撰學校真係好講小朋友合唔合適
我個仔小1,2係舊校,問佢開唔開心,佢又話開心, 但係問佢有咩開心, 佢又答唔出,有無最FD既同學,又話無,但係日日要同佢趕功課, 好多功課, 下下要人迫,我唔係屋企仲講大話話做晒功課,破壞左關係,小朋友點都鐘意人錫,哥兩年真係好累
小三同佢轉左去第二區既小學, 個個都睇升中排名, 咁啱哥區未到人口高峰潮,又因為宗教關係,所以好少人簡, 可以插班, 我好感恩無簡錯, 老師有愛心,功課量適中, 尤其剛入學最班主任同科主任主動聯絡我問番阿仔之前係點,唔知係唔係首兩年WORKLOAD太大, 佢既學習動機變得好低, 加上專注力唔高, 老師話仲有今年可以比佢培養番學習動機, 而家每日係學校功課班完成晒功課,一落車就好開心同我講做晒功課,放學有時間玩,做番個正常啲既小朋友,阿仔鐘意科學,仲多左時間睇相關書自學,而家自學啲原子,電子,我都唔知係咩既野,都係今年多左時間睇圖書學番黎, 數學本身好無乜興趣,又因為學校推行閱讀, 新年既TOPIC係數學,對數學有興趣左, 自己學分數 (我唔知分數幾年級學)
親子關係好左好多,大家無咁大壓力
舊校唔係唔好, 只係阿仔唔適合, 佢對住強大功課量反而退縮,可能因為無乜成功感,一邊做一邊拖,晚晚做到成8,9點,無課外活動可言,其實好兩難,有適當壓力係好,但係永遠係中游的一批,永遠好似比人睇唔到,望唔見, 但自己又唔係唔努力,變得無自信,負面,低學習動機,曾經巔到以為自己個仔有問題帶出去CHECK, 最後結果唔係有病,CHECK左番黎智商高,只係學習動機低,專注力偏低
過來人覺得,要揾一間真係適合自己小朋友既學校,一間讓小朋友有興趣學習既學校,真係要多了解,不能只看數據 |
發表於 16-3-10 21:20
