2B1家長得閒入o黎傾

happy5

easiness 寫道:
jackjackma,

問題係老師都無問清楚學生就肯定佢無用心溫習! 佢根本唔知家長同學生用左幾多時間去做準備功夫, 家長見到都唔開心啦! 更何況係學生! 點解老師唔寫啲鼓勵嘅說話!

唉!easiness,我覺得le d係現今華小上了年紀嘅老師嘅通病,你話如果d家長大家唔團結d,點可以互相幫忙吓d仔執漏嫁,點可以指意老師吖!

話說我地倫宗作業第7課咪叫d仔寫d敬愛老師嘅說話嘅,我個仔話:<依家d老師都唔係和藹可親,又唔係上堂生動有趣,又唔係說話動聽......媽咪咁寫比邊個老師呀?>聽完你話心唔心"up"學期先剛開始,d仔已經有咁嘅反應 :cry:

其實,如你班咁嘅情況,中文老師應影印一次格式比d仔攞返屋企,咪已經可以解決問題啦,為何花咁多時間改完又改呢!派完一次格式咪叫d仔實習一次囉,如果d仔仲係唔識就爭唔落啦.

happy5

麟媽媽 寫道:
唉…. 有時我覺得唔係年紀問題，
而係老師既心態問題。
琴晚我先同我自己個老師食飯，
我母校已經從津校轉左做直資，
我老師都快60 歲做人祖母了，
佢都不停要改變來迎合新一代家長，
新一代年青人及新的教育制度。
佢話唔到佢地唔變，直資收左學費，
佢地要不時接觸家長，聽取意見….
而家既家長亦Demanding，比左出黎既要物有所值，
直資學校，有點像做生意，家長是客仔。
呢個老師我很敬愛，雖則當年佢都有點臭檔，
我心有點戚戚然，反而替佢有點….我唔識形容！

反觀其他名津校 (我地幾個學生子女都入呢類學校)，
大家都不約而同地，有我地學校某D 老師的通病，
St. Joseph 不比我地弱，佢地成績壓力仲大到暈！
點解名津校先有呢個情況？直資學校又唔係咁？
係咪要有朝一日轉做直資，老師先會改變呢？
我個老師話新區學校既老師反而好有熱誠，
但推動力源自那裡？大多來自「殺校」壓力！
如果係咁真係好悲哀，呢個就係香港既教育……  

我都認同年紀大不=沒有心機教,只不過我覺得今年遇到的上了年紀的老師比我嘅感覺係咁,家長一想同佢溝通吓就起晒"降".更遑論講改善啦.講到尾,不會變通的老師仍用舊一套教學方法與態度,皆因佢地無危機感,反觀直資及新校的老師拼博得多.唉!都唔知le d 老師幾時醒吓? :evil:

happy5

easiness 寫道:
麟媽媽 & happy5,

我好認同你地嘅講法! 新一代嘅老師對教育有熱誠, 就好似今年阿仔嘅班主任, 同佢傾過幾次, 有問題佢會諗辦法解決, 阿仔默書成績唔理想, 仲會安慰番我! 點解大家都係o係華小教書, 但是教法咁唔同!

我估新舊兩代嘅老師之間都出現了很多矛盾,例如較後生嘅老師出任科主任,要協調前線年資深厚嘅資深老師,都實在幾有難度嫁,再加上若年資深厚嘅資深老師唔同步,受罪嘅只會係d細路.....成日比老師鬧同罰......同埋我覺得只係識le兩招嘅老師,可能classroom management skill都唔係太強,再加上唔係小班教學,所以咪咁混亂囉.

唉,無計啦!惟有家長團結d互通吓消息,或聯署向校長反映之餘,互相消消氣吧!     

happy5

[quote]
jackjackma 寫道:
點解唔印格式比家長知,要個個學生估估

happy5

easiness & jackjackma,

你地班有無什麼行動呀?絕對支持你地為d無辜嘅小朋友出聲,豈碼比學校知道,即使係名校,從來沒人批評老師嘅教育方法,只可能係從前嘅家長啞子食黃蓮,有苦自己知,各位家長又唔團結,又互不相識,並不代表老師們沒有需要改善嘅地方.(只針對沒有盡本份教好同學嘅老師而言).最豈碼老師應該設法教明d學生,有d愛心及耐性對吓佢地,唔好等d細路上完堂卻係一頭冒水及垂頭喪氣返屋企,指意媽媽或補習老師教.若然,學校嘅老師教什麼?個個家長都可負擔得起補習老師的費用嗎?又或者每個家庭都有高學歷的媽媽在家照顧小孩的家課嗎? 一係學校索性轉直資,篩走一d唔合資格嘅人,否則真係要好好思考吓學校在教學及與家長溝通方面應該如何改善.另外,都唔明點解學校無內聯網供家長發表意見嘅,如果吓吓要留真實姓名及去信,除非一班家長好團結啦,否則,大家實有顧慮,最終都係啞忍了事.