有關兒子由14歲打機荒廢學業至今的變化

洋蔥頭媽咪

Jessy 發表於 23-8-29 22:55
謝謝樓主分享，我家也有一個只打機不讀書的青少年，我都要慢慢爬下你個舊po參考下

...

水能戴舟亦能覆舟，我經常説，打機並非洪水猛獸，懂得操控亦會有其好處。我兩個仔都有打機，但我深信，教懂孩子自控往往比父母監控來得更有效，所以家長引導同支持係非常重要。


有段時期我大仔亦曾經試過迷失，幸好佢除了打機，還會上網吸收不同資訊，亦因此令佢對電腦產生濃厚興趣，最終揾到啱自己行嘅路。


「子女好與壞，在乎溝通與關懷」，加油  

天外之人

洋蔥頭媽咪 發表於 23-8-29 23:28
水能戴舟亦能覆舟，我經常説，打機並非洪水猛獸，懂得操控亦會有其好處。我兩個仔都有打機，但我深信，教 ...

對呀,我老公都講打機唔係唔好,都係一種學習工具,可以訓練腦筋及手靈活性和反應力,所以我都冇抗拒孩子去玩(我都玩埋一份).

stanleypyk

Jessy 發表於 23-8-29 22:55
謝謝樓主分享，我家也有一個只打機不讀書的青少年，我都要慢慢爬下你個舊po參考下

...

其實有些家長說過子女小學前已有套好的教導方法, 我可能受我那輩影響, 覺得子女是自動波, 不用教也不會學壞, 但現今社會風氣不同, 所以到了初中才出現我的情況, 要加上好多心機去探討如何糾正, 希望我的經歷能給你一個寫照, 也可多看坊間如何教導子女的書籍看從中有沒有得著, 共勉之。

stanleypyk

洋蔥頭媽咪 發表於 23-8-29 23:28
水能戴舟亦能覆舟，我經常説，打機並非洪水猛獸，懂得操控亦會有其好處。我兩個仔都有打機，但我深信，教 ...

你大仔打機外還會吸收網上其他的資訊,  相對減低他對打機的依賴性, 這方面的改變是他自發性, 令他容易回歸正途得多, 所以除了父母用錯了方法去教導是原因外, 子女的性格和啫好取向也有一定的影響, 不能歸咎於那一方。

stanleypyk

天外之人 發表於 23-8-30 10:44
對呀,我老公都講打機唔係唔好,都係一種學習工具,可以訓練腦筋及手靈活性和反應力,所以我都冇抗拒孩子去玩( ...

打機不是壞事, 如你所說訓練腦筋及手眼協調, 尤其老人家打機可防止老人痴呆, 只是在求學階段只顧打機荒廢學業才是問題

Jessy

stanleypyk 發表於 23-8-30 16:53
其實有些家長說過子女小學前已有套好的教導方法, 我可能受我那輩影響, 覺得子女是自動波, 不用教也不會學壞 ...

我呢個仔一向都需要督促和監管，佢唔係自動波嘅人。

本來大家都傾好晒點用電子產品亦有遵守，不過因為疫情打玻咗個規矩。疫情期間太依賴電子工具學習，佢又常話要做網上功課要check email要用ipad，咁個ipad就無晒時間限制咁成日都響佢手上，易放難收從來都係金石良言。

我仲有一個細幾年的小朋友，疫情期間完全無影響成績亦完全無沉迷電子產品，呢個真係煩少好多。

stanleypyk

Jessy 發表於 23-8-30 21:54
我呢個仔一向都需要督促和監管，佢唔係自動波嘅人。

本來大家都傾好晒點用電子產品亦有遵守，不過因為疫 ...

所以同一套教法在不同的子女結果也不盡相同, 所以教而不善不一定歸咎於家長, 也好睇子女的性格和相處的同學, 好多時朋輩的影響也好重要, 但子女未必肯同父母講校中情況, 父母也沒法防範。

天外之人

stanleypyk 發表於 23-8-30 17:08
打機不是壞事, 如你所說訓練腦筋及手眼協調, 尤其老人家打機可防止老人痴呆, 只是在求學階段只顧打機荒廢學 ...

所以我咪話早期家庭教育引導從小朋友出世就已經開始.真係覺得生養教陪咁簡單?難度係逐步昇級. 同埋千萬唔可以講話教而不善唔關家長事,小朋友怎麼樣性格同相處,好睇家長點樣教出來,所以點解好多人講中學就管不了,因為有自我主見既思想,若家庭教育做唔好,自然就容易受到其他所謂既朋輩而影響,父母能做好這點,孩子肯定一天發生什麼好與不好既事都會同你講,甚至乎考試唔合格都主動講你知,因為孩子心中肯定知道父母一定係支持佢相信佢下次會考得更好.可以從小學做到咁樣,你所指既問題,基本上去到中學都唔會發生.
(PS: 我孩子都高中了,還都有玩電玩,更常看youtube實時既皇者比賽.但都很主動會溫下書,因我相信佢,自然唔阻止佢做每件事)

stanleypyk

天外之人 發表於 23-8-31 10:43
所以我咪話早期家庭教育引導從小朋友出世就已經開始.真係覺得生養教陪咁簡單?難度係逐步昇級. 同埋千萬唔 ...

