給在考慮KLN民生的家長

bubuG

樓主講緊幼稚園，不是小學中學。幼稚園咋喎！

csr

一d都晤似基督教學校，民生實在太差勁了!

winghong1305

那如果沒有其他好選擇，你還會選民生嗎？

pandafood

我係相信樓主發生嘅事係真。因為我正正面對緊，雖然不是民生，係非名校嘅基督教幼兒園。好似就算我配合左學校，加啲課程比小朋友改善，佢地都仍然未夠，講緊係前後由投訴至加課程，去到見家長，個幾兩個月。 我想話其實真係要比時間我小朋友改善。唔係唔肯做呀。

chapter

唔sure咁對民生係咪好處...

民生既吸引力係民小. 入其它小學既數據好似無公佈, 所以應該唔駛同其它幼稚園咁要整靚盤數?

民幼唔係一條龍, 係要依據K2成績/表現比民小選擇五成到八成(幼稚園比小學多位), 所以k2係咪都要"交數". 唔逹標既學生應該巳經係呢個過程攞走?

如果k1升k2就有"硬性升班指標", 多咗既admin work得返黎既好處我唸只係可以多少量既k2新生以1-2學期成績/表現比民小多dd選擇.

我相信樓主只係巳佢所知幫助有需要既人, 我亦信老師有比家長"壓力"去catch-up (除非係happy school). 不過唔好話係第三者, 就算當時人什至我自己都唔確定當聽到自己小朋友lag behind既心情下理解/複述老師既含意上無偏差...

有冇可能老師話既"交數"係指k2交數升民小?因為k2尾老師應該要比心理準家長去全力報其他小學, 井k3頭參加派位?

letea

好同意香港教育已經變質。有教無類，係香港早已不再，否則小一入學考試不會出現咁深的題目，而小學亦唔會禁止小朋友在小息時跑步玩樂。

學的方針好視乎校長、校董會而定，民生曾經係我認為最有爰心、最懂為小朋友着想的學校。至於教學質素，真係樹大有枯枝，任何好的學校都有不好的教師，反之亦然。

我都相信"交數"係指K2學期尾時老師要選出什麼學生可以直上民小，什麼不能，希望樓主朋友不要太灰心，因為還有時間追，年小的小朋友成長之快你難以想像，打好基礎讀無論如何都係好事。

努力

tantanmama

民生擺明車馬要精益求精, 小朋友追不上, 老師預警好正常啫. K1仲有一半, 追唔到先升唔到K2啫, 有心追仲有半年時間去追, 唔一定追唔到的. 其實喺K1上學期, 家長完全冇留意過小朋友跟唔跟到? 如小朋友一直努力追趕都仲未達標, 揾過另一間更適合的學校未嘗唔係一件好事.
有教無類? 這完全不是民幼家長選此校的考慮因素吧.  

Aprilbaby

原帖由 tantanmama 於 14-02-04 發表
民生擺明車馬要精益求精, 小朋友追不上, 老師預警好正常啫. K1仲有一半, 追唔到先升唔到K2啫, 有心追仲有半 ...

完全同意！唔系得罪講句，有教無類只可能在有學券or津校發生，因為佢地收左正苦錢，無得揀。如果有得揀，我相信佢地唔會咁揀。否則，点解咁多學校跳船，除了課程可自主外，連收生都可自主嘛，好似ms同pc一樣。倒轉諗諗，如果要ms有教無類收埋雙非，大家又点睇？

DCMaMe

我本人是今年K1民幼家長，從無聽聞過K1要小朋友退學。我亦有不小朋友小孩在民小及民幼就讀，慶幸亦未聽聞及發生過這事。放假前剛見完老師，老師都是很正面及鼓勵的，亦知有細B家長擔心小孩情況，老師反過來安慰家長放心，交給她們。

其實真的有不小幼稚園會有勸退學生的情況，反而民幼就未見過，因在升小時已有機制去評估，家長亦有3年的時間去了解清楚學校，是否合適自己的小孩，要勸退其實真的不需要急於一時。

我估樓主朋友的老師或者是講緊K2評估上民小，因民幼比民小人多，有小部分小孩未必上到民小，以我所知近呢三年K3上民小，300位小朋友大約有10零位無得上。明年可能會多一些因今年K2有360人，不過今年K1及以後的就回復以前得300人。

fishmaruko

無端端單方面發出這負面意見的人，好大可是與該學校有過節的人，不一定是學生或家長，富中亦可能有水分

jane__411

小中子 發表於 14-1-30 09:35
本人的朋友, 親口同我講以下民生的真人真事, 信不信由你
但我在此分享, 係因我覺得咁既幼稚園太差勁.
利益 ...

