【明報專訊】仁愛堂田家炳 炒作弊教師 答案寫黑板學生照抄

CHUCHU

麟媽媽 寫道:
我琴日先同老公講，
原來對面間小學咁勁9 成以上達標！
我老公仲存疑，只因好多名校都頭痛緊，
直屬小學85%達標都未必肯定做到喎？
咁我仲話咁勁咪仲勁過「喇叭」？！  
原來作假！呢個校長真係離晒譜！！ :evil:

作弊都作得高明d呀麻,不過都冇計,班老師都係唔夠醒,醒就一早報警,唔駛比人非禮啦.睇怕d老師細時都係好學生,唔識出貓,唉!而家先嚟衰咗!!! 間學校d學生真慘,今年小六果d仲慘,唔知d中學會點睇佢地. :cry:  :cry:

小咩咩

仁愛堂田家炳小學在區內具有一定知名度，該校在2004年的TSA成績超標，中、英、數3科均有超過9成學生達標，達「999」成績，為將軍澳之冠。該校曾標榜「零操練」學生，更拒買任何坊間補充練習，指坊間的補充練習無用，只會浪費學生時間及打擊學習興趣，無助提升學生基本能力。

唔掛得知話零操練都有3條9啦!!
嘩咁升中報分唔知有無假呢!
無眼睇!!!    

safarimama

Just like this case..... 教統局 promote的 "校内评分".....how to control d 校長 & 老師 没有 集 體 作 弊 ar???

yeeli

佢d學生家長都要出嚟發表一下,最怕小學生成長會否受到影響.

701003

:tongue:  :tongue:

gracechung

我同大家講，傳統名校有傳統名校的價值，其他果d所謂地區名校     
但呢d野唔怪得人，要家長撫心自問喇，我以前服務果間學校，考試就絕對冇作假，但為左取悅大部份家長，日常功課愈減愈少，壓力愈減愈低，咁成績就梗係愈來愈差啦。校長為左大部份學生的成績著想，唔止一次在會上 教師試題出得深！唉！

傳統名校有自己的立場，唔就家長，唔洗迎合市場，反而可以維持水準。
講真，非專業點可以領導專業？我咁講唔係話主張黑箱作業，而係在某程度上外行人真係唔可以左右內行人。   

gracechung

咪係，要公平就要統一的公開試啦！

safarimama 寫道:
Just like this case..... 教統局 promote的 "校内评分".....how to control d 校長 & 老師 没有 集 體 作 弊 ar???

macylovemama

仁愛堂田家炳 炒作弊教師
答案寫黑板學生照抄
2007年2月10日

【明報專訊】將軍澳仁愛堂田家炳小學憑「全港性系統評估」成績優異，被譽為「狀元學校」，卻被揭發於系統評估中集體作弊，有教師串謀公然於黑板上寫出答案，供學生照抄，學校2006年度評估成績遭取消變成零分，作弊教師已遭校方「炒魷」，另一涉案教師則被警告。教育統籌局對教師作弊感痛心，亦有校長直斥作弊教師「誤人子弟」。

繼校長被14名教師指控非禮後，將軍澳仁愛堂田家炳小學再爆作弊醜聞，家長嘩然，更有學生家長考慮替學生轉校。考試及評核局公布2006年共3所學校於「評估」中作弊，經教統局調查後發現，只有將軍澳仁愛堂田家炳小學屬嚴重集體作弊，其餘兩所屬個別學生作弊，已向學校發出警告信。

錯處相同穿煲 評估「食蛋」

據悉，該校於2006年度「評估」小六級英文科作弊，有教師於黑板上寫上答案，供學生抄寫，涉及10多名學生答案相同。考評局發現，該校學生於艱深的問題表現出色，但錯處亦全部相同。

據悉，校董會對作弊事件完成調查，認為事件違反教師操守，負責「評估」的教師之一英文科主任馬世棠已遭解僱，另一教師則被警告。調查結果亦指，未有證據顯示作弊事件與校長有關。校董會期望，校長涉嫌非禮案及作弊事件盡快完結，減少對學校傷害。

