今年公務員申請 SPA 好麻煩，要多好多文件！

basbyy

自問申請左 SPA 『學生機票津貼』5 年，一向都無乜甩漏，今年竟然份份都打回頭！真係激氣！

basbyy

過客 發表於 18-11-5 11:43
有咩漏或是要新加文件証明?

以前幫小朋友 claim SPA 只要填 SPA claim Form 加機票收據就 claim 到，上年就話要加埋校曆表，點知今年仲要加學校信或者學費單，銀行月結單。我同佢地講，個小朋友唔係第一年過去讀書，已經喺度讀緊書，學校無理由無喇喇會出封信證明個小朋友喺度讀緊書，咁佢地話可以比學費單佢地睇，咁我話有學費單都唔係證明個小朋友喺度讀架，我話我有 claim OEA 咁就已經證明小朋友喺英國讀緊書，我無理由無喇喇買幾張機票比個小朋友飛幾轉英國架！！而且呢 D 錢係實報實消無得呃嘞，呃呢 D 錢會比人拉架！！！不過同庫房講完後我都屈服，佢地要乜我就比乜佢，費時同自己過唔去！！提醒大家，今年 claim SPA 記住加埋學費單，校曆表同銀行月結單！！

basbyy

cfs 發表於 18-11-5 20:32
銀行月結單？請問可以證明什麼？過數比學校?如果父親claim,而母親是付款人又怎樣，太好奇。
...

銀行月結單係證明你真係比左銀買機票。

basbyy

DindinChoi 發表於 18-11-5 17:11
今年年頭已買齊三套機票 之後又係退回 要我出示學校信後來我另一同事教我
等到十月一齊claim機票同學費
交 ...

其實唔係關系開唔開學嘅事，你第一次 claim 係全部文件交比自己部門再去庫房，之後就要分開寄比庫房同部門人事部！

basbyy

JustAParent 發表於 18-11-5 16:47
我覺得嚴謹Ｄ，check清楚Ｄ好合理呀，庫房批既係公帑。

嚴謹唔係問題，但去到擾民嘅地步，銀行月結單涉及好多私隱，我覺得有些過態。

basbyy

cfs 發表於 18-11-6 08:59
本帖最後由 cfs 於 18-11-6 08:59 編輯

謝謝你。現金就免

用信用咭買可以儲分換機票！

basbyy

SIYip 發表於 18-11-6 09:21
交月結單我理解。人事部話可以塗晒其他資料。始終我只有e-ticket, 佢地證明唔到我地用嗰個價買機票。以前 ...

五年前我第一次買 BA 機票時，我叫佢地寄返張收據比我 claim 錢，買左兩次後， BA 話唔會出收據，因為已經同政府協商左唔再出收據，而政府已經確認張 e-ticket 等同收據，而且張e-ticket 內已經列明張機票幾時買，買左幾多錢，幾多錢稅，邊個買，邊個坐……，而且係銀行過晒數先會出張 e-ticket 比你，跟本無可能假！！！

basbyy

其實喺 EK 講，都係想提醒大家今年要多左文件，希望大家D文件唔好打回頭！！

basbyy

SIYip 發表於 18-11-6 14:19
我份OEA 同SPA 都打回頭，已經之前問晒人事部要交咩，我第一次搞，無經驗。不過，人事部個同事都好友善，打 ...

我老公果份過左人事部但去到庫房又再搵我老公，又係要加學費單，係要郵寄比佢地，但張學費單唔駛簽名 and certified，咁我問佢唔駛簽名同 certified 可唔可以 FAX 比佢地，佢又話唔得，一定要郵寄！！其實郵寄我幾怕會寄失！！

basbyy

brother4 發表於 18-11-6 22:20
好奇！冇咗boarding pass咁點算？

通常佢地會要求你交最近將會撘果程機票，所以好少會無左張 boarding pass.

basbyy

dorishelley 發表於 18-11-26 23:05
剛收到SPA的錢,但發現被扣起千多元,未有全數出曬.我便打去庫房查問,他說因為我上年交的學校信,說課程只去到 ...

我有朋友又係咁，扣起左4千幾蚊，朋友打去庫房問，又係話學校信話佢六月尾就畢業，佢解釋一大輪但我朋友聽唔明佢講乜！！佢地話果4千幾蚊會比返佢，不過要佢證明佢個仔出年九月仲喺英國讀書，我朋友問如果出年佢個仔返香港讀大學呢？佢地就話唔會比返佢！！

basbyy

ANChan59 發表於 18-11-28 11:22
我估佢 claim 來回機票，但有可能不回英國升學，所以先扣除回程機票！

唔駛估，庫房扣起左佢復活節返英國返學果程機票，點會唔返英國開學呀！要考A-level 架！

basbyy

ANChan59 發表於 18-11-28 11:20
可能出現咗一些呃呃騙騙的個案，所以先執緊些！

其實呢 D 錢係實報實消，係交晒錢先至 claim 得，唔會有人敢呃呃騙騙架，呃政府錢係刑事，會比人拉架，而 claim 得呢 D 錢嘅政府僱員全部係長俸員工，我相信無人會敢用自己將來退休果畢退休金同之後嘅長俸去博果幾千蚊囉！

basbyy

ANChan59 發表於 18-11-28 18:45
之前的房津咪一样係咁搏，只有例子，就会有杀错冇放过。

之前房津 case 唔同，佢地互買又互租單位係唔得，而佢地諗住走法律罅，而且係涉及過百萬。而我地呢 D 係果幾千蚊，我相信無人會攞幾千蚊去博幾百萬囉！！仲要果幾千蚊係要自己個小朋友英國香港兩邊飛！！其實一年都比得幾十萬仔女去英國讀書，果幾千蚊跟本唔係咁介意，只係佢地而家做得唔合理，而果幾千蚊又係我地應得嘅，因為喺我地嘅聘用條件係包括呢個津貼！

basbyy

db7mu23 發表於 18-11-30 07:03
申訴專員 !

我都覺得可以搵申訴專員，不過如果搵申訴專員要書面作出投訴佢地先會跟進，而佢地一查就一年半載，等得黎果幾千蚊已經到手，所以我諗大家唔會咁做！！

basbyy

readymama 發表於 18-12-30 11:59
算la, 我地立稅人子女海外讀書機票都無得claim, 再嘈就一拍兩散。叫政府cut 埋令願倒入明日大嶼個project  ...

其實差不多個個公務員都要納稅架喇，我每年納嘅稅多過我 claim SPA，而 OEA 同 SPA 並唔係特區政府比我地嘅福利，而係回歸前嘅津貼，因為50年不變而繼續有嘅津貼，新入職嘅公務員已經無呢 D ，特區政府已經 cut 左呢 D 津貼喇！！

basbyy

lumfamily 發表於 19-3-30 23:35
第一次申請OEA，因為最近工作很忙和時間關係，可否藉此貼請教大家和確認一下：

1/今年5/9倫敦開學

1. 曾經問過庫房，如果日子距離開學唔係差大遠，一般早兩、三個星期都無問題。


2. claims $23xxx 是要睇你申請嘅年度同年齡，一般學生係 9月開學，申請是 1/9 - 31/8，但亦有 D 學生是中途轉去英國讀書，所以有 D 人係 1/1 - 31/12，如果小朋友在該年度滿 19 歲，就會由小朋友生日果個月變為 $17xxx一年，庫戶會按比例計。

3. 其實出發後申請或者完成旅程先申請都無問題，但記住 SPA 每年只可以申請三次，所以好多人都會一開學就申請晒手上嘅機票。

4. 對