲嚟其實都無咪時間，沖涼, 吃飯，練樂器，對吓功課, 再覆習吓，做KUMON，都要夠鐘睡覺。請問你哋幾點俾小朋友睡覺?我就KEEP 住佢10:30睡。

siuyi

我仔都一樣...呢兩星期返學返得好開心好enjoy~
亦都好願意主動話練小提琴~
我都覺得而家每日對住佢既時間太少...
佢搭校車回到家已五點...
有幾天仲會去學野...(全都係佢自己堅持話好鍾意學唔想停)....正式回到家吃飯都要六點多d...
之後做功課...(幸好也不太多~)
要練習小提琴..沖埋涼已淨番好少時間...
每日佢又會好想同妹妹玩...
玩得黎....九點左右就要上床訓...
因我地搭校車係頭站...七點要去到等校巴...
最遲六點半要起身...
所以晚上最遲九點半要訓著...
但我發覺九點半先訓著佢朝早起身都係倦...
所以如可以控制九點或之前訓著就最好...
但咁又會更加少時間陪佢玩及親子時間~
唯有...放假玩番夠本~

原帖由 hahe 於 11-9-15 11:56 發表
囝囝開咗學2個星期，暫時都返得好開心好ENJOY，所以我好欣慰，每日都會肯自己練習樂器15MINS TO 30MINS (雖然之前喺無學過)，覺得佢真係大個咗。不過可能佢做功課太慢，都有一大半要返嚟做，希望佢遲啲慣咗會做快啲啦。返啲嚟其 ...

我係劉師奶

其實想請問係唔係導修堂係做功課?有時見亞仔係會做好一至兩樣返黎,佢話係老師教的?
我都覺得夜晚真係得好少時間, 我最怕就係要睇通告, 好在依家都唔算多功課, 我地都盡可能9點半10點前瞓

siuyi

係呀~
老師話導修堂通常會做功課~
咁真係節省左好多響屋企做功課既時間呀~

原帖由 我係劉師奶 於 11-9-15 14:24 發表
其實想請問係唔係導修堂係做功課?有時見亞仔係會做好一至兩樣返黎,佢話係老師教的?
我都覺得夜晚真係得好少時間, 我最怕就係要睇通告, 好在依家都唔算多功課, 我地都盡可能9點半10點前瞓 ...

hahe

如果我俾佢9:30瞓, 啲時間真係仲唔夠駛, 所以雖然學校提議每晚都同佢讀個古仔, 不過真係好多時做唔到, 做完晒嘢, 同佢傾吓計, 玩一陣, 就要上床瞓LA。我希望遲啲可以KEEP 到佢10點睡覺。

cheungoli

我要返工,個仔係我返屋企前會做完功課,執完書包,PRACTICE 吓 CELLO,再去踏單車,但之後的時間就勁趕,我要同佢對功課,CHECK佢執書包啱唔啱,跟住食飯,再同佢一齊PRACTICE多次CELLO...
由於係初學,仍未掌握拉弦技巧,呢兩日都花不少時間在CELLO,差不多沒有時間玩,亦要在十時多才睡覺,希望遲D上了軌道會好D啦。

myemmie

我囡囡都話讀得好開心~~
佢每日約莫4：30pm返到屋企，然後我會叫佢張食具水樽拎去洗，之後就冲涼醒吓神先，跟住就做功課同重溫當日老師教嘅嘢，溫完書就執書包然後練琴半小時。
做完以上各樣約莫六點幾七點，咁佢可以玩一陣，約莫七點半至八點開飯，食到八點幾九點左右。
食完飯可以睇一本短篇書或者玩多陣，但九點半前要上床預備瞓，第二朝就六點九起身返學。
日日都行程緊湊，佢而家開始適應，希望佢唔會太辛苦啦~~

vyvy

唉, 我仔仔仲未適應, 仲好懷念幼稚園, 做野又超慢, 但其實可以好快, 所以每日都好似好趕 , 我都擔心做漏野.

hahe

我諗功課真係要TRAIN多一排先得，我次次問親我囝有無做哂功課，佢就話有, 但每次檢查仲有好多無完成囉, 真激死。想問佢哋幾時先可以去小買部買嘢食架?

我係劉師奶

老師好似講過一年班係唔可以去小買部買野食的,同埋佢地小息好多時都會留係課室活動, 出課室都只係可以係走廊範圍