40網，旅小是否區內頂级神校?多謝指教

danielwcm

睇左咁耐，其實都只係針對旅小好過瑪神，兩間其實都係不錯既小學，各有捧場客，未來就唔知，我相信哩一刻小朋友讀旅小應該會比瑪神happy,但其實瑪神最大優勢係有直屬中學，唔好理佢收75%定85%，以全級100個學生計，起碼有60-70可上瑪神中，就算旅中真係進步到1A級別，也只係比大約10個學位旅小，即100個學生只有10個可入旅中，何況旅中根本唔算係旅小直屬中學，實歸事實請不要誤導大家，我覺得旅小將來可成為一級學府，但打手們的過份吹捧，只會令有興趣既家長卻步，就算瑪中係band2不及旅中又如何？直屬就係直屬，哩個正正係瑪神多家長支持既原因，亦係事實，老老實實，唔係直屬中學，隨時都可以唔比位你啦！

danielwcm

其實係咪一線，每人標準唔同，比你班打手講到瑪神咁差，咪又係大把人報名同8個叩門位有成300人去爭，每間學校都想力爭上游架啦，有邊過甘願做殺校首選呀？每間好學校都一定有自己的支持者，並唔會因為你哋D打手喺度唱好或者踩抵間學校，而令到學校質素有所改變，今時今日嘅教育已經唔再係一面倒依賴學校單方面，而係要求家庭教育及學校教育配合，共同努力才能好好栽培小朋友！真正可以改變學校質素，其實係要靠學校，小朋友同埋家長三方面，並唔係單靠你哋幾個打手喺度唱好或抹黑就可以改變到！