沙田有否支援學習困難既中學?

loklok0104

原帖由 MonMonLam 於 14-06-04 發表
唔該晒你既提示。。可惜我女只有創新低，無高過。。我覺得係佢低年班都唔明，高年班更深，佢點會 ...

其實有專注力不足嘅人唔一定係坐唔定，郁身郁勢。有D人會好乖坐定定聽書，但其實個心並唔係樹，只有外榖。咁樣亦會令成績欠佳，食藥係可以有效改善而令專心，但我個人覚得要配合埋運動，如羽毛球、游水都可以改善手眼協議，從而令腦部改善，老師及家長體諒、鼓勵、為孩子引路亦重要。我仔就係呢類，佢本身好乖好定，年年操行A，但就無論點努力溫習成績都唔理想，到呈分時才開始試藥+運動，出來效果由全級1XX提升至對上次呈分66

loklok0104

原帖由 MonMonLam 於 14-06-05 發表
um... 食藥老公實唔比，因為佢覺得亞女無問題，係我先有問題。。成日話亞女有困難。。運動佢有，從 ...

我同意opclk説法，我哋做父母要面對事實唔好逃避，重點係幫到仔女。

loklok0104

由於我仔p1時做評估有SEN，加上佢乖+個人好定，我從來冇諗過佢會有專注力問題而影響學業，一直都賴咗讀障問題。直到P5下學期，班主任同我講見阿仔有鬥心好努力，但無奈成績依然唔得，驚佢再咁落去會令佢放棄自己，失去自信。班主任提議我去見醫生做評估。頭2個月花咗好多錢，要評估，一至兩星期見一次醫生，但我老公唔support, 我同佢嘈咗好耐大家無共識，於是我自己無理會佢之下自己做決定，過咗3個月後見阿仔整體進步了好多，我先同老公講一切，之後佢亦改變態度，好支持我做法。你講得冇錯，成績唔好亦可有其他出路，不過而家才小學，樣樣先要以學業為重，就算要有其他出路亦要基本合格才有更好嘅機會

loklok0104

開頭睇中環丁錫X醫生，雖然丁醫生係出名嘅專科，但每次睇完佢我同仔仔心情都好低落，冇鼓勵嘅說話，只感覺到將來會被社會貶低，之後轉咗另一位文憑醫生，感覺好好，充滿激勵及讚美說話，醫生有耐性

loklok0104

你可以一邊睇私家，一邊排住政府精神科，你要預咗呢一、二年要花昂貴金錢睇私家+藥費。我當年以一試心態, 盡咗自己努力幫仔女，無論結果如何，但起碼有做。加油呀！

loklok0104

首先你唔好比「精神科」三字嚇怕，以為好大件事。正如opclk 所說，其實ADHD主要是腦下垂某處發育未成熟,因而影響專注力,ADHD患者大部分於成長發育會慢慢追回正常,因此發育後有機會唔冼食,因為小學課程緊迫，藥物係可以幫助小朋友學業上

loklok0104

唔洗擔心，學校會等學生中學註冊後才呈交報告予中學