- 在線時間
- 43 小時
- 最後登錄
- 16-4-22
- 國民生產力
- 0
- 附加生產力
- 287
- 貢獻生產力
- 0
- 註冊時間
- 10-6-4
- 閱讀權限
- 10
- 帖子
- 112
- 主題
- 0
- 精華
- 0
- 積分
- 399
- UID
- 621797
|
原帖由 SATSUI 於 10-7-5 17:35 發表
洗唔洗幫小朋友整 profile ga?
呢個問題真係好深.
原則上應該唔洗既.....
(以下內容同玄圓小學無關, 純粹個人以前搵學校既感想)
我地不妨由學校既行政角度去諗profile同收生既問題....
津貼學校無得interview, 直資同私校至要, 大家都想揀最好既學生, 出盡法寶....咁攪interview最實際啦, 實際睇吓d細路叻唔另醒唔醒嘛. 咁咩叫叻仔呢? 梗係先問吓佢地d英文呀, 普通話問題先, 試吓有無"根底"先, 你知啦, 有"根底"可以少好多煩惱. 咁試完根底, 咪又試吓成班細路仔玩, 睇吓佢地合唔合群呀, 性格有無問題呀, 活唔活躍呀. 睇完呢三樣野大概都對個細路有個底. 蝦! 千揀萬揀, 點知揀左成班都過度活躍既, 先知奶野. 下年再揀, 唯有再俾積木佢玩吓, 睇吓佢夠唔夠專注啦. 點知發現專注又係專注喇, 不過個細路都係太靜, 同埋有好多野都唔識. 咁點算好呢? 下年又再加多幾條常識題, 一個星期幾日呀, 十月圍城邊個男主角呀, 七月一號咩日子呀, 香港幾多條海隧呀, 呢d常識題背後又暗藏睇吓你爸爸媽媽平日點樣教細路, 你知啦, 細路仔讀唔讀到書, 爸爸媽媽有無支援至係最緊要, 爸爸媽媽乜野都唔教, 乜都唔幫, 乜都唔緊, 個細路叻極有限 所以話教育係一個鬥資源鬥進度既戰爭黎. profile靚不如細路靚.
曾經聽過有係某津貼學校度做既朋友講過有單野, 話說津貼學校無得攪INTERVIEW, 咁點樣揀收唔收第一階段自己黎入表果d細路? 佢學校其中一位評選就揀左一個細路出黎, 然後話 : "呢個丫, 爹地媽咪都係會計師, 應該唔錯"
聽落真係好低能, 但諗真d呢個已經係佢地能力範圍內最有根據既選擇喇. 無怪乎而家多左咁多人都寫爹地同媽咪係"老細"啦. 所以幾年落黎, "老細"又變左低等職業.......
學校唔係一盤生意, 亦唔一定唔係生意, 為左生存落去, 個個都想收晒全香港d叻仔(女)黎讀, 收生呢家野, 唔係良性循環就會步入惡性循環, 叻仔黎讀成績好打響校名, 更多叻仔慕名黎讀, 收唔夠人, 唯有收d爛茶渣, 收到一校都係, 難泥扶唔上壁, 狗口長唔出象牙, 屋村奇跡可以有幾多? 間學校越做越臭, 老師覺得做黎無前途, 走得就走, 質素更加每況越下, 求都無人肯黎讀你話驚唔驚.
去到最後階段喇, 校長手上總有幾個攝青位, 就係所謂拍門既時候喇, "大把貨"既校長可以慢慢揀, 可以係成千成百人入面揀一個, 梗係要幾好有幾好. 咁咪操勁佢去考, 家長又順便俾d誠意校長睇吓, 呢個時候profile好似係必需品, 不過咁樣諗又太過正路, 事關校長個膊頭一早已經俾人拍到散喇. (呢度係有少少誇張, 實情我都相信你個細路係標青既, 個校長都想據為己有既, 好標青既話)
最後, 我都無能力為你解答究竟應唔應該準備一個profile, 你話呢條問題係咪好深呢~~sorry. (不過搵定隻手應該無衰)
(哈哈哈, 其實我只係借題發揮~~~ :-p ) |
|