真係想問...

cwspsp

聽人講, 揀n 班要諗下第二時想bb 讀咩k 班, 又要諗埋你想佢讀咩小學 (e.g. 直資要考入去, 咁k 就要谷o的啦) 跟手再諗埋佢第二時間小學o係咩網最好, 因為會影響佢入邊間中學 (for 津貼學校case), 咁搞法... bb 未夠兩歲我咪己經要諗埋佢十幾年後o既事???? 唔係話唔想諗, 而係好多野好似無得諗咁... 唔好話十年後啦, 五年後個教育制度變成點都無人知, 到時都唔知仲有冇津貼俾我抽喇... 唔通真係要預住bb 讀足咁多年直資/私校??? 大家揀n時, 用咩做考慮因素架???

dennispapa

我會睇間幼兒/稚園既口碑歷史同背景同實地睇下個環境
教學既模式同程度啱唔啱小朋友
之後就係幼兒園學生歷年黎升小學既統計
最後就係睇交通同收費同其他雜費比較下（不過同類既幼兒/稚園，大家收費其實都差唔多）

cwspsp

denispapa,

我都有諗過適唔適合小朋友呢個問題, 但係佢得o個歲幾人仔, 好似好難判斷咁... 舉個例, 有o的小朋友細個可能好好動, 唔鍾意睇書, 但係又唔代表佢唔能夠適應傳統教學, 畢竟佢仲咁細個, 性格興趣隨時會轉, 所以好似太早講適唔適合咁... 你有冇同感呢?

cwspsp

原帖由 cherryird 於 10-11-29 10:35 發表
而家我報n班時會看呢間幼稚園將來大約派邊類小學, 而我唸住考直資/私立, 所以幼稚園對我來講好重要, 雖然未來的教育制度隨時有變, 但因太長遠唯有到時再唸

我考直資/私立係鐘意課程靈活, 多資源, 所以唔會等小學派 ...

cherryird,

我都覺得, 好似得預備考直資/私立比較有保障, 雖然我真係好想bb 讀津貼學校 (因為打算有兩個小朋友, 如果兩個都讀直資/私校再加課外活動, 我估供層樓都得喇...) 但係政府政策成日變, 好似好無保障... 唔係話想bb 讀名校呀, 而係怕到時比較好o既學校都轉哂直資/私立, 咁唔通明知唔好都仲慳住個荷包咩... 而預備直資/私立小學又唔可以話臨急抱佛腳, 一定要從k 開始打底... 有時覺得咁樣好似太過辛苦bb, 所以好難決擇呀...

dennispapa

我自己都係直資中學出身既，所以我好認同佢地係師資好，多資源，課程靈活實用，程度較深（起碼一定唔會教錯小朋友先！）

但係都會參加大抽獎
凡事兩手準備比較好

對於近日對直資學校既流言蜚語，我完全唔會放係心到！因為好多直資學校根本同佢地既辦學團體分唔開，而佢地既辦學團體都係非牟利機構，要清算呢D對教學有著熱忱既學校同機構實在有D無知無理同過份！）

cwspsp

原帖由 cherryird 於 10-11-29 11:01 發表


我而家都係無樓人士, 阿仔幼稚園要俾4千一個月, 直資/私立計過1年大約要俾5-7萬左右, 但唸過後, 我同我老公寧願俾錢阿仔讀直資/私立小學, 都唔唸過買樓, 因為想佢學習環境好

我同事, 朋友同奶奶都話我地傻, 寧願 ...

嘩, 你真係好捨得呀!!! um.... 我之前一直都覺得讀書係平有平讀貴有貴讀, 我地以前o個個年代, 大部份人都係讀津貼, 我覺得都唔錯丫, 就希望可以的話o係bb細個時慳o的錢, 寧願儲錢俾佢第二時去外國讀書, 因為我覺得留學生係有唔同o既眼界, 如果佢肯o既話, 去外國讀大學都係一件好事~ (不過我老公話我到時實唔捨得, 嘻嘻)

而且於我唻講, 我無諗過要bb做top student, 反而我比較注重佢o既品格培育, 所以一直都只係target 一o的校風純樸o的o既教會津小, 喇叭拔罐呢o的唔係我杯茶, 仲以為咁o既諗法對自己同對bb 都會輕鬆o的, 但係"大抽獎"呢個玩意搞到我要睇定邊個校網先附合自己o既要求, 仲煩!!!

dennispapa

"寧願儲錢俾佢第二時去外國讀書, 因為我覺得留學生係有唔同o既眼界"

如果想小朋友出國讀大學，我認為要更加小心！因為真係有太多野雞大學同垃圾學科，到時一唔好彩自己小朋友中左招，畢業之後高不成低不就仲令人痛心！

可能我自己黑仔，我親身見過唔小呢D高不成低不就，所以我情願前段辛苦D，睇下會唔會自幼兒/稚園開始為小朋友舖路會好D！

我已前就係咁玩到中三先發力，之後又要去澳洲讀書同考O-Level又要自修考返HKCEE搏返翻黎香港等屋企人負擔唔好咁大，返嚟後又轉中學讀A-Level，要repeat左一年，足足讀左兩間中學/兩間college，之後先入到比較理想既大學讀我想讀既科目。

