help ----------數學極差, 有得救嗎?

jojoplanet

1234554321 發表於 14-4-3 13:17
- 解釋又解釋............都是白費
- 解釋 ok  ........一陣子在做................什麼都忘記了....... ...

我個仔都係嚇死人..個時小一學減數例如文字題: 我有8粒糖弟弟有12粒弟弟比找多幾多粒, 開頭佢會寫8-12, 咁我成日同佢講唔係跟題目先後, 一定係大數減細數. 咁佢就寫12-8啦..但佢會計到16, R晒頭呀....跟住教極都唔明咁...直至有一日我發覺佢係用咗下面個8減上面既2..我問佢做乜咁計..佢話因為你話大數減細數..原來佢誤會咗到咗小二第一次考試返來成績都未出我己知唔掂, 文字題唔想解題, 我即同佢報數研, 第一次考試6x..第二次有8x...其實佢地主要都係要做多d...我個仔學校既數唔多功課操得少..而家數研日日做好好多.

jojoplanet

MrBeast 發表於 14-4-3 17:03
Of course 大細B有分別，只是有些家長硬要話冇。之前我個phonics blending 教極都唔識，放底幾個月乜都冇做 ...

佢地之前可能講極都唔明. 但到某個moment突然"叮"就會明晒..好得意既..

skkeung

原帖由 jojoplanet 於 14-04-04 發表
佢地之前可能講極都唔明. 但到某個moment突然"叮"就會明晒..好得意既..

同我囡有同一經驗！

jojoplanet

little_yolky 發表於 14-4-3 15:30
同我個女一樣, 畫公仔就明, 但改為十位數以上就唔識。乜咁淺既嘢大B細B有分別咩? 唔好安慰我喎。 ...

話你知...你可能唔教佢唔好理佢..過咗EASTER再做佢會突然識...我大仔係11月細B好多時係咁..或者係佢唔醒,或者係佢係細B..唔係安慰自己..佢唔明你點迫佢都係唔明..

IvyPluto

我有次去亞仔學校聽講坐, 佢地的數學科主任解釋完, 讓我明白到小朋友需要點樣學數學.

她說一般學前的小朋友未發展邏輯思維, 所以他們的數學概念發展在數字的意義, 即是1代表什麼, 數數, 順序和倒序, 雙數和單數的分別.  

到小朋友升上小一, 老師便學始教他們合十的概念, 意思是以10 為單位的運算法, 1-10 的各各種不同組合 e.g. 2+8 = 10; 8+2= 10; 10-2 =8; 10-8=2; 而且要脫離用手指/物件和畫圖等形象化計算, 要成為認知如自然反射. 這便是小朋友數學思維的第一步.

跟著之後運算, 雙位數, 三位數, 加減數便是在這個基礎上一路發展出來.  她說如果小朋友數學唔好, 好可能是合十的概念未穩, 跟著一路學上去, 數學概念便追唔上.  我想大家可以看看小朋友是否合十概念未攪好, 然後再幫他們.

芝士BB

原帖由 IvyPluto 於 14-04-04 發表
我有次去亞仔學校聽講坐, 佢地的數學科主任解釋完, 讓我明白到小朋友需要點樣學數學.

她說一般學前的小朋 ...

好同意呀，我個囝K1時帶佢上math 興趣班，佢由0開始學數字概念，之後就學10以內的組合，直到最後閉上眼都知道10以內的組合後，再去學其他加減運算就事倍功倍。所以熟悉合十法是基本功。

cstchan

birdbird522 發表於 14-4-3 15:02
比如，5比3多幾多？佢畫圖就會明係5減3，但同樣地67比23多幾多，佢就唔識做，如果要畫圖，咪暈低，因為學校 ...

對小朋友來說，單位數、雙位數、三位數、四位數都是不一樣的事，所以學校才會逐樣逐樣教。
單位數當然可以畫圖，雙位數有困難，可用LEGO，有些一粒粒，有些十粒一行，便方便湊數和比較。有些孩子見到實物﹝對小孩來說，在紙上的圖畫不是實物﹞會較易理解。

沒有一個方法合適所有小朋友，如果這個解釋不行，便要換另一解釋，或表達手法。


孩子能理解，較容易舉一反三。但如果孩子不能理解，暫時先記著一些方法，多練習，至少會做常規題，到有天可能會突然「叮」一聲開竅。反正生活中我們不能明白所有事物的原理，但會運用也是一種本領。

IvyPluto

回覆 cstchan 的帖子

其實重點是要小朋友從實物數數進而到數學理念.  我個女今年K3, 自從聽完個講座, 我地行街搭車便玩數學遊戲, 她玩在已可以心算兩位加數了.

sycheung8

其實每個人都會有某科差少少, 某一科又叻少少, 無乜話大b或細b, 如果唔係個個攞高分都係大b啦

我仔1217出世, 係細b, P1時英文攞過全級第一, 現在P2英文就退步咗, 只有80幾分, 但數學返而有進步....有95分, 所以我就覺得好睇當時各科所教及小朋友有無興趣, 當然如果你係幼稚園時用大/細B來區分就一定有分別

cstchan

IvyPluto 發表於 14-4-4 15:15
回覆 cstchan 的帖子

其實重點是要小朋友從實物數數進而到數學理念.  我個女今年K3, 自從聽完個講座, 我地 ...

對！無論是由處理實物到處理數字、從數字到代數、從實物到平面上的空間處理，都是重要，也是學習數學的必要過程。只是每個人的過渡時間都不一樣，有人早，有人遲。在未能過渡時，便需要繼續幫忙。
樓主的小朋友可以處理單位數，但不能以同樣方法處理雙位數，即小朋友未能確實理解多少的意義，所以要繼續加強，在加強的時候，不能一直只處理單位數，要不繼變化，才能肯定小朋友最後能掌握。這也是小學生要逐步學習至五位數的原因。

肥V

原帖由 PandaTam123 於 14-04-03 發表
有本學本數學應用題幾好, 每part 都有圖例解釋, 亞女之前都成日攪亂邊個比邊個多/邊個比邊個少既應用題, 做 ...

可否pm書名給我嗎，謝謝!

PandaTam123

我買這本

14-4-7 16:06 上傳

下載附件 (69.15 KB)

carchu12

出版社發光，請問是否學林出版﹖

carchu12

我囡都係，現在p1，剛教錢幣，仲c，都一樣嘔血。
我囡數底差，所以復活節要多做以前做個既數。
順數、倒數、快數......
總之佢唔c我c

little_yolky

MrBeast 發表於 14-4-3 17:03
Of course 大細B有分別，只是有些家長硬要話冇。之前我個phonics blending 教極都唔識，放底幾個月乜都冇做 ...

咁即係話佢英文又差(又係唔識phonics), 數學又差, 體育得C, 跳芭蕾舞人哋成team人啱拍子得佢一個伸腳慢咗半拍......等等, 全部都係因為係11月底細B既關係?????

咁唔通妹妹聰明, 話頭醒尾, 又係因為2月大B既關係喎。咁以後都唔好生細B了。