超級差的德貞幼稚園

alicet1001

我女兒係德貞幼稚園過左一個不開心的幼稚園生活！
因為要洗乾淨手洗得慢而被老師罰無得食茶點！仲罰過兩次！老師仲同我講呀家長唔好再拗喇！(我係了解唔係拗！)

一個畢業禮，一班上高乙學生表演，老師竟然揀走6個小朋友無得表演，其中一個係我女兒！

一心想去睇自己既女兒表演，點知上高乙班出場找唔到自己既女兒，心情當然唔開心！

之後問過女兒點解無份，出人意表的答案！ <老師話我跳得叻所以唔使上台表演，我係全部叻，老師話其他同學只係大部份叻，所以要一直綵排到上台表演！話揀我出黎有其它野俾我做！>

呢個咩世界？幾時開始叻就唔使上台表演架？！呢d咩歪理？！

今日我走去學校向老師了解，老師話個個表演係要排成十字架咁，所以人數要控制先揀走有幾個，我又問揀走個幾個係用咩準則？！呢個時候一個陳主任走埋黎插咀問有咩可以幫到我，叫走左個老師！我再問同一個問題，佢就話跳舞老師咁安排我地唔清楚，我話咁找跳舞老師問下，佢耍我話佢係杭洲，問唔到！又話已經安排有佢唱畢業歌上台表演，我話全體畢業生都係台上啦！佢又大我話唔係架，有d跳舞無得唱畢業歌架，你自己數下，我地有258個畢業生！

到最重要既point！點解會同我女兒講因為佢跳得叻就唔使上台？！呢句係上高乙既莊老師同女兒講既！我話你地嚴重錯誤誤導小朋友既價值觀同態度！影響到女兒以後都覺得做得叻就唔使上台表演，唔叻就會上台！我問點解你地唔直接同清楚解釋因為排位十字架既安排呢？點解又完全無係呢件事上同家長去溝通過呢？我地完全唔知情！呀陳主任答老師點同小朋友講我唔知道，呢度我幫唔到你！我話咁找上高乙莊老師同我講清楚囉！佢又話呀家長而家係上緊堂，幫唔到你！我想我無野再幫到你喇！跟住一路行開！我話咁我找教育局幫我囉！主任再答一句，好呀，咁你找啦！然後極速地走左去！之後完全無人再理我趕我走！

我想問，發生咩事？而家d幼稚園無論校長、主任同老師都可以咁無禮貌同咁不負責任！

十級差，試問小朋友係呢間咁既學校成長會變成咩人？！會開心咩？！

JoJo

版主按: 討論內容已偏離主題, 現將主題關閉, 請會員勿作出人身攻擊的言詞. 違規者會收警告牌, 敬請注意!

另如發現用戶開分身已達個人目的, 管理員查核後會將該會員及分身一起封戶.

相關澄清帖子
http://www.edu-kingdom.com/forum.php?mod=viewthread&tid=2840823&extra=page%3D2

cherrytam2468

rockystone

回覆 Vickyblah 的帖子

蘋果係有興趣挖掘樓主嘅背景，題目可能係「超級xx家長：女兒冇得做公主，阿媽借此做名人！」

rockystone

今年德貞嘅特刋網上版剛剛出咗，樓主都有投稿，對德貞老師、主任和校工都稱讚有加！事隔兩個月，樓主好似變咗另一個人！需要我哋post出來比公眾睇下嗎？
另外，跟本就沒有什麼六個小朋友無得表現之事，每個環節都不是全班表現，有些小朋友會抽調去表現其他嘢，所有畢業小朋友都有上台，只是表現多少，係唔係主角完全由外面請的跳舞老師選嘅。
大家一早收到通告都知自己小朋友表現乜嘢。畢業禮完咗，樓主先出來嘈，簡直是無理取鬧！
我也是看不過眼才出聲！我小朋友在德貞讀，我也有做家長義工，我接觸嘅德貞非常好！

kelly0204

cherrytam2468

sukichanyukyan

原帖由 AmberC 於 14-07-01 發表
好多新國民撐學校, 有可疑.

客觀分析有什麼可疑？在此聲明本人兒子龍細B屬港島東，對樓主和該校並不了解，只覺學校真係差到咁應該第一時間轉校無謂小朋友受罪3年，等到畢業就話要唱衰人地，這樣是否更可疑？要指責別人係需要有證據才有公信力，如果其余6位家長同樣對學校安排不滿，集體投訴，咁我會信學校安排不當啦！

cherrytam2468

你係0民房？都係新國民？
我女上年畢業，一直都讀得好開心，今年升小2，都仲有返幼稚園既童軍活動。今年，輪到細佬入學，我都仲好放心讀呢間學校！

AmberC

好多新國民撐學校, 有可疑.

sukichanyukyan

各位撐樓主之前是否應該客觀分析：
1.咁差的學校竟然可以忍辱負重3年到畢業先發聲，勁！
2.學校差到咁，咁多無愛心、耐性的老師理應有更多家長一早發聲投訴。
3.樓主有人證、物證支持事件可信力嗎？
4.樓主應該搵埋其余6位無得表演的家長一齊唱衰學校，團結就是力量嘛！咁就唔係片面之詞啦

JoJo

溫馨提示:

會員如在文章中發表任何言論而被告誹謗，一切後果教育王國恕不負責，並保留刪除有關文章之權利，如教育王國因會員言論而需負上民事責任，將保留向會員作出追究之權利。

文責自負，所有留言，不代表親子王國立場。

QABABY

咁多新國民既

kelly0204

唔該樓主分析下先啦

Vickyblah

原帖由 Jeanwaikam 於 14-06-18 發表
向學校投訴是沒有用，放上蘋果動新聞，一定出曬名，大把記者每日追住校長及老師訪問，睇下佢地點答。 ...

贊成！！！蘋果應該都肯報導哩啲新聞，不過就要做好轉校的打算。

kelly0204

我今年讀緊k1,仲做學校義工。我每日接小朋友放學，老師見到小朋友有咩問題都會主動同家長講。我小朋友有時返屋企講我今日曳俾老師罰，我就跟小朋友問佢原因，之後講返老師做得啱。有獎有罰小朋友先會做得更加好。
我每次做義工，都見老師會提學生，今日熱喎，除左件外套先再玩啦。小朋友都好合作自己除，有部分自動自覺除外套去玩。試問樓主，你覺得老師冇愛心，為何依家先黎講呢？為何當初唔轉校？唔好因為冇得跳舞做主角而將件事越鬧越大啦。我覺得學校安排已經唔錯，我唔係好信樓主片面之詞。
你樣樣事跟小朋友出風頭，咁樣害左小朋友，佢地以為父母可以替自己出頭，佢地自己會唔懂得解決問題。收手啦！