升小一，開學一周後焦慮

chowkarman

hihi babyyantung,

睇完之後我都覺得心痛, 唔好話係你!!!  但小朋友總要學習面對新環境同挫折, 但我覺得老師 only 唔比佢一個食唔係咁好, 如果全班都係咁又唔同, 我喺度諗, 你估你試吓準備 d 健康 d o既小食 ( e.g. 五六粒提子/藍梅/士多啤梨 ~ 可攜帶o既小生果 / 小量果乾 / 果仁 ) 用個細 d o既食物盒分開, 1st 小息 only 食呢個, 唔飽得去邊呱~~  如果有需要我覺得可以同老師傾傾, 反映番比佢知小朋友難受, 大家作出調整~~  另一方面, 都同小朋友傾吓, 同佢講試吓比呢 d 小食佢, 睇吓佢食飯食成點, 如果叻叻就可以繼續架喇!!  喺屋企都訓練吓佢要完成一定份量o既正餐!

大家都係小一家長, 難免緊張, 唯有成日同自己講, 緊張對大家都冇好處, 盡量放鬆 d~~~  記住呀, 我哋o既小朋友得一次小一架咋, 好好記住好好嘗試去享受吓呢個可能一閃即逝o既時刻啦

原帖由 babyyantung 於 10-9-14 18:53 發表
Hi tom911

我女女同你女女一模一樣, 頭一個星期仲好開心, 但一轉返全日, 又要在學校食飯, 就好不安, 成日喊. 我個女女話好擔心, 擔心食唔哂飯俾老師鬧外, 由於佢老師怕佢小息食野, 唔食飯, 所以第一個小息時唔俾佢 ...

chowkarman

係呀, 我個囡囡都係升小一, 之前我都係好緊張, 後嚟睇咗 d 書, 自己又諗通咗, 你鬧佢話佢都冇用, 只有越話越差, 佢會越嚟越冇心機, 雖知道升小一對小朋友嚟講先係大挑戰, 我哋只係輔助佢哋成長!!  放鬆 d 吖, 真係會有意想不到o既效果架!!

少少心得, 當發現佢有錯漏時, 同佢講 : 咦!!  我想問吓你呢度係咪咁架??  扮哂傻, 引發佢諗番起老師點講然後自己錯喺邊, 又可以訓練吓佢記憶力, 我試過效果唔錯架!!  佢發現之後拍吓佢頭仔讚吓佢, 跟住先同佢講咁下次記得喇喎!!

總之大家一齊努力, 開開心心升小一!!!!

原帖由 kikiboy 於 10-9-15 10:44 發表


好多謝你呢翻說話, 希望我可以從中啟發到我自己!

數日來都會鬧吓我個仔, 鬧佢甩甩漏漏, 我放工返去未完成功課等等, 每次鬧完我又會好後悔, 啱啱入小一你想對佢要求有幾高? 唔單止阿仔, 連我老公都遭殃, 比我鬧佢 ...