家長讓小朋友學習樂器的原因

danielboy

我就好簡單,純粹小朋友有興趣,自己要求學嘅.學習樂器條路已經唔容易行,練習又佔去小朋友不少時間,家長亦常常因練琴同子女起衝突,如果無興趣而被迫學嘅話,條路就更難行.

學鋼琴係我選擇,最初純粹貪方便,因自己識而家裡亦已經有鋼琴,但學了一年,小朋友興趣一般,練琴懶散,反而求我俾佢學小提琴,可能小提琴係佢自己選擇,學習態度跟學鋼琴時係截然不同.

ben309

小朋友有興趣咪俾佢學囉！

danielboy

scotia.nova,
我小朋友係返弦樂團,不是上private lesson,弦樂團好處係有多d機會演出,有同學仔無咁孤獨,怕比同學仔拉得差,因而會對自己有要求,無咁懶散,但壞處係人多details執得無咁好,所以好睇你expect d乜.我不需要小朋友拉得好叻好叻,攞乜獎物獎,我小朋友6歲幾,只要佢學得開心,學習態度認真我已心足.其實最理想係樂團+private lesson.

[ 本帖最後由 danielboy 於 09-2-17 13:20 編輯 ]

danielboy

scotia.nova,
無錯,係HK Children's Strings,不過都好視乎老師,唔係個個老師都好架,我小朋友幸運地遇到個不錯嘅老師,學咗over年半喇,你囡囡喺Yips學嗎?學咗幾耐?
係我fans? Unbelivable!我都竟然有fans?你d品味真獨特,點都好,多謝捧場.

wensi

原帖由 danielboy 於 09-2-17 13:14 發表
scotia.nova,
我小朋友係返弦樂團,不是上private lesson,弦樂團好處係有多d機會演出,有同學仔無咁孤獨,怕比同學仔拉得差,因而會對自己有要求,無咁懶散,但壞處係人多details執得無咁好,所以好睇你expect d乜.我不需要 ...

我仔自己話學,試左一年所有樂器先選。

我仔入學校管樂團同學校管樂Course,我同指揮溝通過如果去考級都係要上私人班,好冷門好貴。

Kanax

原帖由 gershwin 於 09-2-16 09:21 發表
小朋友喜歡的話，一定會比心機練習。如果係呀媽迫學琴，點會開心？...

我個仔好中意彈琴，但都唔係成日想/肯練架，尤其是剛開始教新歌，佢彈得唔好，就會無心機彈，要我威迫利誘，直至彈得幾好，佢先至自己彈。

TINGMUM

我個仔就係果類GERSHWIN形容喜歡蜻蜓點水的性格.  樣樣都想學, 但一段時間又想放棄.  

初時學琴, 老師仲讚過佢有天份, 學野好快, 之後遇到難D, 日日同我講數,如果比佢學打鼓, 佢會日日勤練琴, 學左打鼓後, 唔鐘意琴.  QUIT了琴半年. 最近佢話想學返琴, 都好肯自己練, 而打鼓今次一直有KEEP住, 可能是係學校學, 一班同學有比較開心D.