小一普教中,中文跟唔上,應轉校定加強練習?

rulerL

sabina712 發表於 18-6-8 14:28
小女準備升小二,幼稚園係英文為主的,中文都係學D比較淺既字,
而一上小一的中文好差,有關要書寫中文的科目都 ...

上小學前以英文為主，上到小學幾乎可以講先啱啱開始接觸中文，咁同中文有關的科目表現差係好正常喔。
小朋友吸收能力快而高，你同佢加強返中文字嘅讀寫同理解，即係操佢要識讀識寫同明白個字詞含意，相信佢好快可以追返上正常水平。
如果你打算小朋友日後都係循DSE考入本港大學嘅，咁中文一科都必須要達到相關要求，你依家都係要同佢搞搞佢，除非你有其他打算。
至於普教中，我小朋友讀津貼小學都係普教中，佢本身都係唔識普通話，都一樣可以接受到，以佢小學為例，老師都唔會完全係講普通話，只係朗讀課文用普通話，講解就廣普齊用。