元朗信義

dolala

bobo98 發表於 17-7-30 17:55
這些係個人感覺，點解你可以咁冇禮貌咁批評人，甚至用不當的比喻，真的難以理解！ ...

咁既學校管理層，人神共憤！

greenapple1093

王家爸爸 發表於 17-7-30 11:19
點樣無暗示？

首先，封信是沒有暗示學校自行階段無收了小朋友， 亦不代表學校自行階段收了小朋友的。

讓我們看看以下資料先:

sammmag
我當時都睇過晒兩封信，
我的理解反而同好多家長理解唔同，見報果封係第一封, 有埋學生既名字，但我覺得如果自行係收左，根本唔使叫你抽獎一定要填第一才會增加入讀檮會，就係因為唔收，先提你要填。
另一封信係隔左幾日先發出, 內容簡單得多，亦沒有學生名字，只大概說多謝申請，學位不多，祝福入到心儀中學，亦比人覺得唔收。
但兩封信發出既數量相距好遠，大約廿個學生十九個收第一封，一個收第二封，學位就得48個，好明顯猜測到玄機。
而結果收第二封簡單信成功獲派此校。收第一封信的部份派唔到，部份應該由大抽獎派入。
https://www.edu-kingdom.com/forum.php?mod=viewthread&tid=3500878&extra=page%3D1&page=1
#016

及

coco8888
我朋友個仔間學校有10個學生報信儀,最後收了4個.但同一時間10個同學仔同日子都收到同一封信.不過,封信內容我朋友話,上半park ,講到一定收你,但下半park又唔係,所以每個家長理解都唔一樣.所以我朋友話,寄出封信係多餘既一件事...
https://www.edu-kingdom.com/forum.php?mod=viewthread&tid=3500878&extra=page%3D1&page=2
#033

除非能証明所有收到第一封信(即明報刊登個封)的同學(當然包括coco8888所提及那4位)是透過大抽獎入，不是自行入，才能判定這封信發出是暗示自行不收小朋友。

從學校角度想，憑什麼準則發第一封信呢? 有2種情況:
(1)自行唔收，就發這信給落選者。
(2)所有面試後，就發信給面試申請者 (無論成功與否)。

我個人認為學校管理層是用第(2)情況做事，因為對所有面試申請者後的一種有禮貌回應，是應該的。而sammmag 亦提及「收第一封信的部份派唔到」，即某些收第一封信同學亦派到。

信義是元朗其中一間好學校，是肯定的，想小六多人報自己校(想他們在大抽獎選你校，又或者多些同學仔在叩門時給學校選)亦無可厚非。可是正正因為信內有第二段開頭寫：「學校不能於面試後向申請人披露結果........不過，從資料及兩次面試結果得悉，貴子弟整體表現十分良好, 十分適合於本校就讀及成長」，才會攪出個大頭拂。(其實只要將第二封信多謝意思放在第一封信第二段上半部份，主要作用道謝申請人來面試，下半部份-填大抽獎策略照舊就可了。)


根據sammag #229 所言
「但我所認識幾個收到第二封簡單信的學生都是沒有同時收到第一封內容的信。
而我認識的幾十個收到第一封詳盡信的學生也沒有同時收到第二封內容的信。」

以上推論已經重新更正，見#233。

sammag

greenapple1093 發表於 17-7-30 19:34
首先，封信是沒有暗示學校自行階段無收了小朋友， 亦不代表學校自行階段收了小朋友的。

讓我們看看以下資 ...

事實上學校不是用你所認為的第2種方法向所有面試學生出相同內容既信，因為事實上學校是先後出過兩封不同內容既信比唔同既學生。

兩封信我都有記錄。

sammag

bobo98 發表於 17-7-30 09:51
信義過往都係只收band1學生，其實係個家長不自量力越級挑戰，自行得果48個位，有咩可能收band2學生？band1 ...

我認同信義是一間好學校，好努力既學校，今次只是針對校方應唔應該出信，唔會因為咁面抺殺左老師團隊既努力的。
其實最好就乜信都唔出，免除任何非議。

c.chan

回覆 sammag 的帖子

說得對！信義是好學校，咁多人報，位有限，學校來講未想盡辦法去選擇喜歡學生，不過今年真係好多人失望，不過出年元朗升中更困難、一年難過一年！

greenapple1093

sammag 發表於 17-7-30 22:47
本帖最後由 sammag 於 17-7-30 22:54 編輯

事實上學校不是用你所認為的第2種方法向所有面試學生出相同 ...

「事實上學校不是用你所認為的第2種方法向所有面試學生出相同內容既信，因為事實上學校是先後出過兩封不同內容既信比唔同既學生。」


如你所說的話，要証明到所有收到第二封信，與此同時收不到第一封信，而又被取錄的話，才能成立啊! 莫非你全部知道個48位自行收是這樣處理的嗎?若是，你又怎樣知道呢?

你曾說: 收第一封信的部份派唔到。 這句作何解釋呢? 依你所看，不是第一封給不成功的嗎? 為何是部份派唔到?

