想了解九真更多有關測驗，考試，默書和功課量

leafun

我細女今年一年級，之前暑假無特別上堂適應小一，但佢自己幼稚園畢業前兩星期有教佢哋抄手冊。上到小一，學校頭一個月網上有post手冊功課，呢方面ok有得對。科目轉咗大半係英文，呢方面就真係要時間適應。我都係叫我個女盡量去聽，唔明去問，同埋去圖書館借多啲英文書，豐富佢英文詞庫。

leafun

小息15分鐘，食飯45分鐘。小息自己帶嘢食，多數帶餅乾、蛋糕仔，但學校唔畀帶朱古力返學食，學校無小賣部。午飯供應商每日有四款餐供應，$18一餐。學校兩測兩考，分別響十月尾、一月頭、三月尾同六月頭舉行。平時默書是計分的。

leafun

升小一無適應週/日，只係八月最後一個星期六半日有小一迎新日，家長、學生一齊返。不過學校十月頭已經有家長會，老師單對單見家長，有問題可以早啲跟進。