班主任見意做資優test

uki

mercury,

除非你响學童保健話佢專注力同社交出現問題,
咁先有機會幫你轉介到"兒童體能及智力評估中心"

如果你話明想check 資優, 佢地唔會幫你轉介架...

uki

dear yklee,

韋氏係單對單做, 至於你所講在學校做, 我諗係非正式,
而且政府做嗰種, 優異=中上, 特優先係資優...

我係問佢地先俾我睇分數,
但交俾我嗰份報告就冇寫明幾多分,
仲有係分開語文組同操作組,
得出一個總分

後來再搵私人做, 因為好想要份報告
但發覺政府做得比較詳細(除咗冇分數)
時間亦好充份...
而且有好多專家同你一齊分析
好彩做完, 亞女冇其他問題
所以先唔駛跟進, 個心先安樂d
雖然咁高分, 但咁又點
香港政府都唔做野, 只好用平常心對之
  

yklee 寫道:
請問有冇小朋友在學校做過教統局資優評估問卷,囡囡小一時曽做過得了大多優異.但囡囡託管姐姐講囡囡抄寫比其他小朋友慢,背書普通,喜歡同年長小朋友玩,做領袖,對自己有要求,對歷史人物有好奇.我不覺囡囡是資優,可否給我意見.謝謝!!

uki

daisychan,

冇錯, 私人做都要兩個鐘
我指ge係其他service, 包括專注力, 視力, 手握力...等等
  

無理由呀，我囡囡在私人做，兩次都成兩個鐘，仲好詳細喎。

uki

colourful,

教育心理學家建議我一年後, 但我兩年後先再做

colourful 寫道:
如果做兩次韋氏相隔少過三年,第二次結果的準確性已大大減低. 因為測試模式和內容小朋友已經試過,專業且有經驗的教育心理學家或其他心理學家應會提醒家長的,或建議過幾年再做.

[quote]
uki 寫道:

... 後來再搵私人做, 因為好想要份報告 ...

[/quote]

uki

睡覺,

其實因為我細女冇情緒問題, 上堂又唔會影響同學, 好乖
但唔多鍾意跟同學玩, 會去搵老師傾計,
只係我個人認為佢做任何事情都慢吞吞, (包括食同玩)

上小一開始做功課要三四個鐘, 小三時要四五個鐘,
但其實功課唔多, 搞到我發癲, 根本冇晒時間做其他野

更惶論學習溫書等, 連其他活動都要cut, 本來佢音樂都好有天份, 游水, 畫畫...等等都要全部cut

你可能認為我好衰,但佢晚晚只係做到最基本ge野(功課)
仲要做到十二點, 有時一兩點

weekend仲離譜, 兩日都係用黎做功課, 所以d活動由遲到, 缺席, 到cut...

响學校作文, 美勞等全部都慢, 要用埋小息同放學時間
作文堂已經有兩堂, 但到打鐘佢只係寫得十零個字...
老師再額外俾時間佢作, 加加埋埋可能要六七個鐘先作完
一篇大約一百個字ge"文章"...

考試仲弊, 唔溫書, 又經常做唔晒份卷, 一版兩版都係白卷,
但佢ge命中率好高, 只要有做ge部份一定有分,
試過有一版數未做, 佔14分, 但佢攞足86分...

我曾經懷疑佢專注力不足, 讀寫障礙, 智障, 自閉....總之....
但老師又話唔係, 話佢只係對自己要求好高好高
因為佢作ge文, 好有point, 而且用詞好豐富
但我好担心, 叫學校轉介, 又話冇必要(叫咗兩三年)

最後我搵到個朋友, 係ed psy, 佢專程黎我屋企睇佢做功課
當時係11:00pm, 佢都未做完功課, 仲有兩樣未做完(嗰日只有五樣功課, 份量適中)於是佢幫我排期去政府做, 大約三星期左右, (亞女當時已經十歲)

