包書問題

銘銘媽

我有個問題, 不過覺得好白痴, 可惜我都係想問.  希望大家見諒.

亞仔升一年級, 我想包左亞仔D書先俾佢返學, 但係又一路唔知個仔會升咩班, 問題黎啦: 1) 我應該包書先, 然後第日補貼返個名同班别, 坐號喺個膠套度; 定係 2)第日, 等佢知道咩班別同坐號, 貼哂所有資料先同佢包書呢??
如果揀1) 我又怕好易俾人偷書
如果揀2) 我又怕包唔設書
咁我點好??

Ottomom

包佐先，然後貼名,因為班號好多時會變(e.g.有人退學)

原文章由 銘銘媽 於 07-7-24 02:02 PM 發表
我有個問題, 不過覺得好白痴, 可惜我都係想問.  希望大家見諒.

亞仔升一年級, 我想包左亞仔D書先俾佢返學, 但係又一路唔知個仔會升咩班, 問題黎啦: 1) 我應該包書先, 然後第日補貼返個名同班别, 坐號& ...

chaimum

其實會唔會有人唔包書??因我懶唔想包,但會唔會比人感覺無咁整齊清潔??

麟媽媽

唔好包住，有D 學校唔主張包書，
因為個書包會重左吖嘛！
好似我仔學校，作業包左都要你拆，
因為太滑面，老師改簿包左疊唔起，sir 晒落地架！

原文章由 chaimum 於 07-7-24 17:25 發表
其實會唔會有人唔包書??因我懶唔想包,但會唔會比人感覺無咁整齊清潔??

淡然

原文章由 麟媽媽 於 07-7-24 17:30 發表
唔好包住，有D 學校唔主張包書，
因為個書包會重左吖嘛！
好似我仔學校，作業包左都要你拆，
因為太滑面，老師改簿包左疊唔起，sir 晒落地架！

係喎,咁睇定d先算.

HY412

囡囡今年升三年, 今年起亦決定不包書, 因為個書包重足兩年 原來學校亦接受不用包書的, 手冊除外.

oscarmama

我都覺得包書作用不大，好似我仔用咗成年嘅書仲有8、9成新，好似無乜用過咁。包書吾單止書包重，仲吾係幾環保。我仔本手冊，就算包咗都用到甩皮甩骨。

原文章由 HY412 於 07-7-24 20:35 發表
囡囡今年升三年, 今年起亦決定不包書, 因為個書包重足兩年 原來學校亦接受不用包書的, 手冊除外.

ChiChiPaPa

唉！冇諗過重量的問題。

囡囡買書的那一天，她已經把所有書包好。希望唔會重得幾多。

[ 本文章最後由 ChiChiPaPa 於 07-7-24 21:37 編輯 ]

fc2004668

手冊就應該要包,因為每日都有好多功課或活動要寫低,其他書就無必要了,好快就一個學期,d書仲好新...

414928

我只包書,唔包作業的,咁樣唔會重好多,但本書無咁易爛,我會用張label寫上姓名先,班別同學號就後補上。

ttmum000

我用粗少少胶纸包四角!

PoYi723

包左一年冇再包了,無需要咖

杰杰媽媽

me too..........最後d書都仲好新.宜家好多一本用2個月就教完,唔使包都勁新.

原文章由 ttmum000 於 07-7-24 21:48 發表
我用粗少少胶纸包四角!

Papa2000

我包書等小朋友學習愛惜書本,之後出售或轉贈又可以保侍書本新淨;想環保D,上下學期同類書可用同一包書膠,作業用胶纸包四角.

Chungmama

Thanks for all sharing!

肥嘟媽

在內頁寫名的都包了,在書面或書底那些就未包,因為唔知班別及班號

Jackielee

其實小學好多時喺書度寫嘢，覺唔覺得二手有啲問題呢？

原文章由 Papa2000 於 07-7-25 23:34 發表
我包書等小朋友學習愛惜書本,之後出售或轉贈又可以保侍書本新淨;想環保D,上下學期同類書可用同一包書膠,作業用胶纸包四角.