莫非學校有第3種派信方式?

sammag

greenapple1093 發表於 17-7-30 23:47
「事實上學校不是用你所認為的第2種方法向所有面試學生出相同內容既信，因為事實上學校是先後出過兩封不同 ...

其實你都唔係好理解升中玩法，
收到第一封信既人，就是自行不收，
但最後部份獲派 即是經大抽獎派入，
而部份不獲派 即是大抽獎抽不到。
其實道理好簡單。

ling426

sammag 發表於 17-7-31 00:56
其實你都唔係好理解升中玩法，
收到第一封信既人，就是自行不收，
但最後部份獲派 即是經大抽獎派入，

點解要話俾學生、家長知？

sammag

greenapple1093 發表於 17-7-30 23:47
「事實上學校不是用你所認為的第2種方法向所有面試學生出相同內容既信，因為事實上學校是先後出過兩封不同 ...

另一方面，你說到
「如你所說的話，要証明到所有收到第二封信，與此同時收不到第一封信，而又被取錄的話，才能成立啊」
我當然不可能認識晒自行48個學生，
但我所認識幾個收到第二封簡單信的學生都是沒有同時收到第一封內容的信。
而我認識的幾十個收到第一封詳盡信的學生也沒有同時收到第二封內容的信。

sammag

ling426 發表於 17-7-31 01:01
點解要話俾學生、家長知？

咁就要問下學校校長點解要話比學生和家長知勒，唔係問我。

王家爸爸

c.chan 發表於 17-7-30 23:25
回覆 sammag 的帖子

說得對！信義是好學校，咁多人報，位有限，學校來講未想盡辦法去選擇喜歡學生，不過今 ...

元朗升中唔可以太進取，始終元朗係相對弱既區，加上人數又多競爭大，英中位又嚴重唔夠。

王家爸爸

sammag 發表於 17-7-31 00:56
其實你都唔係好理解升中玩法，
收到第一封信既人，就是自行不收，
但最後部份獲派 即是經大抽獎派入，

講得啱，家長真係唔可以懶惰，需要認真了解香港既升中制度。

greenapple1093

sammag 發表於 17-7-31 01:02
另一方面，你說到
「如你所說的話，要証明到所有收到第二封信，與此同時收不到第一封信，而又被取錄的話， ...

「但我所認識幾個收到第二封簡單信的學生都是沒有同時收到第一封內容的信。
而我認識的幾十個收到第一封詳盡信的學生也沒有同時收到第二封內容的信。」

非常謝謝你數量化的資料，這資料很有用啊! 雖然未能全然証實「所有收到第二封信，與此同時收不到第一封信，而又被取錄」，但是你所說「幾個」(無3不成幾，即3-9個) 及「幾十個」(即30-90個) 就自然地有所推論了。而佔百分率以隨机抽樣來看(3/48(6.25%)-9/48(18.75%)) 都很大可能學校這樣發信。(唔知幾多人有幾會面試呢?)

假設你推論成立，即學校自行唔收小朋友，就發這第一封信給落選者，成功的就發第二封信。即是收到第一封而入的是透過大抽獎入。這樣發信，真是令我大開眼界。

hkpapa852

其實呢件事我認為係反映咗.....

1. 呢間學校班負責寫信既員工, 有需要提升中文水平. 文筆好D, 就唔會攪出個咁既大頭佛
2. 個班唸出信既員工, 應該檢討吓, 做D更實際有助提升學校同學生能力既嘢好過.

c.chan

回覆 hkpapa852 的帖子

幕後黑手多數都係老闆，老闆不如正路啲啦～而且你做教育㗎！
依家啲人喜歡講引導，點解要咁引導呢？
好玩咩？你都夠做啦～ 每場talk show 都表演得咁好！

芷蔚baba

c.chan 發表於 17-7-31 11:11
回覆 hkpapa852 的帖子

幕後黑手多數都係老闆，老闆不如正路啲啦～而且你做教育㗎！

所以畢業生提起副校同老師都讚不絕口,而對新老闆嘅評價咁反面。

c.chan

學校話優化, 完了!  (心表遺憾)

ling426

sammag 發表於 17-7-31 00:56
其實你都唔係好理解升中玩法，
收到第一封信既人，就是自行不收，
但最後部份獲派 即是經大抽獎派入，

家長是否了解升中玩法學校也不應發信給家長。如你所講，收到第一封信既人,自行不收,如獲派即大抽獎派入｡
我既理解係學校自行得48個位,呢48學校想收最 top果班,但亦不想流失這些band 1學生,所以出這封信｡
當然，學校真正出信既目的我唸只有學校先知道。

sammag

ling426 發表於 17-7-31 13:10
家長是否了解升中玩法學校也不應發信給家長。如你所講，收到第一封信既人,自行不收,如獲派即大抽獎派入｡
...

認同

c.chan

學校想收真正嘅尖子，班真正尖子係自動波幫學校搵到業績嘅。但係而家有好多扮尖子，上到中學就現晒形，學校可能係想盡辦法想搵啲真貨出嚟！