可能因為要搏到盡先換到返嚟，所以之後既野... 再出國進修碩士同其他課程都係由公司安排好，避免左讀完唔啱用同報讀錯黑店既機會！

dennispapa

原帖由 cwspsp 於 10-11-29 10:41 發表
denispapa,

我都有諗過適唔適合小朋友呢個問題, 但係佢得o個歲幾人仔, 好似好難判斷咁... 舉個例, 有o的小朋友細個可能好好動, 唔鍾意睇書, 但係又唔代表佢唔能夠適應傳統教學, 畢竟佢仲咁細個, 性格興趣隨時會轉,  ...

所以好老實我係 "睇間幼兒/稚園既口碑歷史同背景同實地睇下個環境"
因為我偏重睇學生將來既競爭力而我太太較著重環境

其實小朋友係interview既時候已經比到hints我地
1）我地之前幫小朋友備戰interview時其實都會知個間幼兒/稚園啱唔啱小朋友個level
2）interview當日小朋友既表現其實已經反映到佢鍾唔鍾意個度既環境同老師，姐姐，嬸嬸
3）當您上網做下research您就可以知道間學校符唔符合您既budget

以我女女為例，佢由乜都唔肯講，淨係識得走黎走去，到最近竟然係佢自由活動既時間對住佢既公仔扮我同我太太教佢讀書，玩認字咭同講故事。

所以要幫小朋友試多D野！大家加油啦！

小曳人

我初初都好簡單: 都搵間近近地.. 環境好, 地方大, 有NET/NPT就算, 諗住K1先試吓轉校
嗰時無諗到咁大競爭, 無諗小學問題
但係之後慢慢花咗d時間做功課, 明白到近年競爭有幾大, 阿仔亦開始俾到d"材能"我地睇到~ 有朋友提我: 好多學校如果有N班, K1好難入架! 就咁~ 我地last minute報多一間學校, 收咗~ K1繼續讀! 而呢個選擇, 已經考慮到阿仔第時升小一嘅問題

初初要家長為咁長遠打算, 好多時都係得自己諗, 都未知小朋友嘅能力係點, 其實真係唔係咁易決定到~  但係我相信家長只要明白小一嘅玩法, 就可以快d有主意.. 跟住5年嘅路想點行.. 坦白講, 我未諗到中學住架~

cwspsp

原帖由 小克 於 10-11-29 13:06 發表
應該話1歲就決定！ 因為細仔1歲就interview！
N影響你上K，K影響你上P，P影響你上S，S影響你上U!
此乃李國章設計的好事！

  

就係law... "N影響你上K，K影響你上P，P影響你上S，S影響你上u"... 最初我都好似樓上咁講, 諗住n 無所謂啦, 近近地咪算law, 志在俾小朋友過下群體生活, 無諗過要佢學o的乜, 要學野, k先算啦... 點知, 揀咩n 都會影響你上咩k, 佢in n 時都係歲幾, 將來重有好多變數呢...

馮師奶

N影響你上K，K影響你上P，P影響你上S，S影響你上u<--真係可悲, 我點可能諗倒咁多年以後既事呢....又怕宜家行錯一步都影響阿女前途....做人家長真唔容易....

4001cc

N班, 我會睇地點先, 只會搵近既. 2歲小朋友, 要佢地坐長程校車, 一來辛苦, 2來擔心.

就算幾好, 但遠多過15分鐘車都唔會諗. 所以我依家最心想係一間行7-8分鐘既學校.

cwspsp

大家覺唔覺o的n班好貴呀???? 我屋企附近, 無乜設施, o係屋苑樓下jei, 唔多大, 都收成$3.5萬一年呀...   

小曳人

原帖由 cwspsp 於 10-11-30 09:46 發表
大家覺唔覺o的n班好貴呀???? 我屋企附近, 無乜設施, o係屋苑樓下jei, 唔多大, 都收成$3.5萬一年呀...   

好貴喎~
我嗰時幫個仔報康傑~ ~$2k/month
一年二萬五囉!

gigiwin888

原帖由 cwspsp 於 10-11-30 09:46 發表
大家覺唔覺o的n班好貴呀???? 我屋企附近, 無乜設施, o係屋苑樓下jei, 唔多大, 都收成$3.5萬一年呀...   

我都覺得n班好貴, 我報左出年n報, 要成46000一年, 超貴, 又無學券, 不過為左阿仔好, 焗住要報

cwspsp

原帖由 小曳人 於 10-11-30 10:00 發表


好貴喎~
我嗰時幫個仔報康傑~ ~$2k/month
一年二萬五囉!

係law... 真係貴... 初時諗住o係屋企附近, 近近地ma, 估唔到都唔係太平, 好似同九龍塘差唔多... 最弊佢貴得唻又唔見得地方大喎, 你諗下屋苑樓下有得幾多地方? 唯一好處係近同埋應該比起九龍塘o個o的易入law...