福建小vs優才

Mathew0214

各有各好，我小朋友讀福小，印象中優才亦唔差，某「數字人」家長逢福小post都會入黎，話你聽DSE成績如何如何。坦白說，我個人覺得某人過份熱心，以為自己代表真理，令我非常反感。

我都想分享一下選校心路歷程。

選校第一件事，是了解自己小朋友的學習習慣及自己的期望。以我自己來說，我小朋友算乖和聽話，受教，但唔算好聰明。如果擺去好進取的學校，小朋友未必可以發揮得好好。

福小校風純樸，對學生有要求，教學循序漸進。低小較輕鬆，注重品格培養。中高年級重視學習方法和要求提高。高小積極銜接福中要求，偏學術為重。

而在我眼中，優才比較進取，家長上課這一關已篩走不少家長，入得去的家長一定付出好多去栽培小朋友。我自問都好重視小朋友教育，但在這樣的家長群中，我覺得自己會好大壓力。對鬥心強的家長，則是一個好選擇。因我不是優才家長，上述分享不能作準，只是觀感。

相對而言，福小比家長的支援好多，小一入學前都有好多家長講座。入學後亦有家長學堂：有育兒講座、學習方法講座、配合學校教學主題的講座、家長興趣班等等。對我個人來說，這更加幫到我。

我冇比較過優才同福中DSE成績。問過在校家長，過去福中一直入大學率好高，早幾年接收咗臻美初中一至中三學生，係有啲影響。但福中過去幾年已經再次穩步上揚，今年DSE成績都相當唔錯，有兩個學生入醫學院，合格和優良都比以往更高。福中畢業生多，如單睇百分比佢唔算好突出，但計番實際人數，就相當唔錯。這說明了學校的學習風氣好、教學方法好，至於入唔入到三大，我個人覺得小朋友自己的努力都重要，學校得，小朋友自己唔肯努力，入到邊間都唔會讀到。

最後一點，就是交通方便。福小在地鐵站旁，我不用為校車煩惱。

Mathew0214

我都係今年先入，實際係點我唔肯定。第一手資料係我果級啲家長都覺得老師好細心，好關心學生。全部都係舊老師，冇新老師。

聽番舊家長講，流失率高係接手臻美之後的幾年的情況，現在學校已穩定發展。

Mathew0214

英語水平方面，基本上小一同學仔之間大部分都可全英文溝通。（好似聽講係有個別會弱少少）小一英文課程讀開英普幼稚園問題唔大，一般幼稚園會吃力啲（其他家長話）。

Mathew0214

乜唔係一年級全年進展性評估，一次測驗，一次考試？