去咗五六次, 好全面, 包括我都要做問卷,
有護士, 兒科醫生, 兒童心理學家, 眼科, 職業治療師.....等等
(因為我識佢, 所以佢俾我睇分數)
其他都冇問題, 當時ed psy都認為以佢智力同功課表現唔成正比, 潛能未展, 只好順其自然,

佢有好多野過咗骨就算,
唔會盡力, 甚至覺得返學好無聊, 自己睇書仲好, 啱啱升中一,
d 功課都算應付自如, 做完功課(1-2小時)睇電視, 玩msn, 聽歌, 佢而家完全唔溫書, quiz 全部合格(如果唔合格, 都可以鬧下佢, 但而家都唔知點好):cry:

最近另一個ed psy都話佢係高處未算高, 而且遇強愈強,
可以考慮幫佢轉間再top d學校, 迫佢發揮
但係佢而家ge成績只係中規中矩, 好現實,
再好ge學校點會收佢?   

uki

睡覺,

佢check過唔係讀障, 佢細細個已經睇好多書, 而且睇中文書睇得好快, 快過我, 有時會一邊睇一邊笑, 而家中學要佢地睇多d英文書, 佢成日都袋住本nania, 初時睇得好慢

佢ge表達能力好強, kindergarten時已經知道,
因為日日都要睇報紙, 然後要presentation, 佢當時已經識得加埋自己ge觀點

幽默感, 理解力, 都算唔錯, 老師話响堂上講d野, 好多時淨係佢識笑, 而且俾到反應, 可以交流, 所以好多老師鍾意同佢傾計, 好錫佢, 因為佢唔會好似"舊飯"咁, 呢個情況去到小學ge老師都係咁講

觀察力, 方向感都好強, 只要佢去過ge地方,
或者入去一d轉彎末角ge地方, 出返黎都唔會行錯方向
三四歲好鍾意睇map, 邊架車行邊條路都難唔到佢,
的士dau 路佢都知 (諗返起, 我當時以為佢識係應該ge,
因為大女都係咁, 但大女做野冇咁慢, 而且大女ge潛能已經表現咗出黎.)

我朋友話政府嗰度, 只做到12歲, 如果唔係其他問題就唔會再跟進, 你仔仔情況唔嚴重的話就冇得做,

所以話好無奈, 資源放晒响d 情況嚴重ge 兒童上, 可能做三五七年先有少少成效;
郤不會放在只有小小問題的兒童上, 但li d case可能只做一年半載已經幫到一個有潛能ge小朋友

我都算好彩, 佢幫我做晒所有檢查, 起碼我唔再懷疑細女有問題, 只係將來ge事, 就由自己跟進了, 希望可以改變到少少已經心滿意足 :cry:  :cry:

uki

睡覺..

學校可唔可以跳班, 如果佢覺得悶, 跳班可能係辦法之一,
佢冇咁多時間挑戰老師.

佢對老師無禮, 可能係佢覺得自己叻過老師, 跳咗班
d課程深咗, 或者可以改變佢ge想法...

我幫亞女跟本書做過小測驗, 話就話係七型,
得意時側翼傾向八型
失意時傾向六型
安定時係五型

搞到我都亂晒, 不過都係ge, 人唔會單單只屬某一類ge...

睡覺 寫道:
uki..
        咁，你囡囡都算係咁，只係做事慢左d而已。最緊要係唔好挑戰老師和挑戰父母，唔好成日搞搞震，無幫襯..... :cry:  :cry:  

uki

Daisychan,

Please check PM.


uki.   

uki

睡覺..

幸好你兒有你這樣的mami 體諒佢,
長路漫漫...

我細女已經開始長大, 比較難纒
佢經常批評老師, 投訴同學, 好似冇個順眼咁
唯一慶幸係佢暫時只會同我地講,
唔會响堂上搗蛋, 逆來順受
佢會順著老師ge喜好去做...
但我覺得好可悲, 好無奈 :cry: