個個小朋友都咁叻，點解我2個就....

JCMum

身邊朋友/同事既仔女個個都好叻，文又得、武又掂。點解我個2個就文又吾得、武又吾掂   係吾係我吾識教佢地呢?  有時唸唸下真係好傷心

masansan

點解唔睇佢地啲優點，而將佢地啲缺點放大黎睇？

IRON

總係隔離飯香~~

小朋友健健康康就ok啦, 不如首先問下自己叻唔叻, 有遺傳嘛~~

a961115

我兩個小朋友都係此類型~大囡今年要為揀邊間band"3"學校而煩惱~哈哈~我當然有唔開心~但想深一層~佢哋身體健康~四肢健全~已經係上天好大的恩賜~慢慢嚟~終有一天妳會發現佢哋嘅優點

記住人比人~比死人~

daisykkqq

下，唔好咁啦，佢地總有醒的一面。嘗試搵下 - 視藝、音樂、性格等等......一定有的

原文章由 JCMum 於 07-11-28 21:14 發表
身邊朋友/同事既仔女個個都好叻，文又得、武又掂。點解我個2個就文又吾得、武又吾掂   係吾係我吾識教佢地呢?  有時唸唸下真係好傷心

sandy816

我兩個大既都係咁...咩都唔叻:( ..不過有樣勁叻...就係玩喇 ..
我有時都會唔開心 .不過見到佢地笑既時候又唔記得左lu

原文章由 JCMum 於 07-11-28 21:14 發表
身邊朋友/同事既仔女個個都好叻，文又得、武又掂。點解我個2個就文又吾得、武又吾掂   係吾係我吾識教佢地呢?  有時唸唸下真係好傷心

丸媽媽

我都明白接受仔女唔叻係需要時間,曾幾何時我都好似樓主咁心都up晒! :cry:  做父母邊個唔想仔女叻,但唔叻都冇符,其實又或者好多父母唔滿足仔女已經叻左既地方姐

我大仔都係文又唔得武又唔得架! 最近都係煩緊點幫佢揀間band3中學 但如果要我數佢既優點,至少都仲數到十樣八樣既

老套d講句,兒孫自有兒孫福,煩都煩唔黎,亦無謂成日記住佢d缺點,相方keep好關係,d細路先會仲肯聽父母支笛,教好佢做人個品先至係最重要

[ 本文章最後由 丸媽媽 於 07-11-29 01:41 編輯 ]

a961115

原文章由 丸媽媽 於 07-11-29 01:30 發表
我都明白接受仔女唔叻係需要時間,曾幾何時我都好似樓主咁心都up晒! :cry:  做父母邊個唔想仔女叻,但唔叻都冇符,其實又或者好多父母唔滿足仔女已經叻左既地方姐

我大仔都係文又唔得武又唔得架! 最近都係煩緊 ...

丸媽媽~
妳好呀~如果無記錯~妳囝囝應該都係荃灣區~一起努力~

JCMum

IRON,
哈哈!我老公都係咁同我講，"佢地係咁上下架啦! 睇下我地就知啦! 吾通你想佢地識飛咩。"

masansan,a961115,daisykkqq, sandy816,丸媽媽，
多謝你地既開解。有時我都好阿Q咁同自己講，佢地身體尚算ok，品行也可接受，吾好成日唸埋一邊。但而家開始煩緊同個大搵中學，見到d 申請表又要寫明每科既成績，又要寫埋有咩"十項全能"，我既心情就......  :cry:

ii-3

唔好咁唸! 我都有個唔叻的女! 我成日同自己講, 首要健康, 其他盡力做, 做倒幾多得幾多!  充滿阿Q精神,相信明天會更好!

原文章由 JCMum 於 07-11-28 21:14 發表
身邊朋友/同事既仔女個個都好叻，文又得、武又掂。點解我個2個就文又吾得、武又吾掂   係吾係我吾識教佢地呢?  有時唸唸下真係好傷心

dickielam

係呀, 我都有同感, 我亞仔而家仲比老師懷疑有學習障礙 (佢今年是P1學生), 我也好擔心 .
看見佢的幼稚園同學及而家D同學, 個個都咁乖咁叻, 佢就只顧玩, 我真的非常擔心及唔開心 ; 不過, 始終他是我的心肝, 所以都是看他的優點吧.

daisykkqq

我都要同小兒搵中學，真係好苦惱，我成日都係個句，唔知點解而家讀書會係咁！小朋友辛苦、老師同家長更辛苦。

原文章由 JCMum 於 07-11-29 09:13 發表
IRON,
哈哈!我老公都係咁同我講，"佢地係咁上下架啦! 睇下我地就知啦! 吾通你想佢地識飛咩。"

masansan,a961115,daisykkqq, sandy816,丸媽媽，
多謝你地既開解。有時我都好阿Q咁同自己講，佢地身體尚算ok，品行也 ...

