小一學術成績好差。

py84ko

我小朋友的小學唔係一間谷的學校，功課亦唔算多，唔計改正，平均每日4-5樣功課，每年4次考試，沒有測驗，4次考試裡的中文，英文主科未試過合格（3x 分），數學及常識上學期也keep到合格，有7x 及8x 分，但下學期4月考試時，連數學都唔合格，中文都唔合格但進步咗有51分。之前一直只有補英文，到下學期一月及四月也開始補中文及數學，6月啱啱考完試，中文只比上次多幾分，英文……唉！數學及常識仲未派，除了找補習老師幫忙，我都唔知再做D乜去幫佢，雖然話讀書不是求分數，但身為家長的我，見到小一成績咁樣，都唔知佢點樣繼續讀上去，因為仲有5年小學及6年中學。大家有乜意見？

karen55407

原帖由 py84ko 於 16-06-14 發表
我小朋友的小學唔係一間谷的學校，功課亦唔算多，唔計改正，平均每日4-5樣功課，每年4次考試，沒有測驗，4 ...

首先了解吓小朋友是否有學習障礙，如沒有，最好就是親自跟返小朋友小一整個課程，要改善到合格並非難事，出外補高階課程是無意思的，應該係針對返自己學校課程內容。

conniecheung

買補充練習比佢做，見唔識即刻教，睇下邊樣弱，專攻果樣！
我細女 都係小一，中文開學都偏差（60幾分），做完練習，發覺原來佢閱讀理解差，就日日做兩篇閱讀理解練習，下學期兩次測考都有改善（80幾分）！
數，常一樣，攻弱項做（執返穩定分數80幾分）！
英文，暫時未搞得掂，每次都係剛剛合格，我唔接受，仲搵緊方法幫佢！

Yanamami

平曰功課做成点，明唔明？識唔識？功夫要平曰做，唔好等考完試派卷先做。考試点錯法？做唔切份卷？錯漏百出？漏做？唔識？

conniecheung

平日做功課，見佢唔識 ..要即刻教識佢！
唔教 只會愈積愈多...考試先補救就趕唔切！
如果你有時間，最好自己跟...
補習我覺得 第一時間有限，第二或者跟唔足！

aptcan

小朋友係咪專科專補，功課係咪你自己跟返，做父母一定唔可能懶，最少也要跟功課，起碼知佢係學校或補習明唔明嗎！

py84ko

原帖由 karen55407 於 16-06-14 發表
首先了解吓小朋友是否有學習障礙，如沒有，最好就是親自跟返小朋友小一整個課程，要改善到合格並非難事，出 ...

我小朋友K3 做過評估，没有學障的！

py84ko

原帖由 Yanamami 於 16-06-14 發表
平曰功課做成点，明唔明？識唔識？功夫要平曰做，唔好等考完試派卷先做。考試点錯法？做唔切份卷？錯漏百出 ...

平時D功課，大部份數學及常識自己做哂，但我唔會check佢有冇錯，英文就一時時，中文通常唔識做，我自己有跟佢功課的。

py84ko

原帖由 aptcan 於 16-06-14 發表
小朋友係咪專科專補，功課係咪你自己跟返，做父母一定唔可能懶，最少也要跟功課，起碼知佢係學校或補習明唔 ...

佢啲功課我自己有跟哂，不過我冇check佢啲功課有冇做錯。

karen55407

py84ko 發表於 16-6-14 21:08
平時D功課，大部份數學及常識自己做哂，但我唔會check佢有冇錯，英文就一時時，中文通常唔識做，我自己有跟 ...

成績咁差, 你都唔對佢功課, 唔對都算, 咁佢做錯要改正係要教返佢, 其實第一次考試成績唔好就要正視

MrBeast

py84ko 發表於 16-6-14 21:04
我小朋友K3 做過評估，没有學障的！

咁assume你有察覺到一些學習上困難先會去做評估，是在cac做的嗎？e生有否建議什麼follow up?

Jane1983

無學障的話，針對問題，善用暑假，日日執d，追番中上吾係吾可能的事。

Yanamami

禁佢派番卷番黎点錯法？講黎听下睇下因乜事禁低分？考試你点同佢温書？有無發現乜问題？
幼稚園讀happy school? 有無閱讀习慣？你有無伴讀呢？

egg.plant

原帖由 py84ko 於 16-06-14 發表
佢啲功課我自己有跟哂，不過我冇check佢啲功課有冇做錯。

我仔小五，放學後有去功課班，有老師check功課，但我都會check多次，我要知道佢d功課錯左邊度，邊d弱，要跟貼。咁你平時只check佢有無做齊但唔check佢有無錯，只是make sure佢無欠交，咁又點知佢邊d弱，邊d要加強練習呢？

py84ko

原帖由 karen55407 於 16-06-14 發表
成績咁差, 你都唔對佢功課, 唔對都算, 咁佢做錯要改正係要教返佢, 其實第一次考試成績唔好就要正視
...

如果佢有做錯，老師派回時會即時纠正教佢並即刻改正的。

py84ko

原帖由 MrBeast 於 16-06-14 發表
咁assume你有察覺到一些學習上困難先會去做評估，是在cac做的嗎？e生有否建議什麼follow up?
...

其實之前懷疑佢專注力不足才去CAC做評估，但结果話佢冇明顯專注力不足，亦有學習障疑的特徵，只是有言語障礙，主力是發音唔準，所以我預計佢中文比較弱。現在中文雖然仍然唔合格，但起碼進步了。

holaespana0802

回覆 py84ko 的帖子

唔好咁擔心！同小朋友傾吓！睇下係咪上堂時唔明老師講的課題. 平時補英文嘅老師有沒有對小朋友作出D評語？有沒有學習問題?如果英文補習老師同小朋友唔"甲”，可以試吓D敎育中心試下多D小朋友上堂有冇好D！

py84ko

原帖由 Yanamami 於 16-06-14 發表
本帖最後由 Yanamami 於 16-6-14 22:29 編輯

禁佢派番卷番黎点錯法？講黎听下睇下因乜事禁低分？考試你 ...

試卷派回來，中文科主要寫錯字多，有得抄也抄錯，全部衰哂閱讀理解。而英文佢完全唔明題目問乜嘢，另外全份卷有5篇 Comphrension, 好多答案是撞的。至於數學，佢計數冇問題，全是理解文字題弱。

Barbe

幼稚園是不是happy school? 是不是程度跟不上？