測驗考試

SSL

各位家長,

我囝囝現在讀二年級,佢中文,中造,英文同常識都試過做唔晒啲試卷,呢啲情況普唔普遍呢?又有冇方法可以改善呢?

beywat496

做唔晒極之普遍, 做漏一頁極之普遍, 這種情況係德田李兆強係極之普通, 不過唔洗擔心, 佢地啲卷特別深, 特別長, 特別多頁, 做了幾年家長, 我都見怪不怪。

常識要小二小朋友全句自己答。 往年很多人都不夠時間。
中文甲部又咁大篇, 往年都是有些人不夠時間做。


改善方法, 中文多操, 多做, 學習答題技巧。
常識, 要求小朋友自己寫答案出來, 不設 MC, 不設是非題。

原帖由 SSL 於 10-10-26 18:28 發表
各位家長,

我囝囝現在讀二年級,佢中文,中造,英文同常識都試過做唔晒啲試卷,呢啲情況普唔普遍呢?又有冇方法可以改善呢?

susanfss

邊到有咁多時間加操,每日都咁多功課,做完又要温默書.

SSL

beywat496,

唔該晒，咁我都冇咁擔心。因為我個仔平時做功課呀等等都好慢，真係要問個究竟先知佢慢成點。 一年級的時候，都有同佢勁操，諗住小二一開波放鬆少少，睇嚟都唔可以嘞。佢依家成日做功課做到8點，成3個幾鐘，都好難同佢操添。

另外，今日睇佢張數學工作紙，都有一條題目係全句用中文答喎。答案是"買兩個X共需付款62元，YY只得50元，所以他不能夠購買兩個X。"真係似考中文多啲。

susanfss

我個小朋友都係P.2,大家今次測驗測成點呀,聽講話中文整體都唔係咁好,因有好多同學做唔哂,重有英文Dict竟然默Ｄ範圍以外嘅,有Ｄ家長打电話去学校投訴,大家點睇呀!

SSL

中文未派，所以唔知成績，但係我個仔唔係第一次做唔晒，所以比較唔到。
另外，英默佢又幾好喎，有91分,重要係果9分係大意寫多左3個字先扣分。我見到份巻淨係掛住睇佢錯咩，冇留意內容嘞。不過我記得佢錯果句係"The children are waiting for the bus to the zoo. 我諗好似佢地平時中默咁，會用一啲佢地學左既字，組成一啲課外既句子嚟默。以默書嚟講，我覺得OK喎，咁樣小朋友真係會知道怎樣寫句子呀，或者點樣活用學過的生字。不過，可能學校要註明會有機會這樣出題，免得小朋友被她殺個措手不及囉。
其實數學科都係一樣，列明考試範圍，但係又出番啲舊嘢，但係又無可厚非，數學的課程係一路扣住上去，讀過就應該會識或者要識，先可以再學同一範疇而較深的層面。
其實我諗學校係將目標放喺高年級時的成績上。即係以分數嚟講, 一二年級時就可能會低啲，但係小朋友中英數的基礎就會打得好啲。但就算真係好似我咁推測，學校都要加強同家長這方面的溝通，例如比啲數據或者交代吓以住學生於低年級時的表現等。等我地唔使咁"盲頭烏蠅"囉!

原帖由 susanfss 於 29-10-2010 19:39 發表
我個小朋友都係P.2,大家今次測驗測成點呀,聽講話中文整體都唔係咁好,因有好多同學做唔哂,重有英文Dict竟然默Ｄ範圍以外嘅,有Ｄ家長打电話去学校投訴,大家點睇呀! ...

JoeyJoey

原帖由 susanfss 於 10-10-29 19:39 發表
我個小朋友都係P.2,大家今次測驗測成點呀,聽講話中文整體都唔係咁好,因有好多同學做唔哂,重有英文Dict竟然默Ｄ範圍以外嘅,有Ｄ家長打电話去学校投訴,大家點睇呀! ...

小女今年都係p2 , 中/英dict各有96/97分.
至於你地提及既英文dict 範圍以外既野....其實平時都有個喎(中文都係)  即使真係範圍以外既野..我覺得都係一d好簡單既字姐..都唔算係d咩深既野...

