培正幼稚園家長-----請進 - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 培正幼稚園家長-----請進

1 ... 2 3 4 5 678 9 10 11 ... 42 下一頁

發新帖

樓主: KK	go 培正幼稚園家長-----請進 [複製鏈接]

Rank: 3 Rank: 3


	261

121^#

發表於 03-9-19 20:58 |只看該作者

Re: 培正幼稚園家長-----請進

今日終於見到樓上個中學哥哥, 就捉住佢問左少少關於中學英文的問題. 佢今年f.2, 佢話中學冇外籍教師, 英文和數學都是用英文教授, 唯英文科是全英語教授, 數學就以英文為主, 中文為副, 另外的科目雖然是中文課程, 但有些科目要加默英文, 如科學等.

:wave: :wave:

Rank: 2


	47

122^#

發表於 03-9-20 18:11 |只看該作者

Re: 培正幼稚園家長-----請進

謝謝helloruby,
我相信中學的哥哥姐姐們的英文程度不會太差, 因為聽說好多人培正中學畢業的學生都是直接留學美國的.

今天去了家長會, 並沒有太大特別, 聽了一個講座, 另外, 知道多一點小朋友上課內容細節. 原來他們有每星期都有室外體育課,室內體育課,畫畫課, 音樂課,電腦課呢. 只是英文課的時間又真的少了點, 除了一星期30分鐘外籍老師之外, 平時老師不會怎麼教的.

不知有沒有其他的家長讓小朋友在外面學英文呢? 有沒有什麼課程可以介紹一下呢?

Rank: 3 Rank: 3


	261

123^#

發表於 03-9-22 10:26 |只看該作者

Re: 培正幼稚園家長-----請進

睛媽:
係呀, 培正有好多學生留學, 佢的同學會真係遍佈美加. 我重知中學其中一個奬學金每年會送幾個學生係暑假時到美,加探訪同學會, 仲會受到佢地的接待同到遊覽呀.

:wave: :wave:

Rank: 3 Rank: 3


	261

124^#

發表於 03-9-22 10:30 |只看該作者

Re: 培正幼稚園家長-----請進

各位媽咪:
今日星島日報-私校巡禮, 介紹培正呀!

:wave: :wave:

Rank: 3 Rank: 3


	258

125^#

發表於 03-9-22 12:38 |只看該作者

Re: 培正幼稚園家長-----請進

請問有沒有家長拿到講座(親職會)的綱址可給我呢?

Thanks!

Rank: 5 Rank: 5


	3301

126^#

發表於 03-9-22 13:26 |只看該作者

Re: 培正幼稚園家長-----請進

Ima:

you can go here:

http://www.hkcs.org/edcb/pep/pep.htm

Rank: 3 Rank: 3


	258

127^#

發表於 03-9-23 16:14 |只看該作者

Re: 培正幼稚園家長-----請進

Thank you 彥彥媽咪!

Rank: 5 Rank: 5


	1897

128^#

發表於 03-9-23 21:11 |只看該作者

Re: 培正幼稚園家長-----請進

各位你好,

我有個朋友佢囝囝想報讀培正幼稚園,但有以下問題,請問大家可否幫忙解答:

1. 佢住沙田銀禧, 如果改一個近學校地址是否優勝?
2. 課程是否很淺?
3. 考試形式/有那些問題?

謝謝!

小兔媽媽

Rank: 3 Rank: 3


	261

129^#

發表於 03-9-24 22:29 |只看該作者

Re: 培正幼稚園家長-----請進

小兔媽媽:

培正的課程吾算深, 都有好多學生住沙田, 荃灣, 甚至青衣. 不過我諗如果住得近d, 真係到最後要二揀一時, 好多學校都會選近果個. 不過沙田都吾算遠.

:wave: :wave:

該用戶已被刪除

130^#

發表於 03-9-25 11:16 |只看該作者

Re: 培正幼稚園家長-----請進

提示: 作者被禁止或刪除內容自動屏蔽

Rank: 3 Rank: 3


	159

131^#

發表於 03-9-27 11:24 |只看該作者

Re: 培正幼稚園家長-----請進

Chingma,
I sent a message to you. Pls check your PM.

J's Mama
I know many kids enter Pui Ching just by interview (no background). 5-6 child enter the classroom by themself for 10 minutes. Inside has some toys. Teachers will look at their behaviour when playing. Asking simple question, e.g. your name, color of friut etc. They like good team player. Hope this can help.

Rank: 2


	55

132^#

發表於 03-10-24 12:47 |只看該作者

Re: 培正幼稚園家長-----請進

hi helloruby,
我好似在家長會有聽老師提及有關家長協助當義工, 請問你有否當過義工呀?可以幫手做些甚麼呢?因為如果可以我都希望參與o下個仔的學校生活.
thanks
Caseman

Teach us to number our days aright, that we may gain a heart of wisdom. Psalm 90:12

Rank: 3 Rank: 3


	261

133^#

發表於 03-10-24 23:21 |只看該作者

Re: 培正幼稚園家長-----請進

我舊年有報名做家長義工, 不過今年好似末見有表填喎, 如果今年有得做, 我都會継續報名.

