06-07年度升小二的朋友....請進

BLouie

各位
睇到你地d囝囡成績幾好我好善慕,我囝就幣成績勁差,平時係屋企默書次次都100分但辦返嚟及格我已經好開心,考試測驗前2個星期已經開始作戰,係屋企要佢全科全部作業做過完全ok,每日考完問個囝佢話好容易,但辦回來又有2科唔合格其他只係60幾分我睇過卷佢夠時間做但佢真係唔識,你地可唔可以教吓我有咩方法教囝?

LumLum

我女成績就中中等等, 但因為我覺得我已經盡晒力幫佢溫習, 明明屋企溫好晒, 但係就成日錯d唔小心野, 俾老師扣晒d分 真係好鬼激氣, 唯有不停叫佢小心小心小心.....
不過有時都要睇吓個細路仔性格, 我女由細到大都係論論盡盡, 粗心大意, 行過枱邊都一定會撞跌枱面d野落地, 人地用書用半個學期都OK, 我女就用幾個星期已經殘晒

貓大姐

我個女今年讀小一, 係細女 (12月出世), 我一直都有心理準備要佢留班, 因為佢做野好慢, 而今年的學習能力都好弱

星期一 班主任 打電話問我, 會唔會考慮比佢留班, 學校的評語係 --- 個學生唔係唔識, 只係做得慢, 做唔晒份卷, 默書又寫唔晒, 所以成日唔合格.... 最大問題係, 上堂唔專心, 考試唔似考試, 老師覺得佢 完全唔知自己已經讀小一, 成日坐唔定

昨晚同老公分析左, 老公話, 比亞女試升啦, 或者暑假 操下亞女D 做野專心D

我要考慮的 : 1. 這間學校, 每位學生 只可留一次班, 如果一年班留左, 三年班就唔可以再留...... (當然唔想佢成日留啦)

2. 如果高年班 先 留班, 會唔會影響佢 心靈、學習情緒....

3. 佢係因為專注力不足, 如果留班, 對佢幫助大唔大呢??

Kanix

Hi!
我個仔考試成績都唔好,我剛問了同校車 P.2的學長借了學校的工作紙及考試卷,準備整理好於暑假同佢預習同比佢做,希望有用啦!我想,多做的卷會好D掛!
我個仔讀聖馬太,你有沒有興趣?不過要等我整理好先得!
或者我們可以交換(當然等你們有卷的時候喇!):

[quote]
BLouie 寫道:
各位
睇到你地d囝囡成績幾好我好善慕,我囝就幣成績勁差,平時係屋企默書次次都100分但辦返

HY412

回想起去年九月返新生家長班時, 學校講解有關教學課程內容及方法, 以便家長能與學校配合一起教育子女. 當講到學校如果進行默書, 原來老師總數會讀三次 : 1/ 先將需要默書內容讀一次  2/ 正式讀出默書內容 ( 老師講明讀默之速度 ) 3/ 重新由頭讀一遍.

因為已知道學校進行默書時的情況, 在家便用同樣方法進行預默, 出來效果便會好理想.

BLouie 寫道:
各位
睇到你地d囝囡成績幾好我好善慕,我囝就幣成績勁差,平時係屋企默書次次都100分但辦返嚟及格我已經好開心,考試測驗前2個星期已經開始作戰,係屋企要佢全科全部作業做過完全ok,每日考完問個囝佢話好容易,但辦回來又有2科唔合格其他只係60幾分我睇過卷佢夠時間做但佢真係唔識,你地可唔可以教吓我有咩方法教囝?

faxfax

真係咁快又一年
未升小一, 擔心搵學校, 又驚功課深
小一過左關, 又驚小二d 課程唔會再係咁淺
咁小三又要評估
小四又要 ready 小五計分......
長憂九十九......
    

