幾年級可放手 溫習 測驗考試？

October.

charmykittyy 發表於 17-11-20 21:54
因近年 身邊 不小 同事 都請 「考試假」， 和多年前 的境像 大不相同， 可能 他們的小孩 有些讀 緊私小（ ...

我地十幾年前已經係咁, 全公司媽媽冇一個仔女測考唔請假的, 大多數人仔女讀官津校.

咁多年過去了,好多仔女大晒, 睇返成果, 讀書最終都係靠仔女自己.

October.

IloveJJ 發表於 17-11-21 11:04
可以講下點樣個成果係點俾你覺得「讀書始終都係靠自己嗎？」

只針對孩子學業成績, 讀完12年中小學(有同事仔女會考舊制), 最終入到本地五大否.

當年,冇咁興直資/私校, 大多數同事仔女讀官津,有啲就名官津啦, 但萬變不離其宗, 我信教材師資唔差得遠,

我地互相交流學校情況, 個個都幫仔女溫測考,考試放大假陪讀, 當然可能投入程度有些小差別啦,

第一關升中到了, 大多數仔女都屬B1, 只有個別B2, 但同事都幫仔女搵到直資英中升學,呢個階段總結, 阿媽付出幾多收穫幾多, 對小學生來講基本成立, 當中分別微小, 只是BANDING既頭中或尾.

升中后, 大家就開始互呻了, 都係話仔女讀書"懶", 呢科唔得,果科又唔合格, 阿媽話當耳邊風, 仔女好似甩繩馬騮咁, 冇心向學, 有d勤力既, 又能力不足, 成績強差人意等等.

第二關口DSE結果出來了, 入到五大了了無幾, 有個小學時被評資優生都......滑鐵盧

所以, 小學時父母幫下仔女打好學習基礎,培養好學習態度係需要既,但成唔成就到學業, 我睇法就 天份+勤力,缺一不可.  

點解話靠讀書靠自己? 就以我女為例, 對Science科一開始就話冇興趣, 初中一直hea讀,上堂睇小説唔聽書,咁成績又點會好呢? 到左F5突然自己轉性, 好勤力補習操數,結果DSE取5, 當初,我地苦口婆心點講都冇用,係要佢自己開竅肯努力,不過, 我地由小學開始就俾信息佢一定要讀到大學, 潛移墨化俾壓力佢都有小小影嚮.

October.

IloveJJ 發表於 17-11-21 12:20
呢樣我知，但見October既意思，佢個case應該也是績優才這麼說呀！

佢中學都係讀B1, 佢媽話冇心向學.

October.

Jane1983 發表於 17-11-21 11:59
回覆 October. 的帖子

你的講法我有同感。我女今年小四，望吓讀K時的一班同學仔和朋友差不多年紀的仔女， ...

我女初中都試過反叛期, 同佢講野唔中意聽就"澎"埋道門, 又成日起晒鋼, 同同學傾電話到半夜三更都唔訓覺.

所以,中學係一大變數, 孩子到左青春期對親子及學業都有影嚮.

October.

IloveJJ 發表於 17-11-21 14:43
知道為何「無心向學」嗎？因為小學是被人迫?因為B1中學太難?因為英文底子唔好?
...

佢媽就怪阿仔讀咗個資優課程, 累咗阿仔目中冇人, 成日覺得自己好叻, 書唔駛讀.

佢媽小學有陪測考的,但冇我跟得咁貼佢仔應該冇我兩個咁大壓力

October.

IloveJJ 發表於 17-11-21 16:58
咁你既然覺得讀唔讀到都係睇佢哋自己，又點解仍然選擇跟得咁貼?

你覺得佢哋既case係跟得唔夠貼嗎？ ...

我係小學跟得貼, 到左中學, 我想跟都有心冇力, 而且,細佬都越大越唔肯俾我地跟啦, 我中一跟過阿仔第一次大測后, 就放手佢自己溫, 當然放手唔等于完全唔理, 唔睇功課不陪溫書姐,但我時不時會"關注" 下佢學業進度既.

佢哋既case,唔多唔少父母上左中學就唔理, 而仔就好似甩繩馬騮咁, 等一回頭散左既心已難收返, 個男仔係有能力讀好d既.

October.

IloveJJ 發表於 17-11-21 17:31
咁即係，唔係唔好跟貼，係上咗中學要再跟下?慘!仲以為上了中學唔駛理

EK有網友完全唔跟，孩子都讀得好好架，我都係關注下，冇可能再跟功課陪讀了，只係俾d壓力佢地，等佢地知父母重視佢地學業，老實講我都係自己盡下人事，如果仔女唔聽話，照樣HEA唔讀唔溫，咁我地都係冇符，大把呢啲例子的，所以，我咪話讀書主要都係靠自己。

我仔自動自覺算勤力，不過，我叫佢去補下數學，佢唔睬我，係都唔肯去，咁我都冇辦法，就係咁解囉。

October.

我有個E 生親戚,自細係地區學校既叻仔, 我女當年數學差, 請教過佢數學學習方法, 佢提到其中一點, 要背熟題型(背熟公式就唔晒講啦), 佢話到考試呢d分秒必爭既時刻, 根本沒足夠時間俾你諗, 當然,呢d只係佢個人長期考試高分既學習方法,咁岩我識既成績全面好既都天份+勤力, 我親戚好精靈, 政府E院做過顧問E生,依家中環開診所.

October.

Yanamami 發表於 17-11-30 18:21
係band1校既学習氣氛同态度点都好d. 係校內再叻， ...

呢樣野千真萬確，同學中既互動互相影響，事實上仲超出我預期。

October.

shadeslayer 發表於 17-11-30 21:37
咁咪係囉，咩叫同輩壓力呢？ B1A同輩壓力喎，和輕鬆係相反的。

我見到既係正面既影響，我仔幾個好朋友會互相問書，互相砌搓功課，有個體育出色同學，經常問我仔功課問題，佢同我仔講話，佢要努力追成績，要做到同體育一樣出色；另一個就話要去補習，我仔F4選咩科，佢要跟住我仔選科，雖然有啲天真，但我聽到都受感動，呢班男仔真係好乖。

當然，同學之間互相競爭，呢啲一定有，老師都會鼓勵佢地挑戰自己，突破成績，我仔小學老師已經咁做。