舊年等左好耐都無傳召過我幫手, 直至大約兩,三月時, 本來老師揾我幫手係運動日維持秩序同埋照顧下d學生仔, 但係因為sars停課, 運動日也因此取消了, 反而sars後, 就需要大量義工, 我就係返學時幫手叫小朋友排好隊, 準備體温表比老師檢查等. 校方有一張感謝狀本來會係散學禮上頒比我, 不過因為打風取消了散學禮, 攺為由我仔係屋企頒比我

. 其實幼稚園部的家長義工好似暫時都無乜工作可幫手, 反而小學部果邊的就家長義工較多工作參予, 包括係午飯時在課室跟學生玩遊戲, 講故事等. 我今年冇去幼稚園的家長會, 吾知佢今年會吾會增加義工的工作量呢!

今日係本年度第一個生日會, 你們的小朋友開吾開心呀? 我仔係10月生日, 所以佢今次有份上台接受生日禮物, 佢仲話佢地果圍枱的生日蛋糕係超人黎架

:wave: :wave:

Rank: 1


	51

134^#

發表於 03-10-25 15:39 |只看該作者

Re: 培正幼稚園家長-----請進

Helloruby,

想請問妳培正幼稚園的老師怎麼樣？有沒有愛心？對孩子要求高嗎？能否包容及接納孩子個別差異？老師對家長的態度如何？願意與家長溝通嗎？

Sorry that I have to type english because chinese is too slow. my son changed to a famous school this month, because I wanted him to attend morning class, he attended pm class in the old school. But he is not as happy as before, I think the teachers are not as caring as the previous one, and the schedule is more intense in the new school. He starts to bite his fingernails in the last few days, which has never happened before. He was born in Nov, so I am considering whether to apply Pui Ching or not. But I am afraid that the teachers there would be even more cool.

Rank: 5 Rank: 5


	3301

135^#

發表於 03-10-25 21:59 |只看該作者

Re: 培正幼稚園家長-----請進

各培正家長：

我想問吓你地識唔識有冇媬姆車去培正架？因為我下個月要搬去荔枝角區，但因為我地個ｄ係新屋苑，所以校車部話冇站，亦唔會即時加站，最近又要去到美孚先有，但我地個度去美孚其實都要坐車架．．咁即係我仔仔冇得坐校車了，但若冇校車真係好唔方便，所以我想請大家幫幫手若有知道有媬姆車去培正，可否即刻PM我呀∼∼∼

萬分感激！！！

Rank: 3 Rank: 3


	261

136^#

發表於 03-10-27 14:26 |只看該作者

Re: 培正幼稚園家長-----請進

dmom,

吾好意思咁遲先覆你, 因為呢排要同大女準備測驗加上感冒再加埋bk好....慢........所以少左上bk.

我覺得培正的k.1老師好好, 但係 k.2, k.3 的老師就都幾惡架, 但只係我覺得. 係吾係特別惡, 或係一般地惡, 我就無從比較, 因我都係只接觸過個別老師, 而且每個人的觀感亦有所不同. 而且我仔仔每天都是開開心心地上課, 開開心心地下課, 亦從來無投訢過老師好惡. 學校的課程並不艱深, 但他們要求小朋友較獨立, 對做功課的要求都幾高, 吾可以求求其其, 線劃得不直, 字寫得不好, 都會用红筆批攺, 如果, 遲到, 忘記交功課, 欠帶手帕等都會在手册上蓋印.

至於老師有没有愛心, 我覺得好難一概而論, 不過學校的主任對孩子就非常非常有愛心, 經常笑容滿面地跟孩子打招哹, 有時還會攬著孩子哩.

我相信大部份的老師都好願意跟家長溝通, 曾經有班主任在晚上打電話給我跟我談孩子在家和在校的情形, 我也曾打電話到學校找老師, 老師每次也有回覆, 有時在學校見到主任, 她也很樂意並主動跟家長閒談, 唯學校欠缺一個教師家長會, 没有一個正式的溝通途徑.

我仔仔是從一間極度輕鬆, 開放, 活動的學校轉去培正重讀k.1的, 但他没有因為培正比前校嚴厲而不習慣或不開心, 他比以前還要喜歡返學, 我覺得其中一個原因是他由k.1細仔轉變為k.1大仔, 不習慣的反而是我這個家長, 間中會對學校的個別部門或作風略有微言, 但係只要校風良好, 孩子又讀得開心, 讀書壓力又吾係太大, 我就覺得這是一間好學校.

以上只是我本人對培正的感覺, 若你對學校有興趣, 不妨再多詢間其他家長的意見, 再衡量你仔仔適不適合就讀.