校內教師監考有漏洞

教育統籌局官員再三強調，絕對不會姑息及容忍作弊，是次已向校監發出警告及要求作出校內調查。該官員稱，考評局有一套詳盡監考指引，但有人刻意作弊，制度再完善亦難以杜絕。他說﹕「道德比分數重要得多，事件令人感痛心。」

津貼小學議會主席蔡楷俊直斥教師作弊行為不當，但「年年有作弊事件，教統局及考評局責無旁貸」。他指，事件已揭發漏洞，例如由校內教師監考更是製造「危機」。資助小學校長會主席張志鴻認為，各種作弊行為不可取，更對學生構成壞榜樣。

立法會議員張文光直言，作弊教師的欺騙、作假行為令人難以置信，教育界有一宗都太離譜。他認為，該教師遭解僱的懲罰已足夠，期望他明白已犯嚴重錯誤、汲取教訓。

教統局於2004年逐步於小三、小六及中三推行「全港性系統評估」，包括中、英、數三科，測試學校及學生的表現。

NeoMom

睇黎唔係剩係個校長有問題

familychan

而家d老師變到咁架~~~~~

pigpigapple

Parents who selected 田家炳小學 in 2nd round lucky draw. Can they change now ?         

T.con

cheungjen 寫道:
絕對同意Grace
因為我囝囝間學校正是出現這問題,考試成績可以取得好高分,可是試卷的程度就每況愈下,簡直唔駛溫書都能應付自如,校長自然高興,可以提高Band 1 生的數目,但程度極低,真是名符其實的高分超級低能.

最可悲的是,很多家長自以為自己小朋友的成績好掂!還沾沾自喜,當日後升上中學時便見低.

我自己則惟有補足"雞精",不會與其他"正常學校"脫節,希望升中能順利過度.

校長們 請您們拿出良心來辦學,孩子們不是您們扶搖直上的犧牲品.

Hi, cheungjen

你就是......莫非大家都是同是天涯淪落人？怎樣作育英才，教育下一代這麽偉大和神性的工作者，現在變成自私的市井之徒，良心不再提，就連責任也沒有，世風日下，不知所謂！怪不得有些人寧原養狗好過生小孩。

youma

That's a good point.

我也認為如果教統局無足夠資源去進行獨立監察每間中小學的校內試, 就不應依賴任何校內評核作評分, 以免對學生造成不公平.  

safarimama 寫道:
Just like this case..... 教統局 promote的 "校内评分".....how to control d 校長 & 老師 没有 集 體 作 弊 ar???

T.con

NeoMom 寫道:
睇黎唔係剩係個校長有問題

正所謂 "上樑不正，下樑歪！"- 究竟仲有冇有教無類的真老師呢？如果有的話，你們在哪裡？現今社會的小孩子遭央了，希望日後他們唔好有樣學樣就好了，唔好禍延下一代。

冇錯，如果教统局未能監察學校們的操守，又何必唔返回學能測驗的時代呢？

catcatmom

我好唔明, 之前小學既banding係由97至00年 三 年 的 學 能 測 驗 成 績 平 均 分 ， 作 為 各 校 學 生 的 升 中 派 位 參 考 。e+新制係用最後一年學能測驗成績+中一分班試,全港再排過小學既banding.甘就算小三、小六級基本能力評估試, 學生有9成達標,所謂「 999 」壯元小學, 甘係咪就可以有90%band1?甘照計影響唔係甘大喎!點解要出cat?博出位&宣傳only?

T.con

個個都係band1生，中學又用甚麼準則收生呢？莫非又要製造大混亂，你估玩遊戲咩？

macylovemama

引述明報
<該校學生於艱深的問題表現出色，但錯處亦全部相同。>

出貓都要講技術, 果D學生好像影印機般抄答案, 想都不用想.....連學生都同流合污, 明知違例都抄,又不舉報學校,
人格都受污染,最最悲慘是老師都做錯題目,教出來的學生質數真是........