油塘基督教中心 K1

airyaoi

應該係同九龍塘校一樣每日有20分鐘NET，一週兩次普通話

airyaoi

回覆 ilikecoolcase 的帖子

私校每日幾多時間我唔太清楚，不過亦有可能間間唔同。亦要配合成個學校嘅語境。有部份幼稚園係英語主導，雖然NET堂時間可能係每日20分鐘，但其他學習都用英文為主，效果已好唔同。國際班嗰尐就更加唔駛講啦。我囡囡響中心幼稚園九龍塘校讀緊K2，老師唔錯。校園雖然細但大家好CLOSE，老師同姨姨都好上心，佢哋記得全部小朋友嘅名。證明佢哋有留意小朋友，起碼有心做。
我鍾意佢哋比較平實同低調，唔會搞乜嘢迪迪尼畢業禮，遊學團，網球班之類。家長都幾友善，好多都係家長或四大長老接送（當然一定有工人接送嘅小朋友），俾我感覺係其他家長都好關注小朋友，唔係就咁放低俾學校就算。呢個氛圍我覺得都重要㗎，因為同小朋友（即係你仔女嘅同學仔）性格同家庭教育有關。