[ 本文章最後由 daisykkqq 於 07-11-29 10:23 編輯 ]

daisykkqq

唔好咁啦，每所學校都應該有一關注小組幫助他們。另外，我相信他們一定有另外一面會超卓過別人的！如音樂、視藝或運動等......只不過現在學習方面稍遜。試在其它地方發展他的信心吧！

原文章由 dickielam 於 07-11-29 10:09 發表
係呀, 我都有同感, 我亞仔而家仲比老師懷疑有學習障礙 (佢今年是P1學生), 我也好擔心 .
看見佢的幼稚園同學及而家D同學, 個個都咁乖咁叻, 佢就只顧玩, 我真的非常擔心及唔開心 ; 不過, 始終他是我的心肝, 所以 ...

P-Ma

JCMum

唔好唔開心啦!只要他們身體健康，品行好，一家人開開心心，已經好幸福啦!:

人總有些讀書叻，有些其他方面叻的，只要好好教育他們，他們都可以成材。我從來都覺得，讀書叻不能代表甚麼，可能自己讀書都不算叻，但品性卻很重要。將來出來做人處世，性格才是成功(當然要包括開心啦)的因數。好像小兒最近一句口頭"嬋"，甚麼都不緊要，開心就得啦!

P-Ma

JCMum

忘了告訴你，小兒讀書都不叻；其實讀書叻的人都是佔少數，可能BK父母們的子女都比較叻啦，又或者成績不好的，又不好意思說給你聽，才會做成錯覺。
我只希望小兒，能做一個對社會有貢獻、身體健康及開開心心的人。所有有工作做，需交稅的人，有算有貢獻的人。

200012

原文章由 JCMum 於 07-11-28 21:14 發表
身邊朋友/同事既仔女個個都好叻，文又得、武又掂。點解我個2個就文又吾得、武又吾掂   係吾係我吾識教佢地呢?  有時唸唸下真係好傷心

放大自已小朋友優點先,慢慢改變或接受佢地既缺點 你小朋友一定有好過你朋友d細路既野,一些小事優點都放大d睇 ,人家有哀野都吾會話晒比你知啦 健康便是褔,小朋友無病無痛,不用你照顧擔憂,已是優點啊!

rubymo928

原文章由 200012 於 07-11-29 11:11 發表
放大自已小朋友優點先,慢慢改變或接受佢地既缺點 你小朋友一定有好過你朋友d細路既野,一些小事優點都放大d睇 ,人家有哀野都吾會話晒比你知啦 健康便是褔,小朋友無病無痛,不用你照顧擔憂,已是優 ...

totally agreed !  我都成日覺得自己兩個女好頑皮, 點解人地 d 女可以甘斯文, 甘聽教, 唔會好似moneky 跳來跳去......
有時見到有病痛小朋友, 個心都好難過, 所以最重要系小孩的健康.

rubymo928

P-Ma, 你說得對呀 !  

忘了告訴你，小兒讀書都不叻；其實讀書叻的人都是佔少數，可能BK父母們的子女都比較叻啦，又或者成績不好的，又不好意思說給你聽，才會做成錯覺。---- 雖然是講老套 d, 一個人成功與否, 唔應該單看讀書成績.
我只希望小兒，能做一個對社會有貢獻、身體健康及開開心心的人。所有有工作 ...  ---- 同意 !

IRON

hi JCMum ,

haha.......妳唔嬲我咁講就好啦~~

我仔仔都係唔屬叻人一族, 但我地覺佢已叻過我地細個好多, 只要佢開開心心返學, 見佢一日比一日進步就ok啦~~

見佢同學仔又拎一百分, 又去什麼比賽, 開頭我都有擔心會唔會樣樣差過人, 後黎我姐叫我放鬆d, 讀書係長期抗戰, 慢慢黎啦, 只要身體好, 其他都係次要.

同努力!

emiluihk

唔知大家仲記唔記得
人比人 , 比死人
雖然唔係咩佳句, 但請自問,假如你身邊没有出現你所講的另孩子,你會否用自己的孩子作比較呢 ? 爲何要用自己的寶貝與人的比 ?
老實講這對孩子真的很唔公平 ...

天生我才必有用
相信大家都耳熟能詳, 但有幾個真的可以領會得到呢 ? 你所指的文又唔得,武又唔得以何作準則 ? 咪又係與人相比囉 !可能今天真的比起大顆兒落後了少許, 但有誰能保証可永遠站在最前或最後呢 ?
我個人最唔贊成,連自己父母都唔支持自己的孩子, 在這情況吓,試想想孩子的感受 ? 你估他/她們没有了你的支持能繼續努力嗎 ?

在我而言 , 就算打機也是一門學問 , 打機也可以學到歷史, 打機也講求手眼協調, 訓練腦筋靈活 ... 這些技能在我們日常生活中也是不可缺少的元素。

一個大家認爲讀書叻成績好的孩子也總有他的弱點 , 或者除書本知識外,她連基本自理能力也辦不到的孩子大有人在

如果我係你,我絶唔會用唔叻來形容自己的孩子, 評估一個小孩並非只單看他的成績,才藝 或成就的。要多方面觀察再作自我內省,只要平衡發展便足夠了 ... 從中更可發現自我弱項再作重點性強化,我永遠相信父母永遠是子女的後盾、動力 , 如果連最親都看他不起, 那他何來勇氣面對外界 ?

所以請你們收回 "我的孩子不叻 " 這句說話 , 只是我的孩子仍有進步的空間,只要他們找到自我方向定必能創出一番成就

SORRY 太過長篇大論添 ... 因為孩子是我們的未來 ...