SSL

今日派中文巻，總共三頁紙，我個仔慢到有本事第二頁完全冇做過，睇見真係激死，好彩僅僅61分合格。

susanfss

其實中文卷真係幾深,三個閱讀理觧佔咗40%分,好彩我小朋友做唔哂都緊緊有8字頭,中文dict就100,但中文卷一樣有人九十幾分,真勁!

SSL

你仔仔的成績就是我給仔仔定的目標，希望佢中文讀本有8字頭都收貨嘞，數學同英文就會定得高啲。我仔仔中默都有100分，不過唔知你有冇留意，今年中英文默書於總成績的比率減低了，而中作和英文讀本的比率則增加了，所以靠默書搶分就難啲嘞。

原帖由 susanfss 於 2-11-2010 11:09 發表
其實中文卷真係幾深,三個閱讀理觧佔咗40%分,好彩我小朋友做唔哂都緊緊有8字頭,中文dict就100,但中文卷一樣有人九十幾分,真勁!

beywat496

我一直都不明白點解咁多家長成日同小朋友溫默書, 我認識好多家長, 每天都是溫定下個星期的默書, 她們忽略了讀本操練。

相反, 我自己就不幫囡囡溫默書, 我只係狂操閱讀理解 comprehension, 而家發覺 中文作文都好重要。

以前見過一位家長, 佢每次考試測驗, 都會叫個仔揀題目答, 揀佔分多的題目, 例如中文主打做 甲部, 佔分多 60%, 但係我就相反, 主打叫囡囡先答乙部, 因為乙部攞分容易, 甲部可能花很多時間都會答錯無分, 而且難預時間去做。

年年中文 listening 都很多人失分, 但因佔分比率低, 大家不必擔心。

至於抽時間做練習, 就要取捨, 放棄部份課外活動或消閒活動。倘有一個月就考試啦, 大家把握時間, 魚與熊掌, 你自已因應小朋友來衡量吧。

不必太擔心, LSK 的卷是特別深, 有基顯全級第二名家長同我講, 佢係補習社做 LSK 卷都只係得 8X 分, 尤以中文, 一般攞到 8X 分已好好啦。

原帖由 SSL 於 10-11-2 13:33 發表
你仔仔的成績就是我給仔仔定的目標，希望佢中文讀本有8字頭都收貨嘞，數學同英文就會定得高啲。我仔仔中默都有100分，不過唔知你有冇留意，今年中英文默書於總成績的比率減低了，而中作和英文讀本的比率則增加了，所以靠默書搶分 ...

a_mum2009

hi

我想問中文閱讀理解/重組句子你買邊個出版社? 我見坊間果d 都好似比學校出題目還淺, 我仔做時就無咩問題, 一測驗考試就錯好多, 3題重組句子/排句, 可以全錯

原帖由 beywat496 於 10-11-4 00:23 發表
我一直都不明白點解咁多家長成日同小朋友溫默書, 我認識好多家長, 每天都是溫定下個星期的默書, 她們忽略了讀本操練。

相反, 我自己就不幫囡囡溫默書, 我只係狂操閱讀理解 comprehension, 而家發覺 中文作文都好重 ...

beywat496

我會買深一級的 TSA閱讀理解/重組句子/重組段落。
即二年級買 三年級。 如果想操練習, 唔深的唔好買。

英文 comprehension 我全用 Singpaore 或 外國出版的, 好有趣味, 不沉悶, 學到很多詞彙。大眾有售, 但要買淺一兩級。
數學 : 樂思  高思維 或 其他奧數等
中文有很多出版社都有深的, 或買深一級, 你們自己衡量。
樂思的重組句子/標號等 很淺, 唔好買。

LSK 的 閱讀理解真的很深, 今次五年級的測驗, 聽聞都有多人不合格, 好彩只佔 20%, 該位家長話深到佢都唔識答。

大家努力吧, 一個月後又考試, 中文卷最考實力, 要做五份卷, 分四日考。

原帖由 a_mum2009 於 10-11-4 11:53 發表
hi

我想問中文閱讀理解/重組句子你買邊個出版社? 我見坊間果d 都好似比學校出題目還淺, 我仔做時就無咩問題, 一測驗考試就錯好多, 3題重組句子/排句, 可以全錯mouth:" />   ...

susanfss

我都係買P.2下學期同P.3上學期嘅中文閱讀理解,英文就買啱程度嘅,但平時好少做,主力係測考前.

a_mum2009

THANKS A LOT!!!

我一直都係採取寬鬆政策, 但成績真係每況越下

呢個星期我要我仔開始做習作, 唔可以臨急抱佛腳

原帖由 beywat496 於 10-11-4 12:25 發表
我會買深一級的 TSA閱讀理解/重組句子/重組段落。
即二年級買 三年級。 如果想操練習, 唔深的唔好買。

英文 comprehension 我全用 Singpaore 或 外國出版的, 好有趣味, 不沉悶, 學到很多詞彙。大眾有售, 但要買淺一 ...

SSL

我都係，諗住一年級追得咁辛苦，叫做有啲成績。二年級剛開始，唔想迫得佢同埋自己咁緊，但係原來係唔得既。

原帖由 a_mum2009 於 4-11-2010 15:19 發表
THANKS A LOT!!!

我一直都係採取寬鬆政策, 但成績真係每況越下

呢個星期我要我仔開始做習作, 唔可以臨急抱佛腳

a_mum2009

我仔p4 la, 出年要呈分, 所以唔可以再懶散

原帖由 SSL 於 10-11-5 07:53 發表
我都係，諗住一年級追得咁辛苦，叫做有啲成績。二年級剛開始，唔想迫得佢同埋自己咁緊，但係原來係唔得既。

馬騮仔

我女英數有9x分..但中文就...

以前成日操佢英數..忽略中文的後果

小蝦媽媽

beywat你好,

我囡囡讀緊小一, 她的中文閱讀理解較弱, 可以介紹哪些補充練習給我嗎？

原帖由 beywat496 於 10-11-4 12:25 發表
我會買深一級的 TSA閱讀理解/重組句子/重組段落。
即二年級買 三年級。 如果想操練習, 唔深的唔好買。

英文 comprehension 我全用 Singpaore 或 外國出版的, 好有趣味, 不沉悶, 學到很多詞彙。大眾有售, 但要買淺一 ...

beywat496

我個人覺得 【樂思】同【課室】都唔錯, 買 2010 版最貼近測考。

兩間出版社都有很多版本, 花多眼亂, 通常我會揭開答案頁, 看出版社如何解題。 我會選擇有類似自學手冊, 即除答案以外, 會詳細講解箇中技巧。

另外, 我會選擇有趣味的閱讀文章理解,  近期我買了 長河出版 的 趣味閱讀理解, 2002 出版, 其實d 問題都 out, 但係勝在 22篇文章都幾得意, 短短地, 遇到我唔識讀的生字, 它又有在旁註解提點。

不過, 閱讀理解不是一朝一夕, 要花時間陪讀累積, 我校的測考卷特別深, 我也面對這個問題。

最近我還對比英文 worksheet, 去年一樣的 worksheet 同今年的相比, 已面相全非, 去年英文閱讀理解題 有 MC 四選一, 而家無得揀, 全部要 complete or short answer.

最近有條數仲精彩,

Question :
A 大過 B 1930, 大過 C 3868,
B + C = 4139
問 A = ?

我識計, 但要分四層續一列式解比小三囡囡, 心唸, 佢自己又點識解呢 ?

先求 : BC 差
再求  B
求 C
最後就可以 求 A

最近有條英文 :
How long does Year End Sales last for ?
以前去年是 MC 題, 而家要自己全答, 好易答錯。
last (漏s)   last (漏for)   

which day   which date
小朋友好易攪亂。

唉 !!! 我遲些都要搵人幫我自己補習初小中英數, 我先可以教到個囡, 一年比一年深。

我會唸, 即使學校附近補習社, 佢地都唔可以拿著去年的工作紙直接對答案, 莫說無 MC題, 連題目次序都全不同, 有兄姊的家長都要由頭閱讀過才可答題。

原帖由 小蝦媽媽 於 10-11-10 19:22 發表
beywat你好,

我囡囡讀緊小一, 她的中文閱讀理解較弱, 可以介紹哪些補充練習給我嗎？

[ 本帖最後由 beywat496 於 10-11-11 10:07 編輯 ]