那在教育子女前, 家長也應去學習如何教育子女, 如果將教育家長也納入政府的資助計劃, 在生育前學習合格,, 那全世界的子女都不會令父母激心了。現在父母很多用上一輩父母教自己的方法教子女, 其次就是向其他家長討心得, 又或者看坊間教育子女的書籍, 又或者看討論區大家議論, 五花八門, 有時家長都唔知從何入手, 理論就多多, 實踐是另一會事, 教得子女好有一部份是子女肯配合你, 未必係自己教得叻, 如果不是這樣, 為什麼有些子女不用教都無問題呢？所以責任很難講死是那一方負責。

天外之人

stanleypyk 發表於 23-8-31 11:06
那在教育子女前, 家長也應去學習如何教育子女, 如果將教育家長也納入政府的資助計劃, 在生育前學習合格,,  ...

所以這就是最難地方,好多野都有連帶關係,要呢樣野好就一定要有其他野配合,有其他野配合又要有另一樣野配合沒完沒了,所以唔會有最完美既事, 就算有什麼資助計劃,生育學習緊緊合格或狀元成績,是否一樣會教得好?肯定唔會的.所以就出現好多你所指既方法五花八門去了解.  
-

其實有多野都要撫心自問父母自己先,例如捨得放棄工作及自由嗎?剩係呢兩樣已經要好大決心.有一點我係唔相信,子女不用教都無問題係無可能的(所指這點應該從出世開始慢慢教得好引導得好有關,越大就越唔需要教),

stanleypyk

天外之人 發表於 23-8-31 12:13
所以這就是最難地方,好多野都有連帶關係,要呢樣野好就一定要有其他野配合,有其他野配合又要有另一樣野配合 ...

我便是你所說無可能的人, 母親文盲, 父親終日為生活奔波, 所以很多都是自己自學, 基本父母無為我操心。

天外之人

stanleypyk 發表於 23-8-31 12:29
我便是你所說無可能的人, 母親文盲, 父親終日為生活奔波, 所以很多都是自己自學, 基本父母無為我操心。 ...

年代不同,誘惑都少好多. 你的典範就是好多現今貧困人仕最想去做,知識去改變命運. 既然母親係文盲(唔知有沒有出外做事),自然就更多時間照顧你陪伴你成長,這就是你從出世開始教育(這段時間係你不知不覺去吸收),到你真正認知認識後,教育到你自我品行良好,就慢慢自動波自學去做,(我的想法)

我不算文盲,都有小學根底,中文文法更比有知識既人批得一文不值歪理連篇,先生主力為家中生活奔波,小孩無補習都可以學得咁好,衹係我們無阻礙孩子自然發展,令佢從小喜歡學習就足夠.

stanleypyk

天外之人 發表於 23-8-31 12:13
所以這就是最難地方,好多野都有連帶關係,要呢樣野好就一定要有其他野配合,有其他野配合又要有另一樣野配合 ...

deleted

stanleypyk

天外之人 發表於 23-8-31 14:23
年代不同,誘惑都少好多. 你的典範就是好多現今貧困人仕最想去做,知識去改變命運. 既然母親係文盲( ...

宏觀身邊朋友, 大多能教出乖巧的子女, 大多是母親犧牲不工作, 在子女幼兒時已在家中從旁管教, 但現今社會, 公一份婆一份, 加上女性大多不願在家湊仔, 寧願在外賺取工作收入再顧用傭工打理家務和照顧子女, 就算工餘和假期的相處也不足夠, 當然有家長加倍努力在空閒的時間去好好教導子女也有成功的例子。這可能是我那一代和這一代人生活方式不同之處, 加上電玩比我以前的好玩刺激數十倍, 相信沒什麼子女在終日沒家長陪伴下逃出這誘惑。就算不多時間陪伴, 如果子女的性格能聽教聽話還好, 但當自身一些性格或語言表達上的缺憾時, 情況便會變得更差, 加上在學校遇到一些叛逆和成續不好的同學交往, 朋輩的影響更加深遠。所以你們說是父母問題, 除非所有做母親也留在家中照顧子女由小成長, 可能社會上便不會出現這麼多沉迷打機荒廢學業的青年。

Jessy

stanleypyk 發表於 23-9-1 07:19
宏觀身邊朋友, 大多能教出乖巧的子女, 大多是母親犧牲不工作, 在子女幼兒時已在家中從旁管教, 但現今社會,  ...

