名校培育A-Level 狀元優勢是否仍然存在

G-Ma

如果考到外國好既大學, 將來想留係香港工作又得, 去外國工作又得.  如果只係讀香港既大學, 選擇相對會細左.  始終學歷跟自己成世, 有得選擇梗係出外面見識見識, 留多條路比自己.

G-Ma

我自己覺得中學係唔係名校就唔係咁重要, 但大學一定要讀間出名既.  如果係係哈佛大學畢業, 就算你讀band 3 中學都唔憂搵唔到工.

G-Ma

Sindy,

當然唔係話人人都可以, 不過有d小朋友開"hill"比較遲, 可能到F.6-F.7先發力,  一D都唔出奇.  

Sindy 寫道:
band 3中學生,又有幾多個入到哈佛丫......講下就易[quote]
G-Ma 寫道:
我自己覺得中學係唔係名校就唔係咁重要, 但大學一定要讀間出名既.  如果係係哈佛大學畢業, 就算你讀band 3 中學都唔憂搵唔到工.

[/quote]

G-Ma

Msma,

所以如果有能力一定會比小朋友係外國讀大學, 起碼全世界都認識同認可. 呢個世界話唔埋, 今日係到安居樂業, 可能聽日又好似97前咁雞飛狗走, 要移民去第度, 有張外國大學証書就有用得多啦.

Msma 寫道:
G－MA

好同意，做過幾間金融公司，前線及行政工作非外國留學生不請，更甚的係做 ANALYST必定要英國 OXBRIDGE 畢業 否則不見，老世話D英文有保證!

亦做過日本公司，所有MARKETING 必要東大畢業，再留學美國，亦係老世偏好。

名唔名校無所為，但如能切合市場需要就係最好!

全部我係講所見所聞，並唔係睇低香港學生!如令各位不快，先講聲對唔住。
[quote]
G-Ma 寫道:
我自己覺得中學係唔係名校就唔係咁重要, 但大學一定要讀間出名既.  如果係係哈佛大學畢業, 就算你讀band 3 中學都唔憂搵唔到工.

[/quote]

G-Ma

sleeping-beauty,

"反之，不少在公屋長大、在地區學校就讀的學生，靠自己努力在公開試取得好成績，不是更難得嗎? "

同意.  

G-Ma

Annie123,

如果真係讀到哈佛, 到請人既時候就係睇個人表現啦, 中學讀邊間基本上唔係咁重要.

講真, 除左第一份工會睇下你讀邊間中學之外, 跟住既工多數都係睇大學資歷, 經驗, 年資, 同最重要個人表現.

坦白講我自己interview過好多人, 有部份名校生比人既感覺好高傲, 未必會做得長, 或者唔係好捱得. (純粹個人經驗, 亦唔係一支竹打一船人)  

Annie123 寫道:
好難講。
都係番去之前的問題：如果兩個哈佛畢業，一個 band 1 中學，一個 band 1 名校，都係 band 1 名校著數。


[quote]
G-Ma 寫道:
我自己覺得中學係唔係名校就唔係咁重要, 但大學一定要讀間出名既.  如果係係哈佛大學畢業, 就算你讀band 3 中學都唔憂搵唔到工.

[/quote]

G-Ma

Annie123,

我諗你誤會左我既意思, 我係話名大學係重要過名中學.  就算你讀到一間名中學但如果你只係讀一間普通大學, 優勢自然弱左.

G-Ma

Annie123,

正如你說:
"當然，冇可能真的各樣條件甚至表現都相似；況且，求職這件事，根本可以牽涉很多 "人性" 影響，例如通常一天中最後面試的應徵者，可能因為見他的人，已覺得疲倦，而對他的出色表現忽略。"

要"各樣條件甚至表現都相似"基本上可能性好底, 仲要靠讀邊間中學而決定請唔請就更加少見.

就我所見十間大公司, 九間(除左第一份工)都係睇你大學讀邊間, 工作經驗加整體表現.  名中學既影響力可能係咁好彩interveiw你果個係師兄師姐, 會有好小好小既著數既.

不過就算讀普通中學撞到師兄師姐都會有小小著數.

[quote]
Annie123 寫道:
大學當然重要過中學，不過如果兩個人都係名大學畢業，佢讀邊間中學，我覺得都會有影響。

G-Ma

Msma,

你講得好對, 係"名U 畢業", 唔係名中學.  我亦好同意有好多好位係留番比名門後代, 就算佢地唔係名U 畢業,  其他人都係無得爭.

annie123 ,

如果要夾硬做一條公式, "讀名中學=搵工有著數", 我唔係好同意.  除非呢份工只要求中學畢業. 始終中學只係求學過程中一個中段部份, 讀一間有名氣既學校係就讀既時候係有優悅感, 但到考u都係睇成績, 見工更加好少問你中學d野.  有幾何d同事會問你讀邊間中學, 最多都係問你讀邊間u.  所以條公式係 "讀名U=搵工有著數"



[quote]
Msma 寫道:
annie123

好同意，其實好多靚位，靚公司 都已比老細D 世姪(當然係名門後代，名U 畢業) 早早睇實晒架，咁當然佢地都要去見工啦 ，面下試都叫做係大家做得好睇D咁解嘮 !

你見過真正名牌公司D PR 係有幾多係屋村出身？當然凡事有例外，靠實力打併係有的，但初入行就比較少見啦 。