都唔明有乜問題，現今的社會就是汰弱留強，小朋友追唔上，事實上讀一些程度較淺的學校比較適合，只是老師用詞不夠婉轉，令家長難受。係唔係明日之星都未必關讀書事，讀到博士都未必識做生意，何必死要留起名校做地底泥，而唔幫小朋友搵一間適合自己的學校。呢個case好明顯唔係民生差，而係小朋友程度唔夠。。。P.S.我唔係民生家長

herman0114

若樓主說的是事實，「放棄」是否學校唯一嘅政策去對待一D所謂追唔上嘅學生?

其實係咪可以包容呢D學生，例如增加D資源去扶助吓呢D學生?

chapter

好奇一問...
查實呢到有冇媽媽身邊真係有比任何幼稚園踢走(唔係學校話跟唔上之後自己走)既例子？

大家都講到好common, 但我真係未見過因"學業成績"冇得K3畢業...

fishmaruko

原帖由 herman0114 於 14-02-04 發表
若樓主說的是事實，「放棄」是否學校唯一嘅政策去對待一D所謂追唔上嘅學生?

其實係咪可以包容呢D學生，例 ...

點解你說是事實？

easyview

佢話如果係事實呀

cloudwingwing

原帖由 wonderland07 於 14-01-30 發表
小學係好想見。 但k1 上k2 都要踢人出校就太過份

贊同，幼稚園遮，洗唔洗要迫走學生。你話小學中學勸退都唔算過份，因為小朋友讀得辛苦，又影響自信心，不如搵間無咁大壓力的學校仲好。

chapter

回覆 herman0114 的帖子

我諗"恐嚇"家長巳經係佢地最有效既"方法"..
我地講緊既係幼稚園, 唔係小學. 評估既項目係自理能力, 大小肌肉, 表達/語言能力, 數學概念等大多數非操項目.
除左"叫"d家長多d同小朋友一齊做多家務, 玩多d, 讀多d故事, 傾多d之外, 係學校每節十零廿分鐘補底幫到都好有限.

其實個人覺得話名校可以教到小朋友好好學術能力真係過譽了. 家長既"貢獻"可能更大.
名校又好, 村校又好...真係可以比到小朋友既可能只係秩序感, 群體相處, 語言環境, 學習興趣同好奇心, 基本常識等.
可以做好呢幾方面巳經好好...


當然, 名校係小一面試可能既影響同龍校保障係另一回事...

conniew117

救世軍都有要求K1 REPEAT或轉校, 程度不達, 學校有這樣的要求也不合理嗎?

DCMaMe

回覆 chapter 的帖子

我自己聽過的有以下例子1. 傳統大校名幼，大多人用'谷形容的。有小朋友K2成績老師話唔夠好，直接同家長講佢小孩不適合佢地間學校，叫佢揾其他學校。
2. 亦係傳統大校名幼，好多人so call dream school. 朋友小孩K1已講，我們學校係要好成績的學生，如果跟唔上，要自己諗下辦法。另外有K2老師同家長講，我們學校係出來考名校的，如男女拔，St. Paul 咁，你小朋友d咁的成績，唔得wor. 其小孩是中上成績，之後老師叫最好去補下啦！
3. 普通保良局學卷邨校，小朋友被要求repeat K1. Repeat 果年老師都覺得唔得，叫佢退學。

以上都是在該些學校的家長朋友跟我說的。但由於不是我自己小朋友就讀的學校，我並沒有打算開名，更加不會開post 講人家的不是。因我個人覺得，這對自己對人家都是不好的，亦冇需要評論人家的學校，因我們不是第一身，是什麼情景，什麼真正原因都不太清楚。所以覺得這樣説了人家幼稚園不是又如何呢！

chahcoi

消費者心態，俾左錢唔該你好好entertain我！我唔滿意就complain！
顧客永遠是對的