Khmama請幫忙, 煩惱中

khmama

QQ敏 發表於 13-1-16 20:21
回復 khmama 的帖子

今天已交了第一間.第二間等khmama的意見

荃官只要操行有B就會有面試, 成績佔40%, 面試佔40%, 特異功能佔15%, 聯繫佔5%. 所以面試表現好相當重要. 既然你間學校過往都有3-5個入到, 自行都不妨一試, 亦可以先打探你學校有幾多人同你爭, 提高成功機會. 李兆基會見晒所有人, 成績, 面試, 活動同操行各佔25%, 會考學生既解難同數理能力, 機會都幾大. 何傳耀非常著重成績, 佔70%而面試佔20%. 一間咁重視成績既學校, 入去讀相信唔會輕鬆, 你睇下適唔適合你仔仔. 安柱冇記錯都係見晒, 只要操行有B, 成績佔50%, 面試佔30%, 活動佔20%. 如果對仔仔面試信心大, 可以考慮荃官+安柱, 否則就安柱+李兆基就比較穩陣. 不過你必須要心儀所揀既學校, 如果唔係考到冇得抽獎又後悔就唔好.

khmama

曾記+沙崇/培英

khmama

回復 kiukiupig 的帖子

如果你揀胡忠又自行成功, 跟住比你上番band1c, 你會唔會好後悔先? 假如入胡忠你都OK, 因為程度上都合適 咁自行揀胡忠作第二志願就冇問題. 你要明白沙蘇機會渺茫, 如果你以2a成績再去搏多間1c, 好大機會只可以等抽獎. 去到抽獎你就要接受任何一間band2, 你覺得可以接受呢個風險, 可以試一間band1c如郭得勝, 最多等抽獎. 唔想搏就胡忠. 我唔覺得黃笏南自行會收band2.

khmama

回復 stanleyapple 的帖子

沙田友唔怕進取, 因為抽獎機會大.

khmama

edelwise 發表於 13-1-16 07:25
khmama,

小女第二次呈分為 56/136, 屬b1尾, 因尚未交表,

順天>蒙民偉>呂郭碧鳳. 係其他佔15%, 包括體藝, 服務, 活動同宗教. 千祈咪斷章取義, 宗教只佔15%既其中幾個%啫, 唔係差好遠.

khmama

如果根據小學以往派位結果，有大約一半60-70人可以讀band1英中，間小學本身在同區唔算差，因為band1%比standard嘅1/3高，咁top10應該已屬band頭.

khmama

kiukiupig 發表於 13-1-20 14:24
感激Khmama之前的分析，上星期已交表沙蘇(有點後悔，好像浪費了自行機會，但交了表冇法)，所以第二志願一定 ...

能否上到第一組別, 好睇師兄姐編班試既分數差距. 所以你好難估到差幾多. 如果你囡囡唔係因為失手跌落band2頭, 要奇蹟地第三次考得好好拉上band1既機會有幾大, 相信你會比我清楚. 如果自行搏郭得勝. 大抽獎首志願揀咗band1c繼續搏, 就唔好將胡忠放第二, 我覺得冇咩機會第二會抽到.

khmama

既然一直係band2成績，報胡忠在程度上適合，唔需要太勉強去報band1.

khmama

作為父母可能係無奈沮喪，但係對小朋友可能係祝福，將來嘅事冇人會知，希望你順利入到心儀學校.

khmama

回復 yuetmama 的帖子

學校未必肯轉時間, 而且叫得間學校轉, 即係睇重另一間啦, 你話學校會點諗?

khmama

回復 bobocelia2000 的帖子

九華同曾記可以考慮. 睇番上年派位結果, 馬主有62.3%派入band1英中, 淨係入曾記都有20個. 沙田有40間小學, 曾記抽獎位得95個, 相信唔會因為馬主既學生特別好運, 自行入既為數應該唔少. 沙主派入band1英中得32.4%, 曾記得9個, 兩間主風強弱懸殊, 沙主老師講既top15係針對本校, 強如馬主就唔係咁計.

khmama

Ianma 發表於 13-3-26 10:48
Dear Khmama,

中西區band1男仔既選擇其實好少, 得英皇一間, 唔似女生有英華, 聖士提反同聖心夾埋有300個位. 如果抽獎的話, 抽入聯係位既機會只係一半半. 上年英皇有11個聯繫位, 比兩間聯繫小學抽, 抽到既機會大約25-30%. 假如運氣唔好而聖類斯比預期少人抽聯繫位, band1男生有機會派入band2. 除非你好有信心自行會成功, 或者你唔介意派任何學校, 又或者你願意去搏抽獎, 最多去叩門, 否則聖保羅書院都係一個唔錯既選擇.