BLouie

Kanix
可試吓我囝讀培基(火炭)但考試唔會派卷回家

HY412
你教架方法我試過冇用,老師讀默但我係屋企已經要揪課文生字默然後再叫佢背默

貓大姐
我囡0509出世(依家9個半月),需然學校冇叫個仔留班但你現在所考慮架問題同我唸法一樣

MMMi

我個仔都係12月出世, 我地d煩惱都一樣. 小一選校時真係好煩, 唔敢幫佢報名校, 是關知佢專注力差, 上堂唔留心. 最後幫佢報讀一間新直資小學.  佢地推行活動教學; 功課, 黙書及考試冇壓力, 佢現在讀得好開心. 其實最開心好似係我, 唔洗為功課溫習同佢開戰, 我想大家關係keep好d, 同希望佢有一個開心童年

WaiMummy

我個仔升P.2了，話咁快就讀完一年了。總括這一年的生活都是在忙碌碌中渡過。

我個仔都係9月尾嘅細仔，但老師話佢專注力足，但做嘢晤夠細心，常常＂需＂大意。

希望下學年個仔會醒啲，繼續努力，晤使我咁担心就好了。

  

toffeeli

回顧這一年，一個六歲的人仔從適應一個新環境，至學習照料自己及應付每日學習的進度，實在不容易!

單看他所付出的努力，在我心中已有一個十分滿意的成績表。對於學校的成績表，我會覺得是給我的，評價我這一年來是否能給與小朋友適當的引導，及小朋友和學校的教學方法是否磨合得來。

來年，我祈盼小兒經過小一的適應期，能更享受校園生活!

TINGMUM

我個囡都係12月出世, 完全唔似升小二, 有時個k1細老仲識諗過佢.  bb得不得了.  做功課又慢又唔集中精神. 我勞氣又傷神.  有得玩就最精神.佢和5歲到的小朋友好夾. 就算成績跟得上, 行為思唯自理還是偏差. 有時亦想幫佢留班. 好鬼矛盾.

jaja

小女今年升小二, 佢成績都幾好, 全級第六名, 可能小一進度慢啦, 但小二唔知會唔會難D呢, 好似上學期同下學期既進度都唔同, 今年重新普通話上中文科都唔知佢得唔得...有時都會有D心理唔平衡, 本來佢成績唔錯應該放鬆D, 但又怕唔谷佢會落番黎喎, 真係頭痛呀.

Martin媽咪

jaja 寫道:
小女今年升小二, 佢成績都幾好, 全級第六名, 可能小一進度慢啦, 但小二唔知會唔會難D呢, 好似上學期同下學期既進度都唔同, 今年重新普通話上中文科都唔知佢得唔得...有時都會有D心理唔平衡, 本來佢成績唔錯應該放鬆D, 但又怕唔谷佢會落番黎喎, 真係頭痛呀.

jaja,
你囡囡好好成績呀, 全級第六, 我個個係囝囝12月出生, 細囝, 跟得非常辛苦, 成績上學期中下, 下學期好些, 跟回中等, 希望升p.2好些  

Martin媽咪

各位有升小二的朋友...請進
      

AmyWonglo

Martin媽咪,

我個女都要改粗心大意的惡習呀! 請問書名是什麽? 等我揾來睇下.  Thanks.

Martin媽咪 寫道:

今晚去打書釘, 睇左本大陸書教點樣處理孩子粗心大意.  佢話呢個"症"唔可以一朝改到.  唯有係由家長搵出佢粗心既地方 (即係佢地粗心既pattern, eg. 我仔通常o係fullstop後冇大草), 然後次次提佢一去到o個個位就停一停, 閉目諗一諗, 等佢地慣左要pay attention既位, 慢慢會改到.

唔知係咪可行, 不過試下無妨.

JIA

小兒亦非常享受小一的校園生活, 但平時還不能獨立完成功課, 做功課時亦慢吞吞. :cry:

TINGMUM

你地小朋友假期讀緊邊d中英文小說?