我明白你喎，每個小朋友都唔同性格，如果天生唔鐘意讀書，真係好難教到佢/感化到佢鐘意讀，可以鼓勵到少少或提升到小小已經不錯。三歲定八十，我信7成係天生，3成靠父母/後天朋輩影響。

我有兩個完全唔同性格的小朋友，所以我好睇到佢兩個的分別。

stanleypyk

Jessy 發表於 23-9-2 00:34
我明白你喎，每個小朋友都唔同性格，如果天生唔鐘意讀書，真係好難教到佢/感化到佢鐘意讀，可以鼓勵到少少 ...

所以自小兒於他14歲同意開始開帖後, 從中分享成長的經歷, 一些家長明白是雙方的問題,也有些家長說是家長的問題, 至於責任家長和子女各佔多少, 根本是無從估計, 如果全部問題是歸咎於家長, 不在子女, 這又公平嗎? 是否可一概而論呢?

天外之人

stanleypyk 發表於 23-9-2 06:48
所以自小兒於他14歲同意開始開帖後, 從中分享成長的經歷, 一些家長明白是雙方的問題,也有些家長說是家長的 ...

所指既雙方問題都要睇先出問題是那一方做成,好難會知道責任會是在那一方,但身為父母,為了自己孩子,唔係壞處永遠都係作出退讓既一步,這大部份都係天性,冇得講話公唔公平.  退一步海闊天空呢句說話唔係咁隨便做到,係要深思熟慮才會去做.

天外之人

stanleypyk 發表於 23-9-1 07:19
宏觀身邊朋友, 大多能教出乖巧的子女, 大多是母親犧牲不工作, 在子女幼兒時已在家中從旁管教, 但現今社會,  ...

所以好多野都係相對論,教得好唔好,每樣野都有連帶關係做成,都有很多因素,父母或為兩餐,或為自己既生活方式,或為自由等等....... 提及電玩比以前更吸引,這點無容置疑,所以小學階段更唔好阻礙比小朋友玩既機會,小學知識唔係好深,這階段比孩子玩多啲輕鬆多啲,衹要令孩子唔抗拒學習,到中學階段知識深咗,自然玩既時間會減少. 自己既孩子,永遠都係最聽父母說話,除非父母做既野令佢地討厭,自然越大越唔聽講,加上有自己思想決定,到中學階段便是出現太多管不了情況發生.
唔係話賴晒父母問題,但教孩子好與壞,父母係脫不了關係,所以生小朋友既"生養教陪"四步驟,開始最易難度慢慢加大,行得唔好難度仲要幾倍放大, 所以你點解講以前小朋友會定性啲,大部份都係父母其中一人在家照顧孩子陪伴成長,絕唔會經第三者照顧成長. 亦都因此可真正睇到小朋友能力在那裡,讀書材料還是其他方面專才, 我就唔相信天生呢樣野,每個小朋友出世正常大部份都係一樣冇知識,反而我覺得係母親懷胎十月做得好唔好就真,   好像我國內朋友,都好像部份家長掛心孩子學業,成日都限制佢玩,我們一家回去都會找他們去玩,都開導朋友強逼冇好結果,所以小學都比佢玩耍中成長,成績一舨但基礎好,中學慢慢少玩到專注學業,最後都修成正果去年入到醫科大學.

貧窮既家庭冇辦法,所以儘量想孩子讀好書去改變命運,但能成功太小數了,家庭教育因素之一,學校教育問題又係因素之一,加上高昂衣食住行問題,所以這個社會教育太失衡了.

mch411

以前都有睇過樓主d帖,
day trade 如果泊到碼頭, 幫人洗黑錢收入係唔錯,
泊唔到碼頭果d好多越碌越大周身債

stanleypyk

天外之人 發表於 23-9-4 11:51
所以好多野都係相對論,教得好唔好,每樣野都有連帶關係做成,都有很多因素,父母或為兩餐,或為自己既生活方式, ...

認同大部份觀點, 但以下這論調:"所以小學階段更唔好阻礙比小朋友玩既機會,小學知識唔係好深,這階段比孩子玩多啲輕鬆多啲,衹要令孩子唔抗拒學習,到中學階段知識深咗,自然玩既時間會減少."
在現今社會有幾多家庭做到任佢玩, 尤其是開始接觸online遊戲, 很多時是中間不能停那款, 因為退出會失去很多獎賞, 和在電玩中勝出的成就感大於學習, 是否父母的一番理論便可令子女取得平衡呢?