如果你仔仔今年是細仔, 不論轉校與否, 不妨考慮讓你仔仔重讀 k.1, 因為這是我最深刻的個人經驗, 明年仔仔返學一定會比今年開心. Best wishes

:wave: :wave:

Rank: 1


	51

137^#

發表於 03-10-28 23:08 |只看該作者

Re: 培正幼稚園家長-----請進

helloruby,

好多謝妳這麼詳盡的分享. 其實我都打算讓仔仔重讀K1, 不過在考慮讓他在原校重讀或是報培正．一來怕他在原校會悶，二來聽說培正很注重德育．個人認為孩子最重要是學好做人．

不過，我仔仔對自己的要求很高，但偏偏他的發展較慢，結果常因怕失敗而不敢嘗試，少做少錯，唔做唔錯．若如你所說，”但他們要求小朋友較獨立, 對做功課的要求都幾高, 吾可以求求其其, 線劃得不直, 字寫得不好, 都會用红筆批攺, 如果, 遲到, 忘記交功課, 欠帶手帕等都會在手册上蓋印. ”，我又怕我仔仔的自信心會被嚴重地打擊，結果連學習的動力也失去．唉！真難決定．

Rank: 3 Rank: 3


	261

138^#

發表於 03-10-30 01:19 |只看該作者

Re: 培正幼稚園家長-----請進

dmom,

請收pm.

:wave: :wave:

Rank: 2


	55

139^#

發表於 03-11-20 11:26 |只看該作者

Re: 培正幼稚園家長-----請進

很久沒上來, 仔仔病了, 不知為何一到十一二月他就常病.
我覺得仔仔的班主任很好人, 就算他偶然犯錯都不會很惡的對他, 會給予機會. 但我就覺得家長與老師的溝通的確少了點, 因為仔仔是坐校車, 很少機會見到老師, 又怕打電話會阻礙她, 所以就較少知到仔仔在校的情況.
至於課程, 我就覺得是很合小朋友的程度, 寫字的進度亦不會太快, 不過如果與其他幼稚園比可能是較慢.
我仔仔都返得好開心, 他以前返幼兒園是很不開心的.

Teach us to number our days aright, that we may gain a heart of wisdom. Psalm 90:12

Rank: 5 Rank: 5


	3301

140^#

發表於 03-11-26 01:35 |只看該作者

Re: 培正幼稚園家長-----請進

HiHi，各培正家長：

又是輪到我來發吓言了，哈哈．．如果唔係呢個topic又會"dun"到好後咯∼∼∼

眨吓眼阿仔已經返了三個月學了，從佢最近表現嚟睇，佢真係好似大個咗，唔知係學校真係教到佢好多禮儀定係所有細路到得三歲多四歲都會變得成熟ｄ嘅呢？

由上星期開始有ｄ功課，不過每日都係一至兩版，當真不多，但聽有ｄ培正小學家長話小朋友去到P2左右ｄ功課量會真係好唔同，多好多，佢囡囡都有困難去適應，係點多法呢？一日有五六樣個種定係點？

唯一我依家最頭痛嘅係孝彥仲係對任何人都好”熱情”，有時太熱情會演變成別人眼中的”滋擾”

我響佢身邊時都有常常勸止，以免佢有時就係太過份，嚇怕身邊的同學仔，好在好多家長都好好人，唔會怪孝彥，唉．．．真真唔好意思．．

最近我又因為搬咗屋，日日執嘢執到傻不特止，仲要”山長水遠”由荔枝角先坐一程車去美孚先可以等到架校巴．．．唉．．呢種日子唔知幾時先可以捱完！

仲要求神拜佛唔好落雨，唔係我就死俾佢睇咯．．．

禽日我都見到我地就隔離個屋苑都有一個同級的小女孩一齊等車去美孚轉校巴，其實我都知我地個度應該會亦一定會有小朋友響培正讀，所以我都唔明點解要下個學年先可以review行車路線，老實講，若果唔係因為考到培正係一個難能可貴嘅機會，我點都唔想放棄，我一早就唔讀喇．．有乜理由要個人去就架校巴至得架．． :-x

我依家甚至有ｄ後悔點解要搬去荔枝角喇．．．

　早知係咁．．我搬去培正隔離好過．．．

話時話．．響美孚真係有好多培正學生架．．淨係我阿仔已經有三個同班同學喇．．．

另外：唔知係咪培正ｄ家長唔係好上呢個網嘅呢．．還是多只做CD-ROM (read only)？我其實都好想好似其他幼稚園ｄ媽咪咁有多ｄ分享嘅機會，我對Caseman所講”家長與老師的溝通的確少了點”都有ｄ同感，搭校車時又因來去匆匆，都冇乜機會同其他家長講好耐，所以希望可以在此有機會同各家長間亙相了解一下，不過我希望學校遲ｄ會多ｄ機會比我地認識一下喇同等我地認識學校多ｄ喇．．．話哂大家第日ｄ仔仔女女好有機會一齊讀足十幾年書架嘛∼∼∼

我見最近又係新一年嘅報幼稚園時間喇．．．見各家長都為自己子女盡心盡力，我又諗番起我地上年都行過同一條路喇．．過多一兩年，我又要為我細仔再做多次 same exercise 咯！！

我有報名做家長義工架，希望我都可以為學校出一分力啦．．

Caseman:

祝你仔仔快ｄ好返呀！．．返學真係好好玩架．．

彥彥媽咪發言完畢，多謝收看

‹ 上一主題|下一主題 ›

1 ... 2 3 4 5 678 9 